Pedis panas

Pedis panas

Pedis Panas adolah salah satu makanan khas urang Sasak dari pulau Lombok. Kato ‘’pedis’’ dalam baso Sasak baarati masam, sadang kato ‘’panas’’ baarati padeh. Pedis panas punyo raso nan khas bana, iolah gabuangan raso padeh jo masam. Sayua iko dapek dibuek jo bahan-bahan nan baragam. Sarupo jo masakan sayua asam di daerah lain, sayua asam nan khas Lombok iko dibuek jo isi dan bahan nan ampia samo, dek nan agak balain iolah sayua pedis panas iko indak mamakai daun jo biji baguak (malinjo). Pabedoan tasabuik alah mambuek pedis panas iko agak balain.

Bahan-bahan

Pamasak mamakai lado kutu sasuai salero, bawang sirah, bawang putiah, tomat, tarasi, garam, gulo, micin, asam jao. Bahan-bahan isian mamakai taruang, biji-bijian, kangkung, kacipia, jo bahan lain nan dapek disasuaian. Sabagai bahan palangkok dapek juo diagiah kamangi jo minyak sayua.

Caro mambuek

Aluihan pamasak sarupo lado kutu, bawang sirah, bawang putiah, tomat, tarasi, gulo, garam, jo micin. Sasudah tu, abuih aia dalam wadah inggo mandidiah. Kutiko aia lah mandidih, masuakkan sayua-mayua sarupo kacang panjang, taruang, kacang, biji-bijian, jo lain-lain sasuai salero.

Kok sayua-mayua lah satangah matang, pamasak nan alah dialuihkan tu dimasuakkan ka dalam panci, jo tambahkan saketek aia parasan asam jao nan alah matang sarato sasendok minyak sayua. Sayua dapek dimasak inggo mandidiah, jo sabagai tambahan tarakhia dapek ditabua daun kamangi; mangko pedis panas khas urang Sasak Lombok iko alah siap untuak diniakmati.