Linguistik forensik
Linguistik forensik marupoan cabang dari linguistik nan manganalisis atau manaliti kabahasaan nan digunoan sabagai alaik bantu pambuktian di peradilan jo bidang hukum.[1] Definisi linguistik forensik yaitu bidang studi nan malibatkan hubuangan antaro bahaso, hukum, jo kajahatan. Linguistik forensik marupoan gabuangan dari duo disiplin ilimu yaitu linguistik jo ilimu forensik. Linguistik marupoan ilimu takaik bahaso, sadangkan ilimu forensik barasal dari istilah dalam bahaso Yunani yaitu forensis nan bararti publik atau forum.
Pakambangan
[suntiang | suntiang sumber]Dalam tradisi politik Romawi, forum marupoan ruang publik nan manjadi tampek untuak mandiskusikan jo mampadebatkan isu-isu politik jo kabijakan. Dalam pakambangan salanjuiknyo, ilimu forensik manjadi bidang ilimu pangatahuan nan digunon untuak mambantu manjawab sacaro ilmiah tentang bukti-bukti nan takaik jo panagakan hukum. Maingek bahwa bukti-bukti nan tatingga sasudah tindak kajahatan indak hanyo barupo bukti non verbal, sarupo sanjato, paluru, sidik jari, jo lain-lain, tetapi dapek juo maninggaan bukti verbal, yaitu bahaso, mako untuak kaparaluan pambuktian apokah bahaso nan tatingga itu dapek manjadi bukti untuak kasus kajahatan tasabuik diparaluan suatu kajian ilmiah. Hasia kajian ilmiah atas bahaso dalam kaitannyo dengan panegakan hukum ikolah nan disabuik sabagai linguistik forensik.[2]
Panerapan metode linguistik pado pamasalahan hukum marupoan salah satu fungsi linguistik forensik sabagai ilimu terapan di mano babagai teori linguistik dapek diterapkan dalam analisis sampel kabahasoan dalam sabuah proses penyidikan. Singkeknyo, dapek dikatoan bahwa para linguis forensik manerapkan pangatahuan jo teknik linguistik ka sampel bahaso nan talibat dalam (1) kasus atau proses hukum atau (2) pasalisiahan pribadi antaro pihak-pihak nan pado tahap salanjuiknyo dapek mangakibatkan tindakan hukum.[3]
Ilimu iko mulai dikenal samanjak tahun 1980-an dan sangaik diparaluan dalam panganalisisan bukti komponen paradilan barupo bahaso demi kapantiangan investigasi dalam kasus perdata jo pidana.[4] Pado tahun 1990-an cabang iko alah mapan, sairiang dengan makin banyak pangacara nan mangakui kabaradoan para ahli linguistik forensik nan sangaik mambantu dalam memberikan pambuktian dalam pasidangan.[4] Dalam peradilan suatu kasus hukum, linguistik forensik dilakukan dek saksi ahli bahaso. Hukum di Indonesia manyatoan bahwa katarangan saksi ahli adolah alaik bukti nan sah.[5]
Tataran linguistik nan bakaitan jo linguistik forensik adolah fonetik akustik, analisis wacana, jo semantik, dan juga berkaitan jo pragmatik dan psikolinguistik. Aplikasi linguistik forensik mancakup identifikasi suaro, interpretasi makna nan diungkapkan dalam hukum jo tulisan hukum, analisis wacana nan dimaksudkan dalam pernyataan lisan dan tatulih (contoh: pengakuan), identifikasi kapanulisan, bahaso hukum, analisis bahaso ruang sidang nan digunoan dek paserta sidang (yaitu hakim, pangacara, jo saksi), hukum merek dagang, sarato interpretasi dan tajamahan nan dapek labiah dari ciek bahaso harus digunoan dalam konteks hukum.[6] Sadangkan ruang lingkup kajian linguistik forensik antaro lain: (1) bahasa dari dokumen legal, (2) bahaso dari polisi dan penegak hukum, (3) interviu dengan anak-anak dan saksi-saksi nan rentan dalam sistem hukum, (4) interaksi dalam ruang sidang, (5) bukti-bukti linguistik dan kesaksian ahli dalam persidangan, (6) kepengarangan dan plagiarisme, serta (7) fonetik forensik dan identifikasi penutur.[7]
Masalah-masalah nan barado dalam ruang lingkup linguistik forensik, yaitu:
- identifikasi panutua badasarkan dialek, gaya bicaro, atau aksennyo, hinggo kadang kala manganalisis tulisan tangan tasangko untuak mandapekan profilnyo;
- manganalisis isi jo makna tuturan dalam konteks kabahasaan nan dapek digunoan sabagai bukti paradilan.
