Nedi Gampo
| Nedi Gampo | |
|---|---|
| Latar belakang | |
| Namo lahia | Nedi Erman |
| Lahia | 23 April 1965 Parak Jua, Baringin, Lima Kaum, Tanah Datar, Sumatra Barat |
| Maningga | 28 Februari 2019 (umua 53) Padang, Sumatra Barat |
| Kabangsaan |  Indonesia
|
| Kota Wargawan | Minangkabau |
| Janih Musiak | Pop Minang, lawak |
| Karajo | Pambawo acara, palawak, panyanyi, jo pancipta lagu |
| Instrumen | Vokal |
| Taun aktif | 1993—2019 |
| Parusahoan rekaman | Pitunang Record, Gita Virma Record, Balada Record, Elta Record |
| Pasangan Hiduik | 2 |
| Anak | 5 |
| Agamo | Islam |
Nedi Erman atau labiah tanamo jo namo panggung Nedi Gampo (lahia di Lima Kaum, Tanah Datar, Sumatra Barat, 23 April 1965 – maningga di Padang, Sumatra Barat, 28 Februari 2019 pado umua 53 taun) adolah saniman legendaris Minangkabau.[1] Inyo tanamo sabagai pambawo acara, palawak, panyanyi, jo pancipta lagu pop Minang. Inyo mamulai karier sajak tahun 1990-an. Jo ciri khas lagunyo nan lawak jo lucu, lagu-lagunyo banyak disuko dek masarakaik Sumatra Barat.[2]
Inyo maningga dunia pado 28 Februari 2019 pukul 07.30 WIB di Rumah Sakit Islam Ibnu Sina Padang.[1] Sabalum maningga, Nedi Gampo tadaftar sabagai calon anggota legislatif untuak DPRD Sumatra Barat dari Partai Gerindra.[3]
Kahidupan awal[suntiang | suntiang sumber]
Nedi Erman lahia di Parak Jua, Nagari Baringin, Kecamatan Lima Kaum, Kota Batusangkar, Tanah Datar pado tanggal 23 April 1965 sabagai anak partamo dari limo badunsanak.[4] Tanah Datar adolah pusat kabudayaan Minangkabau sarato manjadi daerah darek atau tanah asa suku Minang.
Nedi Gampo parnah bakuliah di ASKI Padang Panjang (kini ISI).[4]
Karir[suntiang | suntiang sumber]
Inyo mamulai karir sabagai panyanyi pado awal dekade 1990-an nan mamakai namo panggung Nedi Gampo. Inyo mangaku tarinspirasi dari panyanyi legendaris Minang, Zalmon.[5]
Album lagu partamonyo bajudul Sayuik Sauleh produksi Pitunang Record.[4][6] Katiko itu, lagu-lagunyo diputa jo tape dari kaset bapita hitam. Nedi mancuat sabagai pancipta lagu lewat lagu Sapayuang Bajauah Hati jo Lenyai nan dipopulerkan Zalmon - nan alah maningga pulo pado tanggal 21 Mei 2011 di Padang.[4]
Nedi tanamo pulo sabagai panata musik rekaman sasudah sukses mangaransir lagu-lagu pado album Cinto Putiah Babungo Ungu. Inyo punyo talenta mambaokan musik sarius. “Suaronyo ancak. Tapi, Nedi mamiliah manakuni jalur musik nan lucu. Bukan inyo indak bisa (mambaokkan lagu sarius). Inyo punyo kamampuan musik jo vokal nan ancak, tapi inyo bapikia indak ka bisa basaing jo misalnyo, Zalmon jo An Roys jo lainnyo,” carito Rhian D’Kincai, pancipta lagu Minang jo jurnalis sanior di Sumatra Barat.[4]
Nedi Gampo tanamo sabagai panyanyi jo santuhan lirik nan lucu bana.[2] Maskipun jo caro panyampaian nan lawak, tapi banyak sakali pesan jo pambalajaran nan bisa diambiak dari lagu-lagunyo. Nedi Gampo lewat liriknyo sanang juo manyuaroan kritikan sosial, nan ciek dari banyak lagu nyo ado di album Dimakan Caciang.
Sampai katiko ampia maningga, Nedi aktif jo job dendang KIM-nyo. Salain lagu nan lucu, Nedi mangangkat popularitas lagu Kim nan sempat marajoi lagu Minang pado dekade 90-an.[4]
Damam Akiak, Angguak-angguak Geleng, sarato Kaleng Kuncang iolah babarapo ratusan judul lagu lagu nan inyo bawaokan sarato diciptakan sendiri. Sasudah diangkek baliak dek Nedi, lagu KIM populer baliak jo digarap dek banyak panyanyi sasudahnyo.[4]
Nedi adolah tokoh nan barani bersikap dan tegas. Nedi parnah bakarajo jadi pagawai di Universitas Andalas[4] kamudian inyo mamutuihan baranti sabagai PNS.
Maningga dunia[suntiang | suntiang sumber]
Nedi Gampo maningga pado hari Kamis 28 Februari 2019, pukua 07.30 di Rumah Sakit Islam Ibnu Sina Padang dek panyakik sarangan jantung.[4][7] Babarapo waktu sabalumnyo, inyo parnah lo kanai panyakik strok.[6]
Sabalum maningga, Nedi tampia di Tanjung Pinang pado hari Selasa malam, 26 Februari 2019. Kabisuakan harinyo, inyo pulang jo tibo di Padang langsuang dirawat di rumah sakik.[4]
Jenazah disamayamkan jo dimandikan di rumah urang tuonyo di Parak Jua, Nagari Baringin, Kecamatan Lima Kaum, Kota Batusangkar, Tanah Datar, sasudah disamayamkan labiah dulu di rumahnyo di Padang. Nedi maninggakan anak 3 padusi jo 2 anak laki-laki dari 2 urang bini.[4] Limo ratusan pelayat tampak basadiah katiko almarhum dilapeh ka makamnyo.
Album[suntiang | suntiang sumber]
Album nan parnah dihasiakan dek Nedi Gampo di antaronyo,[2]
- Sagalo Gadang (1993), produksi Pitunang Record
- Pisau Silet (1995), produksi Gita Virma Record
- Aki Suak (1996), produksi Baramas
- Jawinar (1998), produksi Gita Virma Record
- Bangku Angek (2000), produksi Gita Virma Record
- Uwia-uwia Mintak Gatah (2001), produksi Gita Virma Record
- Dimakan Caciang (2005) produksi Gita Virma Record
- Angguak-Angguak Geleng (2007), produksi Gita Virma Record
- Barangkek Kosong (2008), produksi Balada Record
Rujuakan[suntiang | suntiang sumber]
- ↑ a b "Salinan arsip". Diarsipkan dari versi asli tanggal 2019-02-28.
- ↑ a b c "Salinan arsip". Diarsipkan dari versi asli tanggal 2019-02-28.
- ↑ http://pekanbaru.tribunnews.com/2019/02/28/kabar-duka-nedi-gampo-seniman-minang-meninggal-dunia
- ↑ a b c d e f g h i j k http://www.sumbarsatu.com/berita/20447-nedi-gampo-dan-musik-minang-kocak[pranala nonaktif permanen]
- ↑ "Salinan arsip". Diarsipkan dari versi asli tanggal 2019-02-28.
- ↑ a b http://www.portalberitaeditor.com/nedi-gampo-rajo-oyak-tekong-wafat/
- ↑ https://sumbar.antaranews.com/amp/berita/248806/musisi-minang-nedi-gampo-tutup-usia