Provinsi Herat
Herat, atau Harat, adolah salah ciek dari 34 provinsi di Afganistan nan talatak di bagian barat nagara tu. Basamo jo provinsi Badghis, Farah, dan Ghor, wilayah ko mambantuak kawasan barat lauik Afganistan. Kota utamonyo sakaliguih ibu kota provinsi adolah Kota Herat. Provinsi ko tabagi manjadi sakitar 17 distrik jo mampunyoi 2.000 kampuang. Jumlah panduduaknyo sakitar 3.780.000 jiwa, manjadiannyo provinsi jo panduduak tagadang kaduo di Afganistan sasudah Provinsi Kabul.[1] Panduduaknyo tadiri ateh babagai kalompok etnis, namun sabagian gadang babahaso Persia.
Herat alah ado sajak jaman Avesta jo sacaro tradisional dikenal karano produksi anggurnyo. Kota ko mampunyoi sajumlah situih basijarah, tamasuak Benteang Herat jo Komplek Musalla. Pado Abaik Patangahan, Herat manjadi salah ciek kota pantiang di wilayah Khurasan jo dikenal sabagai Mutiara Khurasan.[2] Provinsi Herat babatehan jo Iran di barat dan Turkmenistan di utara, manjadiannyo wilayah padagangan pantiang.[3]
Rujuakan
[suntiang | suntiang sumber]- ↑ "Estimated Population of Afghanistan 2021–22" (PDF). nsia.gov.af. National Statistic and Information Authority (NSIA). April 2021. Diarsipkan dari versi asli (PDF) tanggal June 24, 2021. Diakses tanggal June 29, 2021.
- ↑ The Best Attractions In Herat Province www.destimap.com, accessed 8 October 2023
- ↑ Jawed, Mohammad Ali; Hakimi, Harun (2012-04-16). "Herat trade on the up and up". Asia Times Online. Diarsipkan dari versi asli tanggal 2012-04-16. Diakses tanggal 2019-08-13.