Percy Jackson

Perseus Jackson
Tokoh Percy Jackson & Dewa-Dewi Olympia
Panampilan partamo	Pencuri Petir
Panampilan tarakhia	The Blood of Olympus
Pambuek	Rick Riordan
Pamoran	Logan Lerman
Informasi
Alias	otak ganggang
Panggilan	Percy (Hampir semua orang) Otak Ganggang (Oleh Annabeth)
Spesies	Blasteran
Jinih kalamin	Laki-laki
Kaluargo	Poseidon (Ayah dewa) Sally Jackson (Ibu) Paul Blofis (Ayah tiri)
Kawarganagaraan	Amerika
Kemampuan	Hidrokinesis (mengendalikan air) Geokinesis (menghasilkan gempa bumi) Berbicara dengan kuda Kemampuan bertarung
Senjata	Pedang bernama "Riptide" ("Anaklusmos" di bahasa Yunani Kuno)

Perseus "Percy" Jackson adolah tokoh protagonis utamo di serial novel Percy Jackson & Dewa-Dewi Olympia sarato sekuelnyo, The Heroes of Olympus. Dek karano format novel nan mamakai suduik pandang urang partamo, Percy pun manjadi narator carito. Percy marupoan anak laki-laki dari dewa lauik nan banamo Poseidon jo padusi nan bisa mancaliak manambuih "Kabuik" banamo Sally Jackson. Adonyo ramalan nan manyabuikan bahwasannyo anak-anak dari "Tiga Dewa Besar" (yang termasuk Poseidon) akan mamainkan paran penting untuak Olympus, Percy pun talibaik dalam babagi patualangan nan bahayo basamo konco-konconyo.

Latar belakang

Percy Jackson adolah anak blasteran dari dewa lauik Yunani, Poseidon jo manusia fana nan bisa mancaliak manambuih "kabuik" banami Sally Jackson. Subagai anak laki-laki dari "Tiga Dewa Besar" (Poseidon, Zeus, dan Hades), Percy punyo kakuatan malabiahi blasteran lain, tapi inyo pun diincar dek labiah banyak monster karano itu. Dek karano adonyo Ramalan Gadang nan manyatoan bahwa anak dari Tigo Dewa Gadang akan manyalamaiakan atau mahancuaan Olympus wakatu lah baumua 16 tahun, nan tigo dewa ko alah basumpah demi Sungai Styx untuak indak mamiliki lai sasudah Perang Dunia II, tapi dengan lahianyo Percy, tantulah itu alah malanggar sumpah nan dibuek. Mako untuak malindungi Percy, Sally mamutuihan untuak manikahi laki-laki nan kasa dan indak batangguang jawab banamo Gabe Ugliano dan baharok bau "fana" Gabe akan manutuikan lokasi Percy.

Di seri Percy Jackson & Dewa-Dewi Olympia

Pado buku partamo Pencuri Petir, Percy diperkenalkan subagai anak baumua 12 taun nan didiagnosa ADHD sarato disleksia. Karano babagai macam hal aneh nan nyo pabuek, Percy pun harus mancari sikola baru tiok awal tahun palajaran dek gara inyo kanai kaluaan taruih. Suatu hari, Percy disarang dek guru matematikanyo nan sabananyo adolah salah satu Erinyes. Inyo diagiah pedang "Riptide" ("Anaklusmos" dalam bahasa Yunani) dek guru Bahaso Latinnyo nan sabananyo adolah saurang centaurus banamo Chiron. Percy akhianyo dibaok dek kawannyo nan banamo Grover Underwood, nan sabananyo adolah saurang satir, sarato amaknyo, ka Perkemahan Blasteran, tapi di tangah jalan Sally diculik ka dunia bawah dek Minotaurus. Sasampainyo di perkemahan, Percy diagiah tau tantang baa inyo sabananyo adolah blasteran putra Poseidon, sarato tantang Ramalan Gadang tasabuik. Inyo pun diagiah tau bahwa inyo dituduah dek Zeus alah mancilok patuihnyo dan kok patuih Zeus tu indak nyo baliakan sabalun Titiak Baliak Musim Paneh, Zeus akan mamulai parang jo Poseidon. Dikawanan dek Grover dan blasteran putri dewi Athena, Annabeth Chase, Percy mamulai ekspedisi mancari patuih Zeus nan hilang. Inyo pun bapikia bahwa Hades-lah nan sabanyo mancilok patuih Zeus. Namun waktu babincang jo Hades, Percy mangatahui bahwa Ares-lah kironyo nan mancilok patuih Zeus satalah dimanipulasi dek kawan blasteran Percy, putra Hermes, Luke Castellan, nan bakarajo samo untuak mambangkikan Titan Kronos baliak untuak mahancuaan Olympus. Walau Luke dapek kalua dan bagabuang jo pasukan Kronos, Percy tetap bisa mambebasan amaknyo dan mambaliakan patuih Zeus.

