Penembakan Beit Hanoun 2006
Panembakan di Beit Hanoun pado tahun 2006 dilakukan oleh Pasukan Patahanan Israel (IDF) pado tanggal 8 November, katiko timah angek mahantam banyak rumah di kota Beit Hanoun, di Jalua Gaza, Palestina[1] akibaiknyo ado 19 urang Palestina maningga dunia dan 40 urang luko-luko.[2][3] Panembakan iko manyusua panarikan IDF dari Jalua Gaza dalam manyalasaikan operasi salamo saminggu nan diagiah namo sandi Operasi Awan Musim Gugua, Pamarintah Israel manyabuik aksi iko dilakukan untuak mambuek sarangan udaro roket Qassam ka masyarakaik sipil Israel nan dilakukan oleh milisi Palestina dihantikan. Pamarintah Israel maminta maaf lalu badaliah kalau aksi itu dikaranokan adonyo kagagalan fungsi teknis.
Tragedi
[suntiang | suntiang sumber]Pado pagi hari tanggal 8 November 2006, militer Israel manembak'i kawasan padaik panduduak di Beit Hanoun, Jalua Gaza, sarangan iko mambuek ciek bangunan nan diisi kalua gadang nan sadang lalok hancua labua. Akibaiknyo, ado 19 urang maningga, kabanyakan padusi jo anak kaciak, 13 urang nan maningga marupoan kaluarga nan samo.[4][5] lalu ado 40 urang lainnyo luko-luko. Israel manyabuik kalau panembakan itu adolah aksi balasan nan dilakukan roket Qassam sahari sabalunnyo, [6] nampaknyo dari oto nan tangah bajalan ka daerah itu.[7] Manuruik militer Israel, inyo salah tembak dek karano ado malfungsi alaik.[8] Indak dijalehan dek aa panembakan tu kok bisa tajadi saharian panuah satalah roket Qassam tu.[6]
Reperensi
[suntiang | suntiang sumber]- ↑ "Israeli Army Strikes Gaza Rocket-Launching Cell (Published 2007)" (dalam bahasa Inggris). 2007-05-19. Diakses tanggal 2025-10-04.
- ↑ McCarthy, Rory; Urquhart, Conal (2006-11-08). "Children among 19 killed by Israeli tank fire". The Guardian (dalam bahasa Inggris). ISSN 0261-3077. Diakses tanggal 2025-10-04.
- ↑ "Italy: Israel shelled Beit Hanoun deliberately". Ynetnews (dalam bahasa Inggris). 2006-11-12. Diakses tanggal 2025-10-04.
- ↑ "Israeli shelling kills 18 in Gaza" (dalam bahasa Inggris). 2006-11-08. Diakses tanggal 2025-10-04.
- ↑ "Fatalities". www.btselem.org (dalam bahasa Inggris). Diakses tanggal 2025-10-04.
- 1 2 Khouri-Bisharat, Hala (2007). "Israel and the Culture of Impunity" (PDF). Adalah's Newsletter. 37 (June 2007): 2.
- ↑ Beaumont, Peter; editor, foreign affairs (2006-11-12). "How Israel put Gaza civilians in firing line". The Guardian (dalam bahasa Inggris). ISSN 0261-3077. Diakses tanggal 2025-10-04.
- ↑ "Wayback Machine". www1.idf.il. Diarsipkan dari versi asli tanggal 2012-02-05. Diakses tanggal 2025-10-04.