Provinsi Benguela
.svg)
Benguela adolah salah ciek dari 21 provinsi di Angola, nan talatak di bagian barat nagara tu. Provinsi ko barado di Lautan Atlantik, jo babatehan samo Provinsi Cuanza Sul, Namibe, Huila, dan Huambo. Provinsi ko mampunyoi laweh mancapai 39.826 kilometer persegi (15.377 sq mi) jo ibu kotanyo iolah Benguela. Manuruik sensus tahun 2024, panduduaknyo bajumlah 2.597.638 jiwa, maningkek dari hasia sensus tahun 2014 jo panduduak 2.231.385 jiwa.[1][2] Wilayah provinsi ko tabagi manjadi 10 munisipalitas.
Sijarah
[suntiang | suntiang sumber]Pado abaik ka-16, di wilayah provinsi ko tadapek Karajaan Benguela. Karajaan ko sempat bahubuangan jo Portugis, maskipun upayo awal kontak indak bahasia.[3] Pado awal abaik ka-17, wilayah tu dijadian pusek kapantiangan Portugis, tapi labiah bakambang sabagai lokasi padagangan budak daripado eksploitasi sumber daya.[4]
Mamasuiki akhia abaik ka-19, Portugis mampakuaik kuasonyo di Benguela di tangah pasaiangan kolonial Eropa jo mangambangan infrastruktur takah Jalan Kareta Api Benguela nan maningkekan padagangan jo industri.[4][5] Benguela kamudian manjadi pusek padagangan pantiang, tautamo karet jo gadiang, lalu baaliah ka sektor parikanan sajak 1960-an.[5] Parubahan gadang tajadi pado struktur panduduak akibaik kamardekaan Angola pado tahun 1975 jo Parang Sudaro, nan mamicu aruih migrasi jo pangungsi.[6]
Rujuakan
[suntiang | suntiang sumber]- ↑ "Resultados Definitivos Recenseamento Geral da População e Habitação – 2014 Província de Benguela" (PDF). Instituto Nacional de Estatística, República de Angola. Diarsipkan dari versi asli (PDF) tanggal 1 November 2020. Diakses tanggal 3 May 2020.
- ↑ Citypopulation.de Population of provinces and communes in Angola
- ↑ John K. Thornton. AHistory of West Central Africa to 1850. (Cambridge University Press, 2020) p. 103
- 1 2 "História" (dalam bahasa Portugis). Benguela.gov. Diarsipkan dari versi asli tanggal 7 March 2014. Diakses tanggal 18 September 2014.
- 1 2 James, W. Martin (5 May 2011). Historical Dictionary of Angola. Scarecrow Press. p. 40. ISBN 978-0-8108-7458-9. https://books.google.com/books?id=4A5NM4IeBXgC&pg=PA40.
- ↑ Angola Company Laws and Regulations Handbook. Int'l Business Publications. 3 Maret 2008. p. 19. ISBN 978-1-4330-6936-9. https://books.google.com/books?id=0TJ93AxANfIC&pg=PA19.