Musajik di Sumatera Selatan
Musajik di Sumatera Selatan adolah musajik-musajik nan ditagakan di wilayah Provinsi Sumatera Selatan, Indonesia. Panagakan musajik di Sumatera Selatan dimulai sajak patangahan abad ka-18 Masehi jo babarapo musajik tatuo yaitu Musajik Agung Palembang (1738 M), Musajik Kiai Muara Ogan (1871 M) jo Musajik Lawang Kidul (1881 M) di Kota Palembang. Pado taun 1992 M, jumlah musajik nan tadapek di wilayah Provinsi Sumatera Selatan sabanyak 3.415 unit jo dayo tampuang jamaah rato-rato sabesar 1 unit masjid tiok 1.723 urang jamaah. Pado awal taun 2010 M, sabanyak 80 musajik dalam wilayah Kota Pagaralam di Sumatera Selatan mangalami pabaikan arah kiblat jo caro maluruihan arah saf.
Panagakan awal
[suntiang | suntiang sumber]Musajik-musajik tatuo nan ditagakan dalam wilayah Provinsi Sumatera Selatan talatak di Kota Palembang. Babarapo di antara musajik tatuo di Kota Palembang yaitu Masjid Agung Palembang, Masjid Kiai Muara Ogan jo Masjid Lawang Kidul.[1] Musajik Agung Palembang ditagakan pado taun 1738 M jo lokasinya kini talatak dakek dari Jambatan Ampera dalam wilayah Kalurahan 19 Ilir, Kacamatan Ilir Barat I, Kota Palembang.[2][3] Musajik Kiai Muara Ogan ditahan pado taun 1871 M jo kini balokasi di wilayah Kalurahan Kertapati, Kota Palembang.[4][5] Musajik Lawang Kidul ditagakan pado taun 1881 M jo kini talatak di Jalan Slamet Riady dalam wilayah Kalurahan Lawang Kidul, Ilir Timur II, Kota Palembang.[1]
Musajik Agung Palembang ditagakan dek Sultan Mahmud Badaruddin I nan mamarintah Kesultanan Palembang sajak taun 1724 M hinggo 1758 M.[6] Sadangkan pambangunan Musajik Kiai Muara Ogan jo Musajik Lawang Kidul dikarajoan manggunoan dana dari Kiai Muara Ogan nan pado maso panagakan kaduo musajik marupan saurang ulama sakaligus pangusaho kayo rayo di Kota Palembang. Pado tanggal 23 April 1893, Ki Muara Ogan mawakafkan Musajik Ki Muara Ogan jo Musajik Lawang Kidul untuak digunoan dek keluarga jo masyarakat di sekitarnyo sabagai tampek salat, tampek baraja mangaji jo tampel baraja tantang agamo Islam.[4]
Jumlah jo dayo tampuang
[suntiang | suntiang sumber]Pado taun 1992 M, jumlah musajik nan tadapek di wilayah Provinsi Sumatera Selatan semabanyak 3.415 unit. Samantaro itu, jumlah panduduak muslim di wilayah Provinsi Sumatera Selatan pado taun 1992 M sabanyak 5.883.041 urang. Rato-rato dayo tampuang jamaah pado saluruah musajik dibandiangan jo jumlah penduduk muslim di Provinsi Sumatera Selatan sabesar 1 unit masjid tiok 1.723 urang jamaah.[7]
Paelokan arah kiblat
[suntiang | suntiang sumber]Pado awal tahun 2010 M, arah kiblat dari musajik-musajik nan tadapek di Kota Pagar Alam dicek katepatannyo dek Tim Hisab dan Rukyat dari Kantor Wilayah Kementerian Agama Provinsi Sumatera Selatan nan bakantua di Kota Palembang. Dari hasia pangecekan diparoleh hasia yaitu seaanyak 80 dari 186 musajik di Kota Pagaralam mamiliki arah kiblat nan indak tapek. Panyasuaian arah kiblat dikarajoan tahadap musajik-musajik nan arah kiblatnyo indak tapek. Caronyo jo maluruihan arah saf sasuai jo arah kiblat nan bana.[8]
Referensi
[suntiang | suntiang sumber]- 1 2 Syarifuddin, dkk. (Februari 2022). Khazanah Kota Palembang: Sepucuk Kenangan Bumi Sriwijaya. Diterbitkan oleh Bening Media Publishing. pp. 99. https://www.google.co.id/books/edition/Khazanah_Kota_Palembang/gFVhEAAAQBAJ?hl=id&gbpv=1&dq=Masjid+di+Sumatera+Selatan&pg=PA99&printsec=frontcover.
