Leksikostatistik

Leksikostatistik adolah suatu metode pabandiangan bahaso nan ditamuan dek surang ahli bahaso Maurice Swadesh, nan mampagunoan 'pabandaharoan kato-kato dasar universal' (basic vocabulary) sabagai obyek analisanyo. Kato-kato dasar nan universal pado satiok bahaso contohnyo namo-namo anggota badan; babagai banda alam sarupo langik, bumi, ujan, awan, matoari, bulan; namo-namo bilangan, jo lain-lainnyo. Jumalah kato-kato dasar ko ditantuan dek Swadesh ado kiro-kiro 200 kato, nan kudian disingkek lai jadi 100 kato.

Swadesh kudian manamuan pulo baso kok ciek bahaso pacah jadi duo, kaduo anak bahaso tu masiang-masiang barobah jo lambaik, tamasuak pado kato-kato dasarnyo. Lamo-kalamoan banyak dari kato-kato dasar tu nan babedo, sadangkan kacapatan proses parubahan nan tajadi sacaro universal kiro-kiro samo untuak sadonyo bahaso di dunia. Aratinyo baso tiok babarapo ribu taun sakian persen dari kato-kato dasar tu ka barobah. Dek karano ko, inyo mamakai teknik-teknik statistik untuak mangambangan rumus nan maetong kapan wakatu pacahnyo duo bahaso nan daulunyo baasa dari satu induak,yaitu sbb:

t = ${\frac {log(C+{\frac {\scriptstyle {\sqrt {C(1-C)}}}{100}})}{2logr}}$

Di mano: t = wakatu, C = jumalah kato nan samo, r = indeks retensi

Pautan lua

• IE database Archived 1999-10-13 di Wayback Machine.
• A simplified explanation of the difference between glottochronology and lexicostatistics.