Lompat ke isi

Panel surya atok

Tambah pautan
Wikipedia Minangkabau - Lubuak aka tapian ilimu
(Dialiahkan dari Panel surya atap)
Panel surya atok di ateh bangunan.

Panel surya atok atau Pambangkik Listrik Tanaga Surya (PLTS) Atok adolah panel surya nan dibuek untuak digunokan di sabagai atok bangunan takah atok biaso, salain fungsinyo sabagai pangubah energi matohari manjadi listrik. Janih-janih panel surya atok iko di antaronyo:

  • panel surya nan tadiri ateh gabunagan panel surya biaso,
  • panel surya nan labiah tipih sahinggo labiah fleksibel jo pamiliah ukurannyo labiah mudah, jo
  • panel nan manggunokan teknologi tradisional babahan silikon.

Sijarah

[suntiang | suntiang sumber]
Berkas:Tesla Solar City Roof Tile.jpg
Set genteng Tesla Solar Roof.

Panel surya dipatenkan pada tahun 1976 dek NASA[1] jo tasadio untuak umum sejak 2005.[2] Teknologi baru panel surya atok dibuek jo dijua dek Dow Chemical pado tahun 2009.[3][4] Pada bulan Oktober 2016, Tesla sato mambuek panel surya atok.[5]

Panjalehan

[suntiang | suntiang sumber]

Panel surya atok dipasang di atok bangunan sahinggo tampak takah atok bangunan biaso. Bahan-bahan nan digunokan untuak atok iko adolah panel sel surya, modul pangatur daya, jo baterai.[6] Panel surya atok manggunokan cahayo matoari sabagai sumber tanago untuak mahasilkan listrik jo teknologi fotovoltaik nan awalyo dipakai di satelit lua angkaso.[7] Satiok panel tadiri dari sel fotovoltaik nan maisok cahayo matoari jo maubahnyo manjadi listrik. Satiok sel baisi janih bahan nan disabuik semikonduktor. Salah satu janih dari semikonduktor nan paliang acok dipakai untuak sel fotovoltaik adolah silikon. Katiko cahayo matoari bisa ditangkok dek panel surya, sabagian dari cahayo matoari ditangkok dalam semikonduktor silikon. Semikonduktor iko lalu manganduang energi jo elektron energi dilapehkan jo manggarik bebas. Salanjuiknyo, elektron-elektron nan mangalia bebas iko diproses dek medan atau bidang listrik sel fotovoltaik jo dipaso untuak mangalia ka arah nan samo. Iko mahasiakan aruih nan dapek digunokan untuak dayo listrik.[8]

Panel surya atok kabanyakan bawarna kalam, biru kaunguan, atau itam. Tesla Solar alah mangambangkan atok dalam banyak gaya supayo labiah estetis. Pado tahun 2018, Tesla manawarkan panel bagaya batu sabak jo atok tuskan.[9] Tesla alah manggala uji cubo jo manyatokan jikok produknyo labiah tahan bancano daripado atok tradisional.[10]

Banyak urang mamiliah mamasang panel surya atok dibandiangkan panel surya biaso dek duo fungsinyo sabagai palinduang bangunan jo panghasia energi sakaliguih.[11] Salain itu, harago untuak pamasangan panel surya atok bisa labiah murah dibandiangkan pasangan sel surya biaso atau saindaknyo labiah murah dibandiangkan jo total biaya pamasangan atok biaso jo panel surya biaso.[12][13]

Katasadioan

[suntiang | suntiang sumber]

Di Amerika Sarikaik

[suntiang | suntiang sumber]

Di Amerika Sarikaik, banyak nan manyadiokan jasa pamasangan panel surya atok, takah CertainTeed,[14] Forward Inc.,[15] SunTegra Solar Roof Systems,[16] jo Tesla.[17] Untuak maningkekkan minaik urang banyak untuak mamasang panel surya, tamasuak panel surya atok, Kongres Amerika Sarikaik mangurangi pajak 30% untuak pamasangan sistem panel surya dalam kabijakan Investment Tax Credit (ITC) Sesi 303 halaman 2005 pado tahun 2016.[18][19]

Pado Januari 2018, Tesla mangumumkan, sasudah manguji di atap rumah karyawan, jiko ka mulai mamasang Tesla Solar Roof di rumah palanggan sacaro komersial "indak bara bulan ka muko".[20]

RGS Energy mangumumkan pada Oktober 2017 jiko ka manawarkan modul POWERHOUSE generasi katiga pado 2018 sasudah mandapekan Sertifikasi UL. [21]

Di Indonesia

[suntiang | suntiang sumber]

Kamantarian ESDM, Kamantarian Parindustrian, BPPT basamo jo banyak organisasi lainnyo mamulai sumarak "Gerakan Nasional Sejuta Surya Atap" pado tanggal 13 September 2017. Hal iko batujuan untuak mancapai 23% panggunoan energi baru jo tabarukan pado tahun 2025. Caronyo malalui dorongan jo pacapekkan pambangunan pambangkik listrik surya atok di parumahan, fasilitas umum, gedung kantua-kantua jo pamarintahan, gedung komersial, jo kompleks industri hinggo manghasilkan daya listrik sagadang GigaWatt sabalun tahun 2020.[22]

