Kabupaten Mandailing Natal

Wikipedia Minangkabau - Lubuak aka tapian ilimu
(Dialiahkan dari Mandailing-Natal)
Kabupaten Mandailing Natal
Daerah tingkat II di Sumatera Utara, Indonesia
Lambang Kabupaten Mandailing Natal
Lambang
Semboyan: Madina nan Madani
Peta Kabupaten Mandailing Natal
Nagara Indonesia
ProvinsiSumatera Utara
Tanggal paresmian12 Maret 1999[1]
Dasa hukumUndang-Undang Nomor 12 tahun 1998[1]
Ibu kotaPanyabungan
Pamarintahan
 • BupatiDrs. H. Dahlan Hasan Nasution (Plt Bupati), (2013- sekarang)
Laweh
 • Total6.620,70 km2 (255,630 sq mi)
Panduduak ([2])
 • Total403.894 jiwa
Demografi
 • AgamoIslam (95,51%), Kristen (3,07%), Katolik (0,11%), Tidak Ditanyakan (1,29%)[3]
Zona wakatu
Kode telepon0636
Jumlah kecamatan23
Jumlah kelurahan386
DAURp. 625.543.432.000.-(2013)[4]
Kode Kemendagri12.13 Edit nilai pada Wikidata
Situs webhttp://www.madina.go.id

Kabupaten Mandailing Natal nan acok disabuik Madina adolah sabuah kabupaten di Sumatera Utara, Indonesia. Kabupaten Mandailing Natal babatehan jo provinsi Sumatera Barat.

Sijarah[suntiang | suntiang sumber]

Sabalun Mandailing Natal manjadi sabuah kabupaten, wilayah iko masih bagian dari Kabupaten Tapanuli Selatan. Salapeh pamekaran wlayah, dibantuaklah Kabupaten Mandailing Natal manuruik Undang-undang Nomor 12 taun 1998, sacaro formal dirasmian dek Mantari Dalam Nagari pado tanggal 9 Maret 1999.

Pamarintahan[suntiang | suntiang sumber]

Kecamatan[suntiang | suntiang sumber]

Kabupaten Mandailing Natal tadiri dari 23 kecamatan, 27 kelurahan, jo 377 desa dengan laweh wilayah mancapai 6.134,00 km² jo jumlah panduduak sakitar 480.911 urang (2017) dengan kapadatan panduduak 78 urang/km².[5]

Daftar kecamatan jo kelurahan di Kabupaten Mandailing Natal, adolah sabagai barikuik:

Kecamatan Jumlah Kelurahan Daftar Desa/Kelurahan
Batahan, Mandailing Natal 18
Batang Natal, Mandailing Natal 31
Bukit Malintang, Mandailing Natal 11
Huta Bargot, Mandailing Natal 12
Kotanopan, Mandailing Natal 37
Lembah Sorik Marapi, Mandailing Natal 9
Lingga Bayu, Mandailing Natal 20
Muara Batang Gadis, Mandailing Natal 14
Muara Sipongi, Mandailing Natal 16
Naga Juang, Mandailing Natal 7
Natal, Mandailing Natal 30
Pakantan, Mandailing Natal 8
Panyabungan Barat, Mandailing Natal 10
Panyabungan Kota, Mandailing Natal 39
Panyabungan Selatan, Mandailing Natal 11
Panyabungan Timur, Mandailing Natal 15
Panyabungan Utara, Mandailing Natal 14
Puncak Sorik Marapi, Mandailing Natal 11
Ranto Baek, Mandailing Natal 17
Siabu, Mandailing Natal 28
Sinunukan, Mandailing Natal 14
Tambangan, Mandailing Natal 20
Ulu Pungkut, Mandailing Natal 12
TOTAL 404

Demografi[suntiang | suntiang sumber]

Panduduak wilayah Kabupaten Mandailing Natal didominasi jo etnis Mandailing nan sacaro bahaso jo budayo dakek jo etnis Batak. Masyarakat etnis Mandailing di kabupaten iko banyak nan bamarga Nasution, Lubis, Pulungan, Harahap, Siregar, Rangkuti, jo Daulay. Kudian diikuti jo urang Minangkabau nan banyak bamukim di daerah-daerah pasisia sajak maso lalu dan ado juo urang Nias.

Urang Minangkabau banyak nan tingga di sakitaran wilayah pasisia sarupo di Natal, Kotanopan, Panyabungan, sarato wilayah lain nan babatehan jo Sumatera Barat. Urang Minang di Madina nampak dari indak adonyo namo marga sarupo urang Mandailing jo Nias. Walau baitu, sabagiannyo masih mangatahui namo suku asanyo nan mirip jo nan ado di Sumatera Barat. Salain berdagang, urang Minang banyak juo nan punyo pakabunan jo patambangan. Di Mandailing Julu banyak ditamukan bakeh panambangan ameh nan ditinggakan dek urang Minang nan dari Agam, sarupo di Huta Godang ado suatu tampek nan dinamokan garabak ni Agom.[6]

Dari daerah Mandailing Natal iko banyak pulo tokoh-tokoh nan manghiasi sijarah Indonesia modern sarupo Abdul Haris Nasution, Sutan Takdir Alisjahbana, Darmin Nasution, dsb.

Salain itu ado juo etnis lainnyo sarupo Jawa jo Sunda nan tibo kudian.

