Provinsi Bamyan
Bamyan, dibaco juo Bamiyan, Bāmīān, atau Bāmyān, adolah salah ciek dari 34 provinsi di Afganistan nan talatak di bagian tangah nagara tu. Provinsi ko tabagi manjadi salapan distrik, jo kota Bamyan sabagai ibu kotanyo. Kota tu babatehan jo Samangan di utara, Baghlan, Parwan, sarato Maidan Wardak di timur, Ghazni jo Daikindi di selatan, sarato Ghor dan Sar-e-Pol di barat.
Bamyan marupokan provinsi tagadang di wilayah tangah Afganistan. Bantangan alam Bamyan didominasi dek pagunuangan jo pabukitan, barado di ujuang barat Pagunuangan Hindu Kush nan basambuang jo Himalaya. Jumlah panduduaknyo sakitar 495.557 jiwa.[1] Panduduaknyo baasa dari suku Hazara, diikuiki dek suku Tajik jo Pashtun.[2]
Pado abaik ka-4 jo 5, Bamyan manjadi pusek padagangan jo agamo Buddha.[3] Pado maso kuno, wilayah tangah Afganistan mampunyoi posisi strategis di Jalua Sutra nan maubuangan Kakaisaran Romawi, Dinasti Han, Asia Tangah, jo Asia Selatan. Bamyan manjadi tampek pasinggahan pantiang dek banyak pandatang. Di sikolah unsua-unsua seni Yunani jo Buddha bapadu, nan malaian gaya klasik nan dikenal sabagai seni Greko-Buddha.
Rujuakan
[suntiang | suntiang sumber]- ↑ "Estimated Population of Afghanistan 2020–21" (PDF). Islamic Republic of Afghanistan, National Statistics and Information Authority. Diarsipkan dari versi asli (PDF) tanggal 3 July 2020. Diakses tanggal 6 June 2021.
- ↑ "Bamyan | European Union Agency for Asylum". euaa.europa.eu (dalam bahasa Inggris). Diakses tanggal 2025-04-04.
- ↑ "Bamiyan". Encyclopedia Britannica. Diakses tanggal 20 June 2022.