Opu Daeng Risadju
Opu Daeng Risaju | |
|---|---|
| Lahia | Famajjah 1880 |
| Maningga | Perkuburan raja-raja Lokkoe di Palopo |
| Namo lain | Opung Daeng Risadju, Opu Daeng Risadju |
| Title | Opu Daeng Risaju |
| Gala | Pahlawan Indonesia |
Opu Daeng Risadju adolah saurang prajurit padusi dari Sulawesi Selatan nan manjadi Pahlawan Nasional Indonesia. Opu Daeng Risadju punyo namo maso ketek Famajjah. Opu Daeng Risaju sandiri adolah gala bangsawan dari Karajaan Luwu nan diagiah kapado Famajjah, nan memang anggota kaluarga bangsawan Luwu. Opu Daeng Risaju adolah anak dari pasangan Opu Daeng Mawellu jo Muhammad Abdullah kapado Barengseng nan lahia di Palopo pado taun 1880. [1]
Maso Mudo
[suntiang | suntiang sumber]Di kota ko, Famajjah lahia pado taun 1880, sabagai anak dari Muhammad Abdullah To Baresseng jo Opu Daeng Mawellu. Kaluarga ko dianggap kaluarga bangsawan. Sarupo kabanyakan umaik Islam pado maso itu, Famajjah hanyo mampalajari Al-Quran tanpa sikola formal. Baliau kamudian manikah jo Haji Muhammad Daud, dan dikenal jo namo Opu Daeng Risadju. Kaluarga iko pernah tingga di Parepare, kota palabuahan lain di Sulawesi Selatan nan maadok ka Selat Makassar. [2]
Sajak basobok jo H. Muhammad Yahya, Opu Daeng Risadju mulai aktif dalam Partai Uni Islam Indonesia (PSII). Yahya adolah saurang padagang Sulawesi Selatan nan alah lamo tingga di Jawa dan mandirian PSII di Pare-Pare. Sasudah bagabuang, Opu Daeng Risadju basamo suaminyo mambukak PSII di Palopo pado tanggal 14 Januari 1930.
Parasmian PSII Palopo diiriangi jo pertemuan masal di Pasa Palopo Lamo (kini Jalan Landau). Rapek ko dihadiri dek pamarintah Karajaan Luwu, panguruih PSII pusat, pamimpin masyarakaik, jo masyarakaik umum. Hasia rapek marasmikan Opu Daeng Risadju jadi katua. Samantaro adiaknyo, Mudehang, jadi sekretaris. Mudehang dipiliah karano lulusan SD limo tahun nan pandai manulih jo mambaco. [3]
Namun pado maso pandudukan Japang, Opu Daeng Risaju indak banyak malakuan kagiatan di PSII. Hal iko tajadi dek pamarintah Japang malarang kagiatan politik Organisasi Gerakan Nasional, tamasuak PSII. Opu Daeng Risaju mulai aktif baliak wakatu bagolak di Luwu. [4]
Karano dukuangan nan banyak dari rakyaik, Balando mulai manahan Opu supayo inyo indak malanjuikan pajuangannyo di PSII. Balando nan bakarajo samo jo controleur afdeling Masamba, maanggap Opu sadang manghasuik rakyaik jo malakuan tindakan provokatif sahinggo rakyaik indak picayo lai ka pamarentah. Akhianyo, Opu disidang dan dicabuik gala mulianyo. Indak itu sajo, tekanan juo diagiah ka suami jo kaluarga Opu untuak maambek kagiatannyo di PSII. [5]
Opu Daeng Risaju kamudian ditangkok dek tentara NICA di Lantoro dan dibaok ka Watampone jo caro bajalan kaki 40 km. Opu Daeng Risaju kamudian ditahan di panjaro Bone salamo sabulan tanpa sidang, kamudian dipindahan ka panjaro Sengkan, kamudian dipindahan baliak ka Bajo. Opu Daeng Risaju kudian dibebaskan tanpa pangadilan sasudah manjalani panjaro salamo 11 bulan. Opu Daeng Risaju kamudian pulang ka Bua dan manatap di Belopa. Pado taun 1949, Opu Daeng Risaju pindah ka Pare-Pare mangikuti anaknyo Haji Abdul Kadir Daud. Opu Daeng Risaju maningga dunia pado umua 84 taun, pado tanggal 10 Februari 1964. Panguburannyo dilakukan di pakuburan rajo-rajo Lokkoe di Palopo tanpa ado upacara kahormatan. [6]
Referensi
[suntiang | suntiang sumber]- ↑ JawaPos, Zetizen. "Opu Daeng Risadju Wanita Buronan Nomor Satu Belanda dari Sulawesi Selatan". Jawapos (dalam bahasa Indonesia). Diarsipkan dari versi asli tanggal 2022-08-10. Diakses tanggal 2025-03-16.
- ↑ Matanasi, Petrik (2018-04-19). "Opu Daeng Risadju Menentang Kolonialisme di Usia Senja". tirto.id (dalam bahasa Indonesia). Diakses tanggal 2025-03-16.
- ↑ JawaPos, Zetizen. "Opu Daeng Risadju Wanita Buronan Nomor Satu Belanda dari Sulawesi Selatan". Jawapos (dalam bahasa Indonesia). Diarsipkan dari versi asli tanggal 2022-08-10. Diakses tanggal 2025-03-16.
- ↑ "Janji NICA Berikan Hadiah Bagi Penangkap Opu Daeng Risaju (bagian 2)". Republika Online (dalam bahasa Indonesia). 2014-11-10. Diakses tanggal 2025-03-16.
- ↑ "Profil Opu Daeng Risadju". merdeka.com (dalam bahasa Indonesia). 2025-03-03. Diakses tanggal 2025-03-16.
- ↑ "Opu Daeng Risaju, Penjara Bawah Tanah dan Disiksa Hingga Tuli (bagian 3)". Republika Online (dalam bahasa Indonesia). 2014-11-10. Diakses tanggal 2025-03-16.