Pulau Pananggalat Sigoiso
| Koordinat | |
|---|---|
| Provinsi | Sumatera Barat |
| Kepulauan Mentawai | |
| Populasi | 0 |
Pulau Pananggalat Sigoiso marupoan salah satu pulau yang barado di Samudera Hindia. Pulau ko barado di sisi baraik Pulau Sumatra. Pulau ko tamasuak ka dalam gugusan Kepulauan Mentawai. Lokasinyo indak jauah dari Pulau Siberut.[1]
Sacaro administrasi, Pulau Pananggalat Sigoiso barado dalam wilayah Kecamatan Siberut Barat Daya, Kabupaten Kepulauan Mentawai, Provinsi Sumatera Barat, Indonesia.[1][2]
Sangkek dilakukannyo survei toponim pulau dek Departemen Kelautan dan Perikanan RI pada 2005, pulau ko mamiliki namo Penanggalan Kecil. Namun, sasudah dilakukannyo verivikasi panamaan pulau pado 2007, pulau ko baganti namo manjadi Pananggalat Sigoiso.[1]
Arti kato Pananggalat yang disamekan sabagai namo pulau ko indak dikatahui, sadangkan kato Sigoiso dalam bahaso satampek mamiliki arti ketek.[1]
Pulau ko marupoan salah satu pulau indak bapanduduak di Sumatera Barat. Pado umumnyo, Pulau Pananggalat Sigoiso batopografi relatif data. Pulau ko mamiliki pantai bapasia putiah. Daratannyo ditumbuhi dek karambia jo tumbuhan pantai lainnyo.[1]
Rujuakan
[suntiang | suntiang sumber]- 1 2 3 4 5 Dinas Kelautan dan Perikanan Sumatera Barat (2009). Direktori Pulau di Provinsi Sumatera Barat. Padang: Direktorat Pemberdayaan Pulau-pulau Kecil. pp. 80.
- ↑ Badan Perencanaan Pembanguan Daerah Pemerintah Kabupaten Kepulauan Mentawai (2020). Materi teknis Revisi RTRW Kabupaten Kepulauan Mentawai Tahun 2015-2035. Tua Pejat: Pemerintah Kabupaten Mentawai. pp: 53.
Pranala luar
[suntiang | suntiang sumber]- (Indonesia) Situs web resmi Kabupaten Kepulauan Mentawai Archived 2020-10-28 di Wayback Machine.
