Nashar

Dari Wikipedia baso Minang, ensiklopedia bebas
Loncat ke navigasi Loncat ke pencarian
Nashar
Lahia 3 Oktober 1928
Bendera Balando Pariaman, Hindia Balando
Wafaik 13 April 1994 (umua 65)
Bendera Indonesia Jakarta
Kabangsaan Bendera Indonesia Indonesia
Karajo Palukih, pandidik
Agamo Islam

Nashar (lahia di Pariaman, Sumatera Barat, 3 Oktober 1928 – maningga di Jakarta, 13 April 1994 pado umua 65 taun) adolah surang palukih tanamo Indonesia. Nashar banyak baraja seni rupo dari S. Sudjojono di Yogyakarta, surang palukih nan kudian hari dinobaikan sabagai Bapak Seni Lukis Modern Indonesia.[1] Nashar manarimo pulo palajaran dari parupo ekspresionis, Affandi, nan maajai Nashar malukih jo maambiak objek kahidupan sahari-hari, nan taruih dipatahankan sapanjang hiduiknyo.

Pajalanan hiduik[suntiang | suntiang sumber]

Ditambah jon didikan nan karweh dari surang ayah sarato digadangan dalam kalaparan jo pandaritaan, alah manjadiannyo legenda nan ampia samparono untuak surang palukih, sahingga Nashar pun dianggap sabagai salah surang maestro senirupo Indonesia.[2]

Nashar pernah maaja di Lembaga Pendidikan Kesenian Jakarta (LPKJ), tapi kudian maunduran diri karano pabedoan pandangan tantang sistim pandidikan untuak siswa senirupo. Nashar manulak sistim akademis nan dilaksanaan dek LPKJ. Nashar surang pendidik nan suko bagaua langsuang sarato manggambar basamo jo siswa-siswanyo, sahinggo Nashar dianggap sabagai pandidik nan simpatik. Manuruik Nashar, teori nan diajaan di akademi senirupo indak baitu pantiang, meski teori buliah sajo diajaan pado siswa. Manuruik Nashar aspek panjiwaan dalam diri surang palukih jauah labiah pantiang untuak surang siswa nan nio mandalami senirupo.[3]

Nashar pernah maadoan pameran tungga di Taman Ismail Marzuki (TIM) pado tanggal 22 sampai 28 Pebruari 1973 jo manampilkan ampek puluah buah karya-karya lukisannyo nan baru jo nan lamo.

Rujuakan[suntiang | suntiang sumber]

  1. "Nashar – Elegi Artistik". Outoftheboxindonesia.wordpress.com. http://outoftheboxindonesia.wordpress.com/2010/03/28/nashar-elegi-artistik/. Diakses pado 28 Desember 2013. 
  2. "Nashar Legenda yang Nyaris Sempurna". Eminxsgallery.multiply.com. http://eminxsgallery.multiply.com/journal/item/150/Nashar-legenda-yang-nyaris-sempurna-untuk-seorang-pelukis. Diakses pado 28 Desember 2013. 
  3. "Nashar". Seniman Lukis. Situs Taman Ismail Marzuki. http://www.tamanismailmarzuki.com/tokoh/nashar.html. Diakses pado 28 Desember 2013. 

Pautan lua[suntiang | suntiang sumber]