Poenky Indarti

Wikipedia Minangkabau - Lubuak aka tapian ilimu

Poengky Indarti tamaik  Fakultas Hukum Universitas Airlangga, Surabaya taun 1993. Baliau mamulai dunia papolitik-an jo panindehan Hak Asasi Manusia di Lembaga Bantuan Hukum (LBH) Surabaya pariode 1993 - 2000, Poengky mandapekan jabatan patamu pado taun 1998 sabagai Wakia Direktur Bidang Operasional. Salain mangabdi di LBH Surabaya, Poengky dikenal juo sabagai pengacara nan mangangkek isu-isu tantang panindehan masyarakaik di Surabaya.

Pado taun 2000, Poengky pindah ka Jakarta. Baliau malanjuikan karajo di bidang nan samo, Yayasan Lembaga Bantuan Hukum (YLBH). Poengky tatap konsisten jo pajuangan nan alah dirintisnyo, baliau ma-urusi problematika jo dilema nan dialami para buruh. Di periode 2001 - 2002 aktivis ko duduak  sabagai Kapalo Divisi Perburuhan jo Fund Raising.

Ndak pueh jo sarjana nan alah didapekan di Universitas Airlangga, Poengky malanjuikan kuliahnyo di Northwestern University School , USA mandapekan gala Master untuak Internasional Human Rights law pado taun 2003. Selamo kuliah, beliau indak lapeh tangan se jo karajo nan ado di Jakarta, Poengky bakarajo sabagai monitoring di YLBH, dari YLBH baliau pindah ka KontraS (Komisi untuak Urang Hilang dan Korban Tindak Kekerasan) ka Kepala Divisi Kampanye.

Pado  taun 2002 tagaklah Human Right Monitor (Imparsial), Poengky tercataik sabagai salah ciek pandiri LSM dari 18 urang panggerak HAM lainnyo. Imparsial tu adolah  LSM nan bagerak di bidang pangawasan dan penyelidikan pelanggaran HAM di Indonesia.[1]

Referensi[suntiang | suntiang sumber]

  1. "Sosok Poengky Indarti, Pejuang HAM itu Kini Menjadi Komisioner Kompolnas". KRICOM.ID. 30 Mei 2016. Diarsipkan dari versi asli tanggal 16 September 2018. Diakses tanggal 16 September 2018.