Madrasah Tarbiyah Islamiyah Canduang

Wikipedia Minangkabau - Lubuak aka tapian ilimu
Madrasah Tarbiyah Islamiyah Canduang
Alamaik
Jl. Syekh Sulaiman Arrasuli, Jorong Lubuak Aua, Nagari Canduang Koto Laweh, Kecamatan Canduang

,

26191
Koordinat0°17′23″S 100°27′39″E / 0.289687°S 100.460813°E / -0.289687; 100.460813Koordinat: 0°17′23″S 100°27′39″E / 0.289687°S 100.460813°E / -0.289687; 100.460813
Telepon/Faks.+62 752 28115
Situs webMTI Canduang
Informasi
JinihPondok pesantren
AfiliasiPersatuan Tarbiyah Islamiyah
Ditagakan
  • 1908 (surau)
  • 5 Mei 1928 (pesantren)
PandiriSyekh Sulaiman ar-Rasuli
PangasuahBuya H. Amhar Zen ar-Rasuli
Kalender akademisMiladiyah
Jumlah santri±1.000
Lain-lain
JulukanMTI Canduang
Moto

Madrasah Tarbiyah Islamiyah Canduang, disingkek MTI Canduang, adolah pondok pesantren nan talatak di Canduang Koto Laweh, Agam. Limbago pandidikan Islam iko ditagakan dek Syekh Sulaiman ar-Rasuli, ulama gadang Kaum Tuo Minangkabau, mursyid Naqsyabandiyah, dan pandiri Persatuan Tarbiyah Islamiyah. MTI Canduang marupoan bagian dari jaringan pesantren nan baafiliasi kapado Persatuan Tarbiyah Islamiyah.

Sijarah[suntiang | suntiang sumber]

Pado 1907, Syekh Sulaiman ar-Rasuli gala Inyiak Canduang pulang ka kampuang halamannyo di Candung sasudah baraja di Makkah. Satahun kamudian, Inyiak Canduang maadoan pangajian di Surau Baru dengan mambantuk halakah sabagaimano nan umum balaku di Minangkabau wakatu itu. Pado masa itu, para ulamo Kaum Mudo di Minangkabau malakuan pambaruan sistem pandidikan dari halakah manjadi madrasah dengan kursi, meja, jo papan tulis, sahinggo alim ulama Kaum Tuo mulai ikuik mampabarui sistem pangajaran mereka, taakh Arabiyah School di Ladang Lawas pado 1918 jo Islamiyah School di Aur Tajungkang, Bukittinggi pado 1924 nan ditagakan dek Syekh Abbas Qadhi.[1]

Pado 5 Mei 1928, Inyiak Canduang maubah Surau Baru manjadi Madrasah Tarbiyah Islamiyah (MTI) Canduang. Pandirian MTI Canduang turuik mainspirasi hadirnyo MTI lain di Sumatera Barat sahinggo jaringan MTI tersebut dihimpun dalam ciek organisasi banamo Persatuan Madrasah Tarbiyah Islamiyah (PMTI) nan kudian baganti namo manjadi Persatuan Tarbiyah Islamiyah.[2]

Pado 1957, MTI Canduang jo babarapo MTI lain malakuan parubahan kurikulum dari murni mato palajaran agamo manjadi ditambah jo mato palajaran umum dengan bobot antaro palajaran agamo jo palajaran umum sagadang 70:30. Parubahan kurikulum tersebut tetap mampertahankan kurikulum lamo nan fokus pado pangajaran kitab kuniang. Pado 1961, pimpinan MTI Canduang managakan Yayasan Syekh Sulaiman Arrasuli sabagai yayasan untuak mangalola pondok pesantren tersebut.[3]

Pangasuah[suntiang | suntiang sumber]

MTI Canduang mangalami babarapo kali pargantian kapemimpinan sajak pandiriannya. Barikuik iko adolah daftar pimpinan MTI Canduang sajak 1928.[2]

