Museum Tsunami Aceh

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Koordinat: 5°32′52″N 95°18′47″E / 5.547727°N 95.3130324°E / 5.547727; 95.3130324

Museum Tsunami Aceh
Museum Tsunami 2.JPG
Foto Museum Tsunami Aceh
Didirian 2009
Lokasi Banda Aceh, Indonesia
Koordinat 5°32′52″N 95°18′47″E / 5.547727°N 95.3130324°E / 5.547727; 95.3130324
Museum Tsunami Aceh, dicaliak dari arah Peucut

Museum Tsunami Aceh adolah sabuah museum nan talatak di Kota Banda Aceh, nan marupoan pangingek simbolis ateh kajadian gampo bumi dan tsunami Samudra Hindia 2004, sarato sabagai pusek pandidiakan jo tampek panampuangan daruraik bancano alam kok di maso datang ado tsunami nan malando daerah ko lai.[1]

Desain[suntiang | suntiang sumber]

Museum Tsunami Aceh dirancang dek arsitek Indonesia, Ridwan Kamil.[2] Museum iko babantuak struktur salaweh 2.500 m2 jo batingkek ampek, dindiangnyo malangkuang panjang tatutup relief geometris.[2] Untuak masuak ka ruang dalam, pangunjuang ka malalui koridor sampik dan kalam di antaro duo dindiang aia nan tinggi, sabagai pangandaian kabisiangan jo raso panik kutiko kadatangan tsunami tu.[2] Dindiang museum dihias jo gambar urang manari Saman, sabagai simbol kakuatan, disiplin, dan kayakinan agamo nan dimiliki dek urang Aceh.[2] Dari ateh, atok bangunan manyarupai galombang pasang. Model lantai dasa maniru bantuak rumah panggung tradisional Aceh, nan sasuai untuak maadoki tsunami.[1]

Bangunan iko batujuan untuak mangana para korban maningga, nan namo-namonyo tatulis di dindiang salah satu ruang dalam museum, sarato para anggota masarakaik satampek nan salamaik.[2]

Salain untuak tujuan paringatan, museum ko marupoan juo tampek balinduang dari paristiwa nan sarupo tu di maso datang, tamasuak baagiah "bukik manyalamaikan diri" untuak pangunjuang nan ka lari kok ado galombang tsunami.[2]

Koleksi[suntiang | suntiang sumber]

Koleksi di museum ko maliputi simulasi elektronik gampo bumi dan tsunami Samudra Hindia 2004, sarato poto korban jo kisah nan disampaian dek korban nan salamaik.[2]

Rujuakan[suntiang | suntiang sumber]

  1. a b Williamson, Lucy (February 23, 2009). "Tsunami museum opens in Indonesia". BBC News. Diakses tanggal 2011-02-12. 
  2. a b c d e f g "Aceh Tsunami Museum offers tribute to victims and survivors". WorldArchitectureNews.com. World Architecture News. 2009-03-06. Diakses tanggal 12 Pebruari 2011.