Paroki Saint Philip, Antigua jo Barbuda

Saint Philip adolah salah ciek dari 6 paroki di Antigua jo Barbuda, nan talatak di bagian timur pulau Antigua. Ibu kota paroki barado di kampuang St. Philip. Paroki Saint Philip babatehan jo paroki Saint Peter dan Saint Paul. Paroki ko mahadok ka Lautan Atlantik, jo dikaliliangi dek babagai pulau jo pulau ketek. Dipakiroan pado tahun 2018, panduduaknyo sabanyak 3.689 jiwa, nan manjadiannyo paroki jo panduduak paliang saketek di Antigua jo Barbuda.

Paroki Saint Philip didirian pado bulan Agustus 1681, katiko Antigua dibagi manjadi limo paroki. Saint Philip jo ampek paroki lainnyo didirian sacaro parmanen pado bulan Juli 1692, dan dikonfirmasi pado bulan Januari tahun bisuaknyo. Tujuan utamo pandirian paroki ko iolah untuak manyadioan gareja paroki. Takah kabanyakan paroki lain di Antigua, pado awal sijarah kolonialnyo, paroki ko acok di dominasi dek industri gulo, jo babarapo wilayah mampunyoi industri nan labiah ketek takah rum cavalier, taranak, dan gulo muscovado. Saint Philip mampunyoi labiah dari 36 pabrik gulo salamo era tabu.