Regulasi tantang panel surya atok di Indonesia ado di dalam Peraturan Menteri ESDM Nomor 49 tahun 2018 tantang Pembangunan Sistem PLTS Atap.[23] Peraturan Menteri iko baisi tantang kantantuan umum, panggunoan panel surya atok, pahituangan ekspor jo impor energi listrik dari sistem panel surya atok, pambangunan jo pamasangan sistem panel surya atok, palaporan, katantuan lain, jo katantuan paraliahan. Dalam aturan iko juo, kapasitas Sistem PLTS Atap dibatasi paliang tinggi 100% dari daya nan tasambuang jo konumen PLN. Kalabiahan tanago listrik nan dihasilkan dek PLTS Atap bisa diekspor ka PLN jo kosumen bisa manggunokan deposit energi untuak mangurangi tagihan listrik pado bulan barikuiknyo. Pahituangan ekspor jo impor energi listrik dari palanggan PLTS Atok iko mulai balaku sajak 1 Januari 2019.[24][25]

Hinggo Juli 2019, alah ado sakitar 600 palanggan PLN untuak rumah tanggo jo kapasitas 5.500 VA di area Jabodetabek nan manggunokan panel surya atok.[25]

Rujuakan

[suntiang | suntiang sumber]
  1. ↑ Solar cell shingle (dalam bahasa Inggris), diakses tanggal 2019-12-04 
  2. ↑ "Sun Roof: Solar Panel Shingles Come Down in Price, Gain in Popularity". Scientific American (dalam bahasa Inggris). Diakses tanggal 2019-12-04. 
  3. ↑ Woody, Todd (2009-10-07). "Dow Unveils Solar Shingles". Green Blog (dalam bahasa Inggris). Diakses tanggal 2019-12-11. 
  4. ↑ "The 50 Best Inventions of 2009 - TIME". Time (dalam bahasa Inggris). 2009-11-12. ISSN 0040-781X. Diakses tanggal 2019-12-04. 
  5. ↑ Randall, Tom (31 Oktober 2016). "No One Saw Tesla's Solar Roof Coming". www.bloomberg.com. Diakses tanggal 2019-12-05. 
  6. ↑ Boedoyo, Mohamad Sidik (2012). "Potensi dan Peranan PLTS sebagai Energi Alternatif Masa Depan di Indonesia". Jurnal Sains dan Teknologi Indonesia. 14 (2): 147. 
  7. ↑ "Passive Solar History" (dalam bahasa Inggris). Diakses tanggal 2019-12-12. 
  8. ↑ "Solar Roof Shingles | Solar Shingle Tiles | What You Need To Know". www.roofpedia.com. Diakses tanggal 2019-12-10. 
  9. ↑ "Design Your Solar". www.tesla.com (dalam bahasa Inggris). Diakses tanggal 2019-12-11. 
  10. ↑ "Solarglass Roof | Tesla". www.tesla.com (dalam bahasa Inggris). Diakses tanggal 2019-12-11. 
  11. ↑ "What Are Solar Shingles?". mySolar (dalam bahasa Inggris). Diarsipkan dari versi asli tanggal 2022-07-11. Diakses tanggal 2019-12-04. 
  12. ↑ "Biaya PLTS Atap Jadi Pertimbangan Masyarakat". Republika Online. 2019-07-30. Diakses tanggal 2019-12-06. 
  13. ↑ Dịch vụ sửa máy nước nóng năng lượng mặt trời. Hoanggiangsolar.com. 2 November 2019. Diakses tanggal 20/04/2022
  14. ↑ "Solar Home Page". CertainTeed (dalam bahasa Inggris). 2016-03-02. Diakses tanggal 2019-12-06. 
  15. ↑ "Forward Solar Roofs | Solar Energy as Elegant as It Is Essential". www.forwardsolarroofing.com. Diarsipkan dari versi asli tanggal 2023-07-16. Diakses tanggal 2019-12-06. 
  16. ↑ "SunTegra Solar - The new look of solar". SunTegra Solar (dalam bahasa Inggris). Diakses tanggal 2019-12-06. 
  17. ↑ "Solarglass Roof | Tesla". www.tesla.com (dalam bahasa Inggris). Diakses tanggal 2019-12-06. 
  18. ↑ "Why the Solar Tax Credit Extension is a Big Deal in 2019 | EnergySage". Solar News (dalam bahasa Inggris). 2019-01-06. Diakses tanggal 2019-12-10. 
  19. ↑ "Rules Committee Print 114-39" (PDF). U.S. House of Representatives Document Repository. 15 Desember 2015. Diakses tanggal 10 Desember 2019. 
  20. ↑ "Bloomberg - Are you a robot?". www.bloomberg.com. Diakses tanggal 2020-06-23. 
  21. ↑ "Powerhouse Solar Shingles". Diarsipkan dari versi asli tanggal 15 May 2018. Diakses tanggal 19 April 2018. 
  22. ↑ "Tentang GNSSA". Gerakan Nasional Sejuta Surya Atap (dalam bahasa Indonesia). Diarsipkan dari versi asli tanggal 2022-09-24. Diakses tanggal 2019-12-05. 
  23. ↑ Kementerian Hukum dan HAM RI. "Detail Peraturan". peraturan.go.id. Diarsipkan dari versi asli tanggal 2020-06-26. Diakses tanggal 2019-12-25. 
  24. ↑ "Ekspor Impor Listrik Pelanggan PLTS Atap Mulai Berlaku 1 Januari 2019 - Kementerian ESDM Republik Indonesia". ebtke.esdm.go.id (dalam bahasa Indonesia). Diarsipkan dari versi asli tanggal 2021-10-25. Diakses tanggal 2019-12-10. 
  25. ↑ a b "PLN Masih Lihat Prospek Bisnis PLTS Atap". Republika Online. 2019-07-30. Diakses tanggal 2019-12-06. 
Diambiak dari "https://min.wikipedia.org/w/index.php?title=Panel_surya_atok&oldid=3158286"