Geografi[suntiang | suntiang sumber]

Kabupaten Mandailing Natal talatak pado 0°10'-1°50' Lintang Utara dan 98°10'-100°10' Bujur Timur jo rentang katinggian 0-2.145 m di ateh pamukoan lauik. Lueh wilayah Kabupaten Mandailing Natal ±6.620,70 km2 atau 9,23 persen dari wilayah Sumatera Utara jo bateh-bateh wilayah sabagai barikuik:

Hutan Linduang jo Taman Nasional Batang Gadis
Kecamatan Puncak Sorikmarapi jo Taman Nasional Batang Gadis
Kecamatan Puncak Sorikmarapi tanpa Taman Nasional Batang Gadis

Iklim[suntiang | suntiang sumber]

Suhu udara bakisar antaro 23 °C - 32 °C jo kalambaban antaro 80–85%.

Infrastruktur[suntiang | suntiang sumber]

Parekonomian Kabupaten Mandailing Natal, ditopang sarana prasarana ekonomi barupo:

  • Tasadionyo tanago listrik jo kapasitas tapasang sagadang 60 MVA jo dayo produksi 49.507.816 MWH
  • Tasadionyo sarana telekomunikasi barupo telepon kabel jo kapasitas tapasang 4.872 SST, jo telepon selular dari babagai operator sarupo Telkomsel, Indosat, XL, AXIS, jo Flexi
  • Sarana jalan sapanjang 2.110 km tadiri dari jalan nagaro 297,70 km, jalan provinsi 161,65 km jo jalan kabupaten 1.423,18 km
  • Tasadionyo palabuahan lauik 1 (satu) buah yakni palabuhan Sikara-Kara nan dapek dilabuahi kapa dalam nagari
  • Tasadionyo 9 buah bank, tadiri dari 4 buah bank Pamarintah jo 5 buah bank swasta, sarato 1 buah kantua Pagadaian
  • Tasadionyo 30 pasa, tadiri dari 1 unit pasa kelas I di Panyabungan 1 unit pasa kelas II di Kotanopan dan 28 unit pasa kelas III tasebar pado 22 kecamatan. Dan sadang dibangun 1 unit pasa modern (Madina Square) di kota Panyabungan

Tampek Wisata[suntiang | suntiang sumber]

  • Pamandian Aia Angek Balerang, Sibanggor Tonga, Puncak Sorik Marapi
  • Pamandian Aia Angek Purba Julu, Puncak Sorik Marapi
  • Pamandian Aia Angek Hutaraja, Panyabungan Selatan
  • Pamandian Aia Angek Siabu
  • Panorama Alam Sopotinjak, Batang Natal
  • Pantai Batu Rusa, Maura Batang Gadis
  • Pantai Sikara-kara
  • Pantai Galon, Natal
  • Sarasah Hutanagodang, Kotanopan
  • Sarasah Tanobato, Panyabungan Selatan
  • Pamandian Sungai Aek Pohon, Tebingtinggi, Panyabungan Timur
  • Bagas Godang Ulu Pungkut
  • Bagas Godang Panyabungan Tonga, Panyabungan Kota
  • Bagas Godang Pidoli Dolok, Panyabungan Kota
  • Bagas Godang Singengu, Kotanopan
  • Danau Marambe, Sirambas, Panyabungan Barat
  • Sampuraga, Sirambas, Panyabungan Barat
  • Danau Siombun, Dalan Lidang Panyabungan Kota
  • Banduangan Sungai Batang Gadis Aek Godang, Dalan Lidang, Panyabungan Kota
  • Jambatan Haji Abdul Hakim Ritonga, jambatan terpanjang di Mandailing Natal
  • Gunuang Sorik Marapi

Ekonomi[suntiang | suntiang sumber]

Pendapatan Domestik Regional Bruto (PDRB) taun 2007 sagadang Rp. 2.260.838.780.000 jo pendapatan perkapita Rp. 5.464.263 jo tingkek patumbuahan ekonomi 6,12 % per tahun.

Struktur perekonomian Kabupaten Mandailing Natal adolah (PDRB Harago Konstan 2000) taun 2007:

  • Patanian: 45,42 %
  • Patambangan jo panggalian: 1,54 %
  • Industri pangolahan: 3,53 %
  • Listrik, gas, jo aia barasiah: 0,32 %
  • Bangunan: 10,05 %
  • Padagangan hotel jo restoran: 17,79%
  • Transportasi jo komunikasi: 4,63 %
  • Kauangan, pasewaan, jo jaso parusahoan: 2,01 %
  • Jaso-jaso: 14,67 %

Pamarintahan[suntiang | suntiang sumber]

Kecamatan[suntiang | suntiang sumber]

Kabupaten Mandailing Natal tadiri dari 23 kecamatan yaitu:

Catatan kaki[suntiang | suntiang sumber]

  1. a b "archive copy". Diarsipkan dari versi asli tanggal 2009-05-06. Diakses tanggal 2015-07-29. 
  2. a b http://www.bps.go.id/hasilSP2010/sumut/1200.pdf
  3. Sensus Penduduk Tahun 2010
  4. "Perpres No. 10 Tahun 2013". 2013-02-04. Diarsipkan dari versi asli tanggal 2013-02-14. Diakses tanggal 2013-02-15. 
  5. "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli tanggal 2019-09-19. Diakses tanggal 5 Desember 2018. 
  6. Edi Nasution, Tulila: Muzik Bujukan Mandailing, Areca Books, 2007