Masjid Tuo Sitiung
Musajik Tuo Sitiuang, disabuik juo Musajik Jamiak Tuo Sitiuang, adolah sabuah musajik abaik ka-18 nan talatak di Nagari Sitiung, Kabupaten Dharmasraya, Sumatera Barat . Dipakiroan musajik iko dibangun pado taun 1121 Hijriah (1709 M) dan marupoan pusek awal untuak panyebaran agamo Islam di hulu Sungai Batang Hari . Salain manjadi psekk ibadah, musajik iko juo bafungsi sabagai pusek pandidikan Islam jo kagiatan agamo. [1] [2]
Sajarah Musajik
[suntiang | suntiang sumber]Sajarah Musajik Tuo Sitiuang indak lapeh dari panyebaran agamo Islam di Dharmasraya, nan dipakiroan tajadi paliang indak sajak abaik ka-16. [3] Sitiuang manjadi salah satu pusek awal panyebaran agamo Islam di Dharmasraya. Tokoh-tokoh Islam dipakiroan datang sapanjang Sitiuang dari arah timur, dari muaro Sungai Batang Hari di Jambi . [1]
Di antaro ulama awal nan tacataik mambaok Islam ka Sitiuang adolah Syekh Kapalo Koto. Asa usuanyo indak dikatahui. Inyo dipakiroan tibo pado patangahan abaik ka-17. Satibonyo di Sitiuang, Syekh Kapalo Koto mandirian surau (ruang sumbayang) di Kapalo Koto, nan marupoan pamukiman paliang awal urang Sitiung. Namo Kapalo Koto, lokasi surau, kamungkinan barasa dari sijarahnyo sabagai pamukiman awal (di Minangkabau disabuik koto). Di sinan, ado bangunan lamo nan barisi paninggaan Syekh Kapalo Koto, banamo Rumah Kik Sojik (kato Minangkabau nan aratinyo rumah di ateh bukik musajik). Di antaro paninggaan tasabuik adolah Al-Qur'an nan ditulih tangan, lehau (tampek untuak Al-Qur'an), jubah, jo sorban. Barang-barang ko dibungkuih jo kain putiah dan digantuang di loteang rumah. [2]
Musajik Tuo Sitiuang pado tampeknyo kini dimulai dibangun dek Tuanku Tapian Biriang pado taun 1121 H/1709 Masehi. Musajik iko dibangun pado katinggian sakitar 50 meter dari tapi Sungai Batang Hari. Bangunan samulonyo adolah rumah pangguang kayu, jo dindiang buluah (palupuah), jo atok ijuak. Ciri khas bangunannyo adolah adonyo Pilar Sako Nan Limo, yaitu limo pilar utamo nan malambangkan ampek panghulu suku jo saurang pamimpin di tangahnyo. [1] [2]
Musajik Tuo Sitiuang alah babarapo kali dipelokan atau di renovasi dek masyarakaik satampek. Renovasi patamo dilakuan pado taun 1926. Renovasi barikuiknyo dilakuan pado taun 2019 untuak malestarian fungsi musajik sabagai situs sajarah jo tampek ibadah. [1] [2]
Warisan
[suntiang | suntiang sumber]diantaro paninggaan pantiang dari musajik iko adolah naskah Khutbah Bajelo, iolah duo naskah khutbah panjang (sekitar taun 20 cm × 3 meter), nan digunoan dalam khutbah Jumaik jo khutbah Idul Fitri. Naskah ko dikarang dek Tuanku Tapian Biriang nan disabuik juo Tuanku Cukua Sabola. Tuanku Tapian Biriang dipakiroan maningga pado akhia abaik ka-18 Masehi dan dimakamkan di komplek musajik, tapeknyo di sampiang mihrab di sabalah kanan. [1] [2]
Samantaro makam Tuanku Kapalo Koto talatak di tampek bakeh gaduang Madrasah Tarbiyah Islamiah (MTI) Sitiuang. [1] [2]
Rujuakan
[suntiang | suntiang sumber]- 1 2 3 4 5 6 "Pemerintah Kabupaten Dharmasraya". apkasi.dharmasrayakab.go.id. Diakses tanggal 2025-06-17. Kutipan rusak: Tanda
<ref>tidak sah; nama ":0" didefinisikan berulang dengan isi berbeda - 1 2 3 4 5 6 Selvia, Novitri. "Masjid Tuo Sitiung: Bersejarah, Sentral Penyebaran Islam di Dharmasraya - Padek Jawapos". Masjid Tuo Sitiung: Bersejarah, Sentral Penyebaran Islam di Dharmasraya - Padek Jawapos (dalam bahasa Indonesia). Diakses tanggal 2025-06-17. Kutipan rusak: Tanda
<ref>tidak sah; nama ":1" didefinisikan berulang dengan isi berbeda - ↑ "Peneliti: Islam Masuk ke Dharmasraya Abad ke-8". Antara News Sumbar. 2016-11-11. Diakses tanggal 2025-06-17.