Potang balimau
Potang Balimau, banyak caro nan dilakuan dalam rangko manyambuik bulan suci Ramadhan, tamasuak nan dilakuan masyarakat Minangkabau yaitu balimau. Tapi masyarakat Limo Puluah Kota di Pangkalan manyabuiknyo jo Potang Balimau. Kegiatan ko alah marupoan tradisi turun –tamurun dalam “manyucikan diri” nan dilakuan oleh anak nagari disapanjang ilian sinama Batang Maek Kecamatan Pangkalan Koto Baru di Kabupaten Limo Puluah Kota. Tradisi manyambuik bulan suci Ramadhan iko diadoan sasudah Shalat Zuhur. Salain untuak mambarosihan diri, sakalian sabagai tampek basilaturahmi antaro anak nagari di kampuang halaman atau dari parantauan. Sasudah salasai, pado sanjo harinyo pangunjuang pulang ka rumahnyo surang-surang untuak mandi balimau jo ramuan kusus nan disadioan dek kaum padusi di Pangkalan.[1]
Kegiatan ko baanggap sabagai tampek basilaturahmi tapi salain tu iyo juo marupoaan sabuah kegiatan untuak manganang sejarah saudagar dari Pangkalan Koto Baru. Potang Balimau diadokan satiok tahunnyo di dakek masojik Raya Pangkalan Koto Baru. Potang balimau tadiri dari duo kato nan diambiak dari bahaso Minangkabau jo dialek Pangkalan, yaitu potang nan mampunyai arti sanjo hari, dan balimau nan mamilki arti mambarosihan diri manggunokan parasan ayia limau dicampua jo bungo rampai nan baaroma khas nan dilakuan sanjo hari.[1]
Rujuakan[suntiang | suntiang sumber]
- ↑ a b firdausmarbun (2017-06-22). "Tradisi Potang Balimau di Pangkalan*". Balai Pelestarian Nilai Budaya Sumatera Barat (dalam bahasa Inggris). Diarsipkan dari versi asli tanggal 2019-10-22. Diakses tanggal 2019-10-22.