Panggang geleng
Panggang geleng adolah ikan gambolo nan diolah Urang Sibolga. Asa mulo panamoan ikan panggang geleng barasa dari kato giliang nan aratinyo "dialuihan". Adopulo carito lain nan baredar di masyarakaik baso namo panggang geleng barasa dari proses pambuekannyo nan samustinyo dimasak jo caro digoreng. Tapi dek masyarakaik, mulonyo nio dipanggang. Ruponyo dek urang lain nan mancaliak hal itu manggeleang, dek ikan ko sabananyo indak dapek dipanggang tapi musti digoreng.[1][2]
Caro mamasak ikan panggang geleng ko adolah jo mangaluakan sagalo isi dagiang dalam paruik ikan, lalu ditambaan jo kantang nan digoreng. Sadioan karambia jo bumbu-bumbu lalu disatuan kasadonyo untuak digiliang. Sasudah sagalonyo manyatu bahan nan alah bagiliang tadi dimasuakan ka dalam ikan nan alah bakaluan isi paruiknyo tadi. Lalu ikan siap digoreng dan disajian untuak kawan nasi.[3]
Bahan[suntiang | suntiang sumber]
Ado babarapo bahan nan musti disadioan untuak mambuek panggang geleng ko, di antaronyo:
- Ikan gambolo
- Kantang
- Bawang sirah
- Bawang putiah
- Saladari
- Daun bawang
- Kaldu bubuek
- Marica
- Garam
- Talua
- Minyak
Langkah mambuek[suntiang | suntiang sumber]
Ikan nan ka dimasak dibarasiahan, lalu bapisahan dagiang dari tulang, duri, jo kuliknyo. Dagiang ikan dicampuaan jo kantang sarato bumbu-bumbu lainnyo. Kudian ditumbuah inggo lumek sarupo adonan paragede. Salapeh itu masuakan adonan dalam kulik ikan tadi inggo tampak cando ikan gapuak, dari ujuang ikua sampai kapalo ika. Talua tadi lalu dikocok dan dilumuran ka ikan tadi. Kudian goreng ikan tadi inggo masak dan siap disajian.
Rujuakan[suntiang | suntiang sumber]
- ↑ "Variasi Santapan Batak Mandailing". MEDANBISNISDAILY. 28 April 2013. Diakses tanggal 15 Agustus 2019.
- ↑ "RM Nasrul Sibolga Punya Beragam Menu Ikan, Semuanya Dijamin Cocok di Lidah - Grid.ID". intisari.grid.id (dalam bahasa Indonesia). Diakses tanggal 2019-08-20.
- ↑ indahmnrt (07 November 2017). "Ikan Panggang Geleng". Perpustakaan Digital Budaya Indonesia. Diakses tanggal 15 Agustus 2019.