Pabrik Gulo Kedaton Pleret
Pabrik Gulo Kedaton Pleret adolah sabuah pabrik gula nan pernah baroperasi pado maso Hindia Belando di Kedaton, Pleret, Kabupaten Bantul, Daerah Istimewa Yogyakarta. Pabrik ko dibangun pado tahun 1862, tapi ditutuik pado tahun 1937. Waktu Agresi Militer Belando II, bangunan pabrik ko dihancuakan dek pejuang jo masyarakat supayo indak dipakai jadi pos militer dek pihak Belando.[1][2][3]
Kini, bekas lokasi Pabrik Gula Kedaton Pleret lah jadi Lapangan Sultan Agung. Usaho palestarian peninggalan pabrik ko ditandoi jo ditetapkannyo sabagai situs cagar budaya dek Pemerintah Daerah Istimewa Yogyakarta (DIY) pado tahun 2019. Walaupun bangunannyo lah indak ado lai, mesin jo paralatan pabrik masih bisa ditemuan dari hasil ekskavasi pado tahun 2024.[4]
Sijarah
[suntiang | suntiang sumber]Pabrik Gula Kedaton Pleret didirikan pado tahun 1862 pado maso kakuaasaan Hindia Belando, sabagai bagian dari pangembangan industri gula di Pulau Jawa. Letaknyo ado di Kedaton, nan marupokan bekas pusat kakuaasaan Karajaan Mataram Islam di Keraton Plered. Pambangunan pabrik ko mamakai sabagian bahan dari puing-puing bangunan Keraton Plered abad ka-16, nan lah ditinggaan sasudah pambarontekan Trunojoyo.[2]
Pamilihan Kedaton Pleret sabagai lokasi pambangunan pabrik juo didasari dek alasan politis. Sabagai pusat kakuaasaan Karajaan Mataram Islam di maso lampau, kawasan ko diduga masih jadi tampek basambuinyi para pambarontek. Jo adonyo pabrik ko, pihak Belando barusaho mampategas kakuaasaannyo sakaligus mamata-matai para pambarontek.[2]
Pado tahun 1912, pamarintah Hindia Belando malalui Nederlandsch-Indische Spoorweg (NIS) mambangun jalur kareta api nan manghubuang Pleret jo Stasiun Yogyakarta. Dari peta lamo, dikatahui bahwaso jalur kareta api nan malewati Pabrik Gula Kedaton Pleret adolah rute Ngabean–Pundong.[5]
Signifikansi
[suntiang | suntiang sumber]Kabadoan Pabrik Gula Kedaton mambao dampak gadang ka kahidupan sosial jo ekonomi masyarakat sakitar. Banyak urang Pleret nan karajo di pabrik ko, ado nan jadi buruh pabrik, ado juo nan di sektor lain macam pangangkutan jo perkabunan tabu. Salain itu, kabadoan pabrik ko juo madorong pambangunan infrastruktur macam jalan jo jambatan supayo pangangkutan tabu jo hasil gula jadi labiah mudah.[3]
Salamo baroperasi, pabrik ko jadi salah satu pusat produksi gula nan gadang di Yogyakarta, tarutamo pado maso kajayaan industri gula di Jawa. Tapi, sairing jo krisis ekonomi global pado dekade 1930-an, industri gula di Jawa mulai mandapek kemunduran. Pasokan gula nan baralimpah di pasa dunia mambuek harga jual turun tajam. Pado tahun 1931, ado kasapakaatan dagang gula nan dikenal jo Chadbourne Agreement. Salah satu isinyo manyuruah pamarintah Hindia Belando untuak mangurangi produksi gula di Jawa dari kira-kira 3 juta ton jadi 1,4 juta ton satiap tahun.[6][7] Hal ko mambuek banyak pabrik gula di Yogyakarta ditutuik, sahinggo nan batangguah tingga lapan pabrik sajo.[8]
Awalnyo, Pabrik Gula Kedaton Pleret termasuk salah satu dari lapan pabrik nan masih batangguah waktu krisis. Tapi karano krisis nan barlanjuik, pabrik ko akhirnya ditutuik juo pado tahun 1937.[1]
Panutuikan jo kahancuaran
[suntiang | suntiang sumber]Sasudah ditutuik, bangunan pabrik dibiakan talanta-lanta indak taruruih. Waktu Agresi Militer Belando II, pejuang jo masyarakat sakitar manghancuakan siso bangunan pabrik supayo indak dijadikan pos militer dek pihak Belando. Kini, bekas lokasi pabrik lah barubah fungsi jadi Lapangan Sultan Agung.[1] Sementara itu, jalur kareta api nan dulu malintasi pabrik gula tu lah hilang, karano diangkek dek Jepang waktu manjajah Indonesia. Tapi, gundukan tanah bekas jalur rel masih bisa ditamui di sabagian tampek.[2]
Palestarian
[suntiang | suntiang sumber]Ekskavasi Pabrik Gula Kedaton Pleret pado bulan Juli 2024. Kini, bekas lokasi pabrik ko jadi Lapangan Sultan Agung nan lah ditatapkan sabagai Situs Cagar Budayo Kedaton-Plered dalam Kawasan Cagar Budayo Kerta-Plered, basarkan Surat Kaputusan (SK) Gubernur DIY Nomor 211/KEP/2019. Pado Juli 2024, Dinas Kabudayaan DIY basamo jo Departemen Arkeologi Universitas Gadjah Mada (UGM) malakuakan ekskavasi arkeologi di lokasi tu. Hasilnyo, ditamukan bahan mesin jo paralatan pabrik nan dulu dipakai.[4]
Rujuak'an
[suntiang | suntiang sumber]- 1 2 3 https://pleret.id/mobile/berita/3770
- 1 2 3 4 "Mengenal Pabrik Gula Pleret, Saksi Kejayaan Industri Gula di Yogyakarta". merdeka.com (dalam bahasa Indonesia). {publish_date}. Diakses tanggal 2026-04-07.
- 1 2 "Heritage of Mataram - Penataan Ruang dan Bangunan Serta Warisan Budaya". budaya.pleret.id (dalam bahasa Melayu). Diakses tanggal 2026-04-07.
- 1 2 "Ekskavasi Pabrik Gula Kedaton-Pleret". budaya.jogjaprov.go.id (dalam bahasa Indonesia). Diakses tanggal 2026-04-07.
- ↑ Albiladiyah, S. Ilmi (1997) (dalam bahaso id). Kotagede: pesona dan dinamika sejarahnya. Lembaga Studi Jawa. https://www.google.co.id/books/edition/Kotagede/oGJwAAAAMAAJ?hl=en&gbpv=1&bsq=pabrik+gula+kedaton+pleret&dq=pabrik+gula+kedaton+pleret&printsec=frontcover.
- ↑ Rohman, Abdul (2005) (dalam bahaso id). H. M. Arum Sabil mendobrak belenggu petani tebu: membangun kejayaan petani tebu dan industri gula nasional. Institute of Civil Society. ISBN 978-979-99722-4-8. https://www.google.co.id/books/edition/H_M_Arum_Sabil_mendobrak_belenggu_petani/IHHtAAAAMAAJ.
- ↑ "archive copy". Diarsipkan dari versi asli tanggal 2024-11-21. Diakses tanggal 2026-04-07.
- ↑ Kompas, Tim Harian (2018-12-05). "Kisah Hilangnya Pabrik-pabrik Gula di Yogyakarta". Kompas.id (dalam bahasa Indonesia). Diakses tanggal 2026-04-07.