- ↑ Dodonulis (Oktober 2023). Wijayanti, Hani. ed. Menulis Cerita Perjalanan. Sukabumi: CV Jejak. pp. 52. ISBN 978-623-498-482-8. https://www.google.co.id/books/edition/Menulis_Cerita_Perjalanan/Y0HrEAAAQBAJ?hl=id&gbpv=1&dq=Masjid+tertua+Sumatera+Selatan&pg=PA52&printsec=frontcover.
- ↑ Departemen Kebudayaan dan Pariwisata (2007). Wisata Sejarah. Jakarta: Departemen Kebudayaan dan Pariwisata. pp. 29. https://www.google.co.id/books/edition/Wisata_sejarah/YmCgfTxWsl4C?hl=id&gbpv=1&bsq=Masjid+Agung+Palembang+Badaruddin&dq=Masjid+Agung+Palembang+Badaruddin&printsec=frontcover.
- 1 2 Syarifuddin, Alian, dan Yunani (September 2021). Ensiklopedia Seni, Budaya, dan Pariwisata Kota Palembang. Palembang: Bening Media Publishing. pp. 19. ISBN 978-623-6991-65-7. https://www.google.co.id/books/edition/Ensiklopedia_Seni_Budaya_Dan_Pariwisata/mz5ZEAAAQBAJ?hl=id&gbpv=1&dq=Masjid+Muara+Ogan&pg=PA19&printsec=frontcover.
- ↑ Zein, Abdul Baqir (1999). Irfan, Dendi. ed. Masjid-masjid Bersejarah di Indonesia. Jakarta: Gema Insani Press. pp. 103. ISBN 979-561-567-X. https://www.google.co.id/books/edition/Masjid_masjid_bersejarah_di_Indonesia/-NnF9Ryal0IC?hl=id&gbpv=1&dq=Masjid+Muara+Ogan&pg=PA103&printsec=frontcover.
- ↑ Ma'rifah, Zuhaida (2019). Raharjo. ed. Ayo Mengenal Indonesia: Sumatra 2. Alprin. pp. 31. ISBN 978-623-263-310-0. https://www.google.co.id/books/edition/Ayo_Mengenal_Indonesia_Sumatra_2/eeP7DwAAQBAJ?hl=id&gbpv=1&dq=Masjid+Agung+Palembang+Badaruddin&pg=PA31&printsec=frontcover.
- ↑ Proyek Penerangan, Bimbingan dan Dawah/Khotbah Agama Islam Pusat (1992). Peta Dakwah. Jakarta: Direktorat Jenderal Bimbingan Masyarakat Islam dan Urusan Haji, Proyek Penerangan, Bimbingan dan Dakwah/Khutbah Agama Islam Pusat. pp. 65. https://www.google.co.id/books/edition/Peta_dakwah/PV0xAAAAMAAJ?hl=id&gbpv=1&bsq=Masjid+di+Sumatera+Selatan&dq=Masjid+di+Sumatera+Selatan&printsec=frontcover.
- ↑ Jamil, A., dan Sakirman (Februari 2023). Faizin, Mu’adil. ed. Dinamika Arah Kiblat Masjid Agung. Lampung Tengah: Kolaborasi Pustaka Warga. pp. 2-3. ISBN 978-623-09-2324-1. https://www.google.co.id/books/edition/Dinamika_Arah_Kiblat_Masjid_Agung/GOqxEAAAQBAJ?hl=id&gbpv=1&dq=Masjid+di+Sumatera+Selatan&pg=PA3&printsec=frontcover.