Mansorandak

Wikipedia Minangkabau - Lubuak aka tapian ilimu

Mansorandak marupoan upacara panyambutan untuak urang nan pai atau pulang dari tampek nan dikunjunginyo atau tampek nan baru di Biak, Manokwari, Papua Barat. Tampek nan dikunjungi indak hanyo di lua Papua, tapi di dalam wialyah Papua sarupo dari Jayapura ka nan lain bisa pulo. Upacara tu dilakuan sabagai ungkapan raso syukur dek karano urang tu alah baliak atau pulang selamat. Mansorandak ditujuan untuak tamu atau urang pantiang lainnyo.[1]

Proses[suntiang | suntiang sumber]

Jikok urang tu manggunoan transportasi lauik, upacara Mansorandak disiapan di palabuhan lauik, baitu pulo untuak nan dari darek atau udara disasuaian pulo. Jikok nan dijapuik masih anak-anak, anak tu langsuang digendong dek om nyo manggunoan kain gendong nan alah disiapan. Katiko di rumah, diadoan pesta, makanan disiapan sarato digantuang jo tali sarupo katupek, pisang, tabu, pinang siriah, jo lain sabagainyo. Makanan nan digantuang jo tali tu disabuik Abiyoker.

Salain manyiapan makanan, ado pulo wonggor atau buayo putiah nan tabuek dari pasia putiah. Buayo tu malambangan basonyo uran nan baru tibo tu alah malewatan tintangan jo lauik lueh, sahinggo disimbolan jo buayo nan manjadi rajo lauik. Ado pulo pasia nan dibuek manyarupoi Tuturuga/penyu (Wau) jo sambilan piriang gadang nan dilatakan babarih mamanjang di pintu rumah. Sambilan piriang tu malambangan sambilan Keret/Marga Suku Doreri. Urang tu harus bajalan mamuta ka arah kanan piriang nan dilatakan mamanjang dari arah buayo ka penyu sabanyak sambilan kali.[1]

Sasudah siap putaran patamo, kaki urang tu dibasuah jo tetua adaik nan mamandu acara Mansorandak. Prosesi mambasuah kaki ko balangsuang satiok putaran hinggo putaran ka sambilan. Sasudah putaran kasambilan, pambasuhan kaki salasai dilakuan, kasambilan piriang dianjakan sarato urang tu mainjak kapalo buayo pasia putiah sampai ancua. Sudah tu bajalan ka penyu pasia putih sarato mainjaknyo pulo sampai ancua.

Referensi[suntiang | suntiang sumber]

  1. a b "Mansorandak". Warisan Budaya Tak Benda Indonesia. Direktorat Warisan dan Diplomasi Budaya. Diakses tanggal 15 Februari 2020.