Patok Lele

Wikipedia Minangkabau - Lubuak aka tapian ilimu

Patok Lele adolah sejenis pamainan nan biasonyo dimainkan oleh anak-anak. Namun, ado juo urang gadang nan mamainkan pamainan iko. Di Sumatera Barat pamainan iko dikenal jo namo patok lele. Pamainan iko harus dimainkan di halaman tabukak dan luas. Pamainan patok lele dimainkan manggunokan kayu ketek. Kayu dipotong sapanjang satangah meter sabagai panokok. Kayu nan ciek lai dipotong sajangka, nan disabuik “anak patok lele”.

Ujuang kayu nan ado di ateh tanah dipukul hinggo melenting ka ateh, kamudian dipukul babarapo kali sasuai kamampuan. Kamudian dipukul sacaro horizontal ka mungko, pihak lawan akan manjago agar anak patok lele dapek ditangkok.[1]

Pamainan iko buliah dimainkan ciek lawan ciek, buliah juo jo tim. Pamain partamo mamukul anak patok lele nan dilatakan disabuah lubang ketek ditanah. Kamudian dipukul sajauah mungkin dan jan sampai tatangkok jo tim lawan. Jikok anak patok lele tatangkok, mako lawan mandapek poin. Jikok manangkok jo duo balah tangan, nilainyo limo. Jikok jo tangan kiri, nilainyo sapuluah. Jikok jo tangan kanan, nilainyo limo baleh. Tim lawan kamudian malempar anak patok lele sampai manganai induak patok lele nan dilatakan pamain partamo dilubang tanah. Jikok tim lawan berhasil manganai induak patok lele, pamain nan mamukul anak patok lele tadi dianggap kalah. [2]


Rujuakan[suntiang | suntiang sumber]

  1. https://books.google.co.id/books?id=TVdDCgAAQBAJ&pg=PA100&dq=sipak+tekong&hl=id&sa=X&ved=0ahUKEwjEiNmP6qjmAhVMeysKHejxCDIQ6AEIPDAD#v=onepage&q=sipak%20tekong&f=false
  2. https://merahputih.com/post/read/patok-lele-permainan-tradisional-nusantara-yang-menyerupai-baseball