Provinsi Sidi Bel Abbès

Sidi Bel Abbès adolah salah ciek dari 58 provinsi di Aljazair nan talatak di bagian barat lauik nagara tu. Namonyo diambiak dari namo ibu kotanyo, kota Sidi Bel Abbès. Pado tahun 2008, panduduaknyo bajumlah 603.369 jiwa.

Sidi Bel Abbès sajak lamo manarik bagi banyak imigran karano lokasi, iklim, topografi jo sumber aianyo, sarato acok kali maalami invasi asiang. Banso Romawi pernah manjadiannyo sabagai tampek balinduamh militer. Kamudian Bizantium mandominasi sajak akhia abaik ka-5 nan mamicu pambarontakan panduduak satampek. Muslim kamudian manakluakan wilayah tu pado abaik ka-7 jo disambuik baiak dek suku-suku Berber, jo patumbuahan panduduak maningkek pasek pada abaik ka-11. Kawasan ko kamudian barado di bawah kuaso dinasti Almoravid, dilanjuiakan dek Almohad, sabalum akhianyo pacah pado abaik ka-13 jo Sidi Bel Abbès dikuasoi dek Bani Zayyan di bawah Ighmrasin bin Zayan.