Di buku Lautan Monster, Percy bakawan jo Tyson nan sabananyo adolah saurang cyclops anak Poseidon, manjadiannyo saudara tiri Percy. Pohon Thalia nan malindungi perkemahan alah dilukoi, hal itu mambuek perkemahan rawan disarang dek monster. Walau ekspedisi untuak mancari Bulu Domba Emas nan dapek manyambuahan pohon alah diagiahan ka musuah babuyuikan Percy, putri Ares, Clarrise La Rue, Percy mandapek penglihatan bahwa Grover alah diculik dek cyclops, Polyphemus. Ditambah jo pemberkatan Hermes nan maminta supayo Percy dapek mambaliakan Luke ka jalan nan batua, Percy basamo Annabeth dan Tyson mamulai ekspedisi manuju Lautan Monster (disabuik pulo subagai Segitiga Bermuda). Jo bantuan Clarrise nan mereka tamui di jalan, mereka berhasil manyalamaikan Grover dan mandapekan Bulu Domba Ameh, walau mereka sempat bahadokan jo Luke dan Pasukan Kronos dan akhianyo disalamaikan dek Chiron. Pohon Thalia-pun disambuahan ka wujuik aslinyo, putri blasteran Zeus, Thalia Grace.

Di buku katigo, Kutukan Para Titan, Percy basamo Annabeth, Grover, dan Thalia marekrut duo blasteran: Bianca dan Nico di Angelo, tapi Annabeth diculik wakatu masih di jalan. Pas mandanga bahwa Artemis pun diculik dek pasukan Kronos sarato kaba tantang kebangkitan suatu monster nan membahayoan dewa, Percy basamo Grover, Thalia, Bianca, dan letnan Pemburu Artemis, Zöe Nightshade, mamulai perjalanan manyalamaikan urang tu. Di tangah jalan, Percy basobok jo gadih fana banamo Rachel Elizabeth Dare nan bisa mancaliak manambuih "Kabuik", samo mode amak Percy. Dalam ekspedisi, Bianca mati, samantaro mereka mangatahui bahwa monster nan dikecekan adolah Ophiotaurus nan dinamoi Percy "Bessie" dan Artemis sarato Annabeth dipaso mamikua baban bola langik manggantian Titan Atlas. Percy pun sempat mamikua baban bola langik, tapi mereka akhianyo dapek mangicuah Atlas mamikua babannyo baliak, walau harus manjadikan Zöe korban. Para dewa kamudian maadoan rapek mandiskusikan rancaknyo sia nan ka dibunuah, apokah Percy atau Bessie; mereka pun akhianyo supakaik indak mambunuah kaduonyo. Wakatu baliak ka perkemahan, Percy mangatahui bahwa Bianca dan Nico adolah anak-anak Hades sasudah Nico, nan berang dek karano Percy indak malindungi Bianca, mangirim pasukan tangkurak.

Buku kaampek, Pertempuran Labirin mencaritokan wakatu ado pamainan di hutan perkemahan, Percy dan Annabeth basobok suatu jalan manuju sabuah "Labirin" karya Daedalus. Karano Labirin tasabuik dapek digunoan Pasukan Kronos untuak manyarang perkemahan, Percy ikuik dalam ekspedisi dipimpin dek Annabeth basamo Grover dan Tyson untuak batamuDaedalus dan mancagahnyo maagiahan jalan ka Pasukan Kronos. Perjalanan di Labirin mambaok Percy antah kama-kama, mulai dari patamuan jo Nico nan masih berang, jo Hephaestus nan maagiah patunjuak dima Daedalus wakatu itu, patamuannyo jo anak Atlas, Calypso, sarato ka markas pasukan Kronos, dima Percy mangatahui bahwa Luke alah mampabuliahan tubuahnyo dirasuki dek Kronos. Wakatu mereka berhasil batamu Daedalus, Daedalus alah maagiahan jalan kepada pasukan Kronos nan kamudian manyarang perkemahan sacaro besar-besaran. Perkemahan dapek mausiah pasukan Kronos, walau jo korban nan banyak.

Di buku terakhir Dewa Olympia Terakhir, Percy ikuik dalam pertahanan Olympus wakatu para dewa sadang disibukkan dek sarangan monster Typhon di baraik. Malalui saran Nico, Percy mandi di Sungai Styx untuak mandapekan kekebalan jo ciek titiak lamah sajo. Percy pun ikuik dalam pertarungan terakhir jo Kronos, dima Luke mangorbanan dirinyo untuak mamacahan jiwa Kronos. Subagai hadiah dari para dewa, Percy maminta supayo saluruah blasteran, baiak anak dewa minor maupun Olympia, dapek dikenali dan dibangunkan perkemahan dewa-dewa minor. Di akhia novel, Percy dan Annabeth maungkapkan perasaan cinta mereka dan mulai bapole.