Musajik 60 Kurang Aso

Wikipedia Minangkabau - Lubuak aka tapian ilimu
(Dialiahkan dari Masajik 60 Kurang Aso)
Loncat ke navigasi Loncat ke pencarian
Masajik 60 Kughang Aso

Masajik 60 Kurang Aso (dialek Solok Salatan: Masajik 60 Kughang Aso) marupokan masajik paninggalan sajarah nan batampek di Kabupaten Solok Selatan tapeknyo di Nagari Pasie Talang, Kecamatan Sungai Pagu. Namo 60 Kughang Aso iko barati anam puluah kughang ciek jo jumlah 59. Badasakan informasi nan didapek dari masarakaik satampek mangatoan namo 60 Kughang Aso diambiak dari kajadian mangkeknyo ciek dari ughang pakarajo nan bajumlah 60 ughang dari pambangunan masajik iko. Walau indak ado catatan pastie bilo masajik iko dibangun e, tapi dipakirokan masajik iko alah ado sabalun taun 1700-an Masehi. Hal iko juo dipakuek jo arsitekturnyo daghi pangaruah Hindu-Jawo pado abaik ka-15 Masehi.

Konstruksi bangunan[suntiang | suntiang sumber]

Masajik 60 Kughang Aso sadolahan bangunannyo tabuek daghi kayu, baiak lantai, tiang, dindiang, maupun rangko atok e, sadang atok e tabuek dari seang. Bangunan masajik mampunyoi denah bujua sangka. Di bagian suok muko bangunan masajik nan mahadok ka timur tadapek bangunan ketek tampek digantuangan baduag. Denah bangunan masajik iko pasagi panjang jo ukuran 2 x 3 m. Tiang pado bangunan masajik iko bajumlah 9 buah, jo tiang utamo nan talatak di tangah bangunan. Sado tiang poloih tanpa hiasan. Pintu masuak ka masajik bagian muko bajumlah duo buah jo posisi badampiangan nan talatak agak ka bagian kida bangunan.