  1. Syekh Sulaiman ar-Rasuli (1928-1965)
  2. Buya H. Baharuddin ar-Rasuli (1965-1971)
  3. Buya H. Syahruddin ar-Rasuli (1971-2005)
  4. Buya H. Muhammad Nur ar-Rasuli (2004-2006)
  5. Buya H. Badra Syahruddin ar-Rasuli (2005-2007)
  6. Buya H. Amhar Zen ar-Rasuli (2007-kini)

Pandidikan[suntiang | suntiang sumber]

Program studi[suntiang | suntiang sumber]

Program studi nan wajib diikuti sadoalah santri adolah program Tarbiyah nan marupoan program studi asli MTI Canduang sajak pandiriannyo. Program studi iko balansuang salamo tujuah tahun. Bersamaan jo program Tarbiyah, santri juo mandapek program Tsanawiyah pado kelas II-IV Tarbiyah dan Aliyah pado kelas V-VII Tarbiyah dari Kementerian Agama Republik Indonesia. Dengan baitu, lulusan MTI Canduang mamparoleh tigo ijazah sekaligus, yakni ijazah Tarbiyah, ijazah Tsanawiyah, jo ijazah Aliyah. Salain itu, ado program lain takah kelas khusus bagi lulusan SMP/MTs, jurusan IPA, IPS, jo MAK pado tingkek Aliyah, pandalaman kitab kuniang, tahfiz Quran, jo kontrak prestasi dari Kementerian Agama.[4]

MTI Canduang mamiliki Ma'had Aly Syekh Sulaiman Arrasuli nan marupoan limbago pendidikan tinggi nan fokus pado pandalaman kitab-kitab kuning, tautamo mangenai bahaso Arab.[5][6]

Kurikulum[suntiang | suntiang sumber]

Kurikulum nan diterapkan di MTI Canduang kini marupoan parpaduan antaro kurikulum MTI jo kurikulum dari Kementerian Agama bagi MTs dan MA. Kurikulum MTI marupoan kurikulum nan barasa dari kitab-kitab kuniang dengan cakupan mato palajaran yakni tafsir Alquran, hadis, tauhid, tasawuf, nahu, saraf, usul fikih, fikih, balagah, mantik, jo tarikh.[3][7]

Alumni[suntiang | suntiang sumber]

Rujuakan[suntiang | suntiang sumber]

  1. "Sulaiman ar-Rasuli Tokoh Pendidikan Islam Bercorak Kultural (Bagian 1)". Tarbiyah Islamiyah. 1 September 2015. Diakses tanggal 19 Januari 2022. 
  2. a b Koto, Alaidin (2012) (dalam bahaso id). Persatuan Tarbiyah Islamiyah: Sejarah, Paham Keagamaan, dan Pemikiran Politik 1945-1970. Jakarta: Rajawali Pers. https://books.google.co.id/books?id=ovMbEAAAQBAJ. 
  3. a b Masrial; Nasir, Muhammad; Nurdin, Jasril (2010) (dalam bahaso id). Laporan Program Penelitian Pendidikan dan Kelembagaan Islam Tahun 2010. Padang: Sekolah Tinggi Agama Islam Yayasan Tarbiyah Islamiyah. https://www.academia.edu/40599592/Laporan_Penelitian_Pontren. 
  4. "Program Studi". Madrasah Tarbiyah Islamiyah Canduang. Diarsipkan dari versi asli tanggal 2022-05-03. Diakses tanggal 15 Februari 2022. 
  5. "Pelantikan dan Mutasi Jabatan Struktural di Lingkungan MTI Canduang Masa Bakti 2020-2025". Madrasah Tarbiyah Islamiyah Canduang. 5 Agustus 2020. Diarsipkan dari versi asli tanggal 2022-05-03. Diakses tanggal 15 Februari 2022. 
  6. "Takhassus". Ma'had Aly Syekh Sulaiman Arrasuli. Diarsipkan dari versi asli tanggal 2022-05-03. Diakses tanggal 15 Februari 2022. 
  7. "Kurikulum". Madrasah Tarbiyah Islamiyah Canduang. Diarsipkan dari versi asli tanggal 2022-05-03. Diakses tanggal 15 Februari 2022. 

Pautan lua[suntiang | suntiang sumber]