Musajik Azizi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Musajik Azizi
COLLECTIE TROPENMUSEUM De Azizi Moskee Tandjoengpoera TMnr 60021732.jpg

Musajik Azizi, tahun 1921

Latak Tanjung Pura, Langkat, Sumatera Utara
Afiliasi agamo Islam
Deskripsi arsitektur
Jinih arsitektur Musajik
Tahun salasai 1902
Spesifikasi

Musajik Azizi adolah musajik paninggalan Kasultanan Langkat. Musajik iko talatak di kota Tanjung Pura, Kabupaten Langkat, Sumatera Utara nan juo marupoan ibukota kasultanan Langkat di maso lalu. Musajik ko talatak di tapi jalan linteh Sumatera nan mangabuangkan Medan jo Banda Aceh.

Mulai dibangun dek Sultan Langkat Haji Musa pado taun 1899, musajik iko salasai jo dirasmikan dek anak baliau, Sultan Abdul Aziz Djalil Rachmat Syah pado tanggal 13 Juni 1902 M. Kaindahan Musajik Azizi mambuek iko manjadi rujuakan pambangunan Musajik Zahir di Kedah, Malaysia, inggo kaduo-duo musajik tasabuik tampak samo.

Sijarah[suntiang | suntiang sumber]

Musajik Azizi tabino ateh tanah salaweh 18 000 meter pasagi nan dibangun dek anjuran Syekh Abdul Wahab Babussalam pad maso pamarentahan Sultan Musa al-Muazzamsyah. Musajik ko mulai dibangun pado taun 1320 H (1899 M) atau saindaknyo 149 taun sajak Langkat rasmi badiri sabagai Kasultanan. Namun Sultan Musa maningga sabalun pambangunan musajik salasai diusao. Pambangunan disambuang dek anaknyo nan bagala Sultan Abdul Aziz Djalil Rachmat Syah (1897-1927), Sultan Langkat ka-7.[1]

Rancangan musajik dikarajoan dek surang arsitek banso Jerman sambia urang-urang nan bakarajo tadiri banyak dari banso Tionghoa jo masyarakaik Langkat sandiri. Bahan bangunan datang dari Penang Malaysia jo Singapura jo kapa ka Tanjungpura. Pado maso itu sungai Batang Serangan masih bakarajo baik jo kapa-kapa jo tonase 600 ton dapek laia sinun.

Musajik Azizi dirasmikan sandiri dek Sultan Abdul Aziz Djalil Rachmat Syah batapekan jo paringatan Maulid Nabi Muhammad SAW jo paringatan parubahan Karajaan manjadi Kasultanan Langkat pado tanggal 12 Rabiul Awal 1320 H (13 Juni 1902 M). Musajik iko manalan balanjo labiah kurang 200,000 Ringgit, jo dibari namo Musajik Azizi sasuai jo namo Sultan Abdul Aziz Djalil Rachmat Syah.

Catatan kaki[suntiang | suntiang sumber]