Sijarah
[suntiang | suntiang sumber]Frasa linguistik forensik partamo kali digunoan dek Jan Svartvik, saurang profesor linguistik, dalam laporannyo, “The Evans Statement: A Case for Forensic Linguistics” pada tahun 1968. Svartvik malakukan analisis tahadok kasaksian Timothy John Evans, saurang sopir truk nan divonis hukuman gantuang dek pangadilan Inggris karano tabukti mambunuah Geraldine Evans, saurang anak bayi baumua 13 bulan nan marupoan anak padusinyo surang. Svartvik manganalisis kasaksian Evans di kantor polisi Merthyr Tydfil pada 30 November 1949 dan di Notting Hill pada 2 Desember 1949. Svartvik manamuan pabedaan kasaksian Evans nan disampaikan di duo kantua polisi itu. Sacaro labiah rinci, Svartvik manjalehan kasaksian lisan Evans, jiko dituliskan, akan manghasiakan duo panyatoan tatulih babeda, indak hanyo pado tataran tando baco, panyabutan benda tungga, dan kontraksi kalimat, tatapi juga unit bahaso labiah lueh sarupo pambagian kalimat. Pada tahun 1950, Evans diganjar hukuman gantuang.[3][8]
Ahli Bahaso di Pasidangan
[suntiang | suntiang sumber]Katiko babicaro tentang ahli bahaso nan mambarikan bukti di pangadilan, jaleh bahwa pangacara jo ahli bahaso mampunyoi tujuan nan babeda. Tugas pangacara adolah mayakinkan atau mambujuk hakim bahwa terdakwa basalah atau indak basalah. Tugas ahli bahasa adolah manyajikan pandapek dan manjalehan pandapek tasabuik. Pangacara dapek manginterupsi saksi ahli jo dapek mamiliah untuak mangabaikan apopun nan dikatoan dek saksi ahli. Sabaliaknyo, ahli bahaso adolah saksi dan harus manaati sumpah indak peduli strategi hukum apo nan dapek digunoan untuak manakan atau mamutabalikkan bukti itu. Pangacara dapek juo bamain-main dengan gagasan 'kerja sama'. Ahli bahasa biasanyo akan barusaha untuak bakarajo samo, tetapi ahli bahasa dan pengacara mungkin batantangan tentang apo arati karajo samo dalam praktik dalam contoh tatantu. Iko disababkan dek praktik wacana nan babeda dari para pengacara dan ahli bahaso. Namun demikian, pengacara jo ahli bahaso mambawo 'pandangan dunia' nan babeda ka dalam ruang sidang.[3]
Argumen lain nan malawan linguistik forensik adolah baso babarapo masalah nan bapotensi timbua dari panggunoan ahli bahaso baasa dari kurangnyo pamahaman sistem hukum tantang kamampuan linguistik forensik dalam panyalidikan kriminal, jo kurangnyo pangambangan metode nan sah jo dapek diandalkan dek komunitas forensik. Solan (2010) manyatoan baso sistem hukum cenderung indak maacuahkan manfaat dari disiplin ilmu lain jo maasumsikan baso ahli bahaso forensik alun mangambangkan metode nan dapek diandalkan. Hal iko tarutamo dek analisis nan dilakukan dek ahli bahaso forensik tarutamo interpretatif. Salanjuiknyo, ahli bahaso forensik cenderung direkrut sabagai konsultan. Gray (2010) bapandapek baso kurangnyo pamahaman nan mandasar dalam komunitas hukum ko bahubuangan jo profesi lain nan malibaikkan sapanuahnyo panggunoan bahaso dalam sistem hukum. Situasi iko dianggap karih bamato duo karano, di satu sisi, para pengacara mangakui paralunyo ahli bahaso; di sisi lain, mareka indak picayo kapado ahli-ahli ko jo kualifikasi mareka sarupo jo mareka kapado ahli-ahli medis atau profesional lainnyo.[8]
Pado faktanyo, mampakarajoan ahli bahaso forensik sabagai saksi ahli mamainkan peran vital dalam manyalasaian kasus pidana, sarupo nan digambarkan dalam kasus Unabomber. Sarangkaian pamboman tajadi antaro taun 1978 jo 1995 di babarapo nagara bagian AS, yaitu Illinois, Washington DC, Utah, Tennessee, California, Connecticut, jo New Jersey. Kasus iko disalasaikan dek James Fitzgerald, saurang pansiunan agen FBI, pado taun 1996. Palakunyo diidentifikasi sasudah maanalisis bahaso dari sarangkaian surek. Analisisnyo tamasuak sintaksis, diksi, jo ciri-ciri bahaso lainnyo sarupo transposisi kato karajo. .[9][8]
Di Indonesia, linguistik forensik ditarapkan dalam kasus Akseyna Ahad Dori, mahasiswa biologi dari Fakultas Matematika dan Ilmu Alam, Universitas Indonesia, kelas 2013, nan mayiknyo ditamuan di Danau Kenanga, Universitas Indonesia. Panyalidikan awal dek Dinas Kepolisian Depok manamuan baso Akseyna bunuah diri karano depresi. Polisi marujuak pado kisah kekecewaan nan dinyatoan dek Akseyna kapado amaknyo jo catatan bunuah diri nan ditamukan di kamar kosnyo. Kasimpulan Departemen Kepolisian Depok baso Akseyna bunuah diri karano depresi dapek disangkal malalui analisis linguistik manggunoan pendekatan analisis pangarang untuak mamareso kaaslian catatan bunuah diri nan ditamukan sabagai bukti. Hasilnyo, sasudah mambandiangkan memo dalam kasus Akseyna jo korpus memo bunuah diri jo babarapo hasil panalitian sabalunnyo, mangungkapkan babarapo fakta baso catatan bunuah diri Akseyna adolah catatan bunuah diri palsu. .[10]
Babarapo uraian di ateh marupoan urgensi pelibatan ahli bahaso (linguis), atau sacaro khusus linguis forensik, dalam proses persidangan tarutamo untuak manyalasaikan kasus-kasus kriminal nan barang buktinyo adolah bahaso.
