Nasi punjung

Nasi punjung marupoan makanan tradisional masyarakaik desa Sibak, Kecamatan ipuh, Kabupaten Muko-muko. Nasi punjung dianggap sabagai makanan wajib nan mesti ado pado palaksanaan kagiatan nan bernuansa adaik dan syara’, sarupo pado acara pesta perkawinan, acara syukuran dan acara kesenian tradisional. Di sampiang itu maghidangkan nasi punjung marupoan suatu bantuak prilaku mambayia dando karano alah malakuan kasalahan sarupo dalam hal perkawinan, indak mamatuhi ketentuan adaik dan babuek sumbang salah ditangah masyarakaik.

Caro Pambuatan

Adonan mambuat nasi punjung sangaik sederhana, iyolah bareh katan atau barah puluik, santan karambie dan kunyik. Adoanan itu dimasak di dalam pariuak belanga. Proses mamasak samo dengan proses mamasak nasi biaso, nan mambedaannyo nasi punjung jo nasi biaso iolah nasi punjung mamakai pawarna nan barasa dari kunyik. Satiok warga nan hadir mesti manyasuaian diri jo format acara, manjago sikap sahinggo indak marusak acara khususnyo caro nan bernuansa adaik dan warga nan hadir di agia ijin untuak mancubo nasi punjung sasudah di perkenankan dek tertua adaaik. Artinyo, jenis makanan tradisional iko bafungsi untuak panyampurnaan palaksanaan caro dan kagiatan rasmi banuansa adaik jo syarak.