Provinsi Zabul
Zabul adolah salah ciek dari 34 provinsi di Afganistan nan talatak di bagian selatan nagara tu. Provinsi ko mampunyoi panduduak sakitar 249.000 jiwa.[1] Zabul manjadi provinsi nan tapisah dari provinsi tetangga, Kandahar, pado tahun 1963. Sacaro historis, wilayah ko marupokan bagian dari kawasan Zabulistan. Kota Qalat bafungsi sabagai ibu kota provinsi. Kalompok etnis utamo di Zabul adolah Pashtun. Pakarajaan utamo panduduaknyo maliputi batani jo pataranak.
Provinsi Zabul mampunyoi laweh mancapai 17.471 km2.[2][3] Ekoregion utamo di provinsi ko adolah kawasan rimbo kariang pagunuangan tangah Afganistan. Vegetasi nan umum disobokan maliputi samak baluka kariang jo batang pistachio. Pagunuangan tinggi di bagian utara provinsi tamasuak dalam ekoregion padang rumpuik alpin Ghor-Hazarajat, nan ditandoi dek kabaradoan padang rumpuik, batang willow, jo tanamana hippophae.[4]
Rujuakan
[suntiang | suntiang sumber]- ↑ "Estimated Population of Afghanistan 2021-22" (PDF). National Statistic and Information Authority (NSIA). April 2021. Diarsipkan dari versi asli (PDF) tanggal June 24, 2021. Diakses tanggal June 21, 2021.
- ↑ Provinces of Afghanistan on Statoids.
- ↑ "Afghanistan's Provinces – Zabul at USAID". USAID. Diarsipkan dari versi asli tanggal July 27, 2007. Diakses tanggal 2 April 2018.
- ↑ World Wildlife Fund, ed. (2001). "Central Afghan Mountains xeric woodlands". WildWorld Ecoregion Profile. National Geographic Society. Diarsipkan dari versi asli tanggal 2010-03-08.