Bidang Kajian
[suntiang | suntiang sumber]Coulthard dan Johnson (2010) manjalehan bahwa ado tigo bidang utamo nan manjadi fokus kajian linguistik forensik sabagai barikuik.[8]
Bahaso sabagai Produk Hukum
[suntiang | suntiang sumber]Bahaso sabagai produk hukum (the language of the law), yaitu manginvestigasi bahaso nan digunoan dalam sistem hukum, khususnyo gaya jo register nan digunoan. Bidang iko mambicaroan sacaro mandalam bagaimano suatu bahaso dapek diajaan dan dipalajari, sarato langkah apo nan dapek diambiak untuak mambueknyo labiah dapek dipahami.
Bahaso dalam Proses Pangadilan
[suntiang | suntiang sumber]Bahaso dalam proses pangadilan (the language of the legal process), yaitu mambicaroan wacana lisan nan tajadi dalam proses hukum yang dikaji dari babagai perspektif. Bidang iko tamasuak pado panggunoan bahaso paserta di ruang sidang, yaitu hakim, pangacara, jo saksi.
Bahaso sabagai Barang Bukti
[suntiang | suntiang sumber]Bahaso sabagai barang bukti (language as evidence), yaitu bakaitan jo kapangarangan dan komunikasi nan mambutuahan teori-teori linguistik dalam pamacahannyo, mulai dari fonetik jo fonologi, morfologi, sintaksis, pragmatik, sarato wacana.
Rujuakan
[suntiang | suntiang sumber]- ↑ John Olsson dan June Luchjenbroers (2014). Forensic Linguistics. Bloomsbury Academic. p. xvi. ISBN 9781441186607.
- ↑ Mahsun (2018). Linguistik Forensik: Memahami Forensik Berbasis Teks dengan Analogi DNA. Depok: Rajagrafindo. pp. 13. ISBN 9786024255886.
- 1 2 3 Olsson, John, 1951- (2008). Forensic linguistics (edisi ke-2nd ed). London: Continuum. ISBN 978-0-8264-9295-1. OCLC 156830934. https://www.worldcat.org/oclc/156830934.
- 1 2 Kushartanti, et.al., ed (2005). Pesona Bahasa: Langkah Awal Memahami Linguistik. Gramedia Pustaka Utama. p. 225. ISBN 9789792216813.
- ↑ "NOMOR 8 TAHUN 1981, UNDANG-UNDANG HALAMAN 3". jdih.kemenkeu.go.id. Diakses tanggal 2020-03-16.
- ↑ Sholihatin, Endang (2019). Linguistik Forensik dan Kejahatan Berbahasa. Yogyakarta: Pustaka Pelajar. pp. 26. ISBN 9876232360136.
- ↑ Coulthard, Malcolm, Alison Johnson, dan David Wright (2016). An Introduction to Forensic Linguistics: Language in Evidence. New York: Routledge.. https://books.google.co.id/books/about/An_Introduction_to_Forensic_Linguistics.html?id=b3i3DAAAQBAJ&redir_esc=y.
- 1 2 3 4 Jazila, Nur Inda (2016). "FORENSIC LINGUISTS SHOULD BE HIRED IN THE LEGAL SYSTEM FOR THE SAKE OF THEIR ASSISTANCE IN INVESTIGATING INTO CRIMINAL CASES". scholar.google.nl. Diakses tanggal 2020-08-12.
- ↑ "Language Log: Forensic linguistics, the Unabomber, and the etymological fallacy". itre.cis.upenn.edu. Diakses tanggal 2020-08-23.
- ↑ Jazilah, Nur Inda. "Memo Bunuh Diri Akseyna dalam Perspektif Linguistik Forensik". tirto.id (dalam bahasa Indonesia). Diakses tanggal 2020-08-23.