Pantai Losari

Pantai Losari pantai
Moto (id)
Tempat (id)
Nagara	Indonesia

Pantai Losari marupoan pantai nan talatak di sabalah baraik Kota Makassar, Provinsi Sulawesi Selatan, Indonesia. Pantai ko manjadi tampek dek warga Makassar untuak maabihan wakatu dari pagi, kapatang, hinggo malam. Pamandangan matohari tabanam di pantai ko manjadi tujuan utamo dari wisatawan sarato warga lokal. Jarak pantai ko dari Bandara Udara International Sultan Hasanuddin kurang labiah salamo 30 minik wakatu tampuah kok lalu di jalan Tol Insyinyur Sutami atau sajauah 20 kilometer.

Makanan

Pisang epe di daerah kuliner Pantai Losari.

Dulunyo pantai ko manjadi titiak utamo dari kuliner makanan lauik, tarutamo ikan baka pado malam hari. Biasonyo hanyo ado malam hari karano dulunyo urang-urang nan manggaleh di sinan hanyo wakatu malam. Tampek manggaleh di Pantai Losari ko disabuik subagai kadai paliang panjang di dunia dek karano kadai-kadainyo ado di sapanjang pantai (kurang labiah satu kilometer).

Salah satu makanan khas Makassar nan banyak dipajuabalikan di sapanjang Pantai Losari ko adolah pisang epe (pisang mantah nan dibaka, dipipiahan jo alaik khusus, kamudian diserakan gulo merah di atehnyo). Salain gulo merah, topping nan biaso dipakai ado keju, coklat, sarato selain stroberi.

Kini kadai-kadai nan manjajaan makanan lauik alah dipindahan ka tampek khusus di muko rumsh jabatan Wali Kota Makassar nan masiah barado di dakek Pantai Losari juo.

Satiok hari Minggu, masyarakaik dapek manikmati suasana tanpa kendaraan bermotor (CFD) sampai pukua 10 pagi. Kagiatan utamo nan dilakukan adolah olahraga lati jo basapeda nan biasonyo dilanjuikan jo sarapan bubua ayam, baroncong, atau nasi kuning. Kamudian sorenyo sadoalah urang bisa manikmati matohari tabanam. Malamnyo bisa mancubo banyak kuliner khas Makassar.

Salain untuak kuliner, olahraga, sarato manikmati pamandangan matohari tabanam, pantai ko pasti jadi titiak kumpua masyarakaik untuak marayokan tahun baru.