Lapau Wo Wat

Lapau adolah ruang nan indak bisa dilapehan dari kabudayaan dan masyarakaik Minangkabau salain rantau jo surau. Pado umumnyo lapau yang diartian sabagai tampek maisi paruik, di sisi nan lainnyo lapau mendapek peran nan sangaiklah sentral di masyarakaik Minangkabau. Lapau bisa dikatokan sabagai ruang dialektika masyarakaik di Minangkabau. Salain dari tampek bagurau atau magopi.

Pai ka lapau marupokan ciek dari kebiasaan maso lampau nan taruih batahan pado abad ko (XXI). Segalo pabincangan, antah itu manyangkuik ekonomi, politik, kebudayaan atau sakada gunjiang-bagunjiang ringan basuo di lapau. Lapau ruang publik nan mambukak kasampatan bagi satiok urang untuak babagi kaluah-kasah (asam manih kahidupan). Indak manjadi soal apo pun itu masalahnyo. Sadonyo berhak mangecek, sadonyo buliah babeda pandapek. Lapau yang marupokan tampek batamu bagi kalangan sosial masyarakaik Minangkabau, ado alim ulama cadiak pandai, niniak mamak, sumando, bahkan rang mudo. Di lapaulah salah satu ruang di Minangkabau sebagai tampek badialektika. Baradu argumen.

Lapau Wo Wat Sabagai Ruang Dialektika

Minangkabau nan wilayahnyo tabagi atas duo bagian yaitu, daerah rantau jo daerah darek. Tigo luhak tu tadiri dari, Luhak nan Tuo (Kab. Tanah Datar), Luhak nan Tangah (Kab. Agam), jo Luhak nan Mudo (Kab. 50 Koto). Salabiah dari tigo luhak nan tasabuik cako, sadonyo masuak ka daerah rantau. Lapau Wo Wat nan talatak di Luhak nan Tangah (Kab. Agam), tapeknyo di Parik Lintang, Nagari Ladang Laweh, Kecamatan Banuhampu. Di Lapau Wo Wat nangko, marupokan lapau tradisonal Minangkabau. Sebagaimano dikatokan tadi, bahwasanyo lapau bukan hanyo sakadar tampek mangopi, namun jauah daripado itu di Lapau Wo Wat nangko alah manjadi suatu ruang badialektika.

Dialektika dalam bahaso Inggris yaitu dialectik nan barasal dari bahaso Yunani dialektos nan aratinyo pidato, pambicaraan, jo perdebatan. Sacaro umum dialektika bisa dikatokan sabagai hal babahaso jo banalar mampagunokan dialog sabagai caro untuak manyelidiki suatu masalah. Biasonyo dialektika sangaik dipangunokan untuak mampatahankan argumen. Bisa dikatokan, bahwasannyo lapau di Minangkabau adolah ruang untuak badialektika. Baitu pula nan tajadi di lapau Wo Wat. Lapau Wo Wat nan tampaknyo hanyo tampek bagurau sambia maminum kopi, tapi sajinyo urang-urang nan ado di lapau Wo Wat saliang badialektika. Apo pun persoalan nan dibahas. Baiak itu poloiik, budayada,-adaik, agamo, olahrahga, bahkan agamo. Di Lapau Wo Wat ko tatumpuak dalam ciek ruang baragam kelas sosial, dari nyinyiak mamak, alim ulama, sumando bahkan pamuda. dari urang-urang nan mampunyoi peran masiang-masiang di nagari.

Dialektika dilain sisi dapek dikatokatan sabagai baa caro kito manggunokan caro mangecek jo mimik nan mudah dipahami oleh lawan mangecek sahinggo lawan mangecek indak maraso tasinggunag. Paranan badialektika sangaiklah pantiang di kahidupan nangko. Dialektika pun bisa dikatokan sabagi seni untuak mangecek. Labiah daripado itu dialektika akan manambah pangatahuan, karano saat badialektika saliang batuka pangana. Selain mempatahankan arguman, tantunya lawan mangecek mampunyoi argumen lain ataupun samo. Patukaran-patukaran argumen ikolah nan acok tajadi di lapau Wo Wat. Sabagaimano dikatokan tadi, urang nan duduak di lapau Wo Wat mampunyo latar balakang dan peranan nan babeda-beda di masyarakaik Parik Lintang.

Indak akan tahindari antaro tanyo jo jawek katiko alah badialektika di Lapau Wo Wat. Sajtinyo, batanyo apo pun dan mandapek jawek bagaikan pitih nan mampunyoi duo sisi. Hakekatnyo tanyo-jawek saat badialektika adolah wajib. Sabagaimano Pandangan Hegel (filsuf badarah German), manuruiknyo sabuah tanyo-jawek nan diupayokan dan baguni jo manambah pangatuan kaduo balah piak ikolah nan disabuik dialogue, dan dialog samacam ikolah nan tagambar di utak manusia, nan kamudian dibari namo dilektika.

Carito-carito, gurau bagurau nan tajadi di lapau Wo Wat adolah samacam ruang dialektika untuak saliang batuka pangana mancaliak suatu persoalaan. Baiak itu nan remeh-temeh atau nan sabana sarius untuak dibahas. Tantunyo ruang-ruang dialektika nangko ado di lapau-lapau Minangkabau.

• 
  Lapau Wo Wat tampek minun kopi, teh talua dan sebagainyo sekaligus manjadi ruang dialektika di tangah masyrakat, tarutamo kaum lelaki, baik bujang ataupun nan alah bakaluarga di Parik Lintang, Nagari Ladang Laweh, Kabupaten Agam.

Rujuakan

• 

  Lapau Wo Wat tampek minun kopi, teh talua dan sebagainyo sekaligus manjadi ruang dialektika di tangah masyrakat, tarutamo kaum lelaki, baik bujang ataupun nan alah bakaluarga di Parik Lintang, Nagari Ladang Laweh, Kabupaten Agam.