Krecek
| Krecek Yogyakarta.jpg Krecek | |
| Asa | |
|---|---|
| Nagara | Indonesia |
| Daerah | DI Yogyakarta Jawa Tengah (Kota Semarang, Magelang dan Surakarta) |
| Pambuek | Jawa |
| Detail | |
| Jinih idangan | Idangan utama |
| Panyajian | Angek |
Krecek atau kerecek (bahasa Jawa: ꦏꦿꦺꦕꦺꦏ꧀, translit. Krècèk) adolah bahan makanan nan barasa dari kulit sapi nan dikariangkan lalu digoreng sampai mangambang manjadi karupuak kulik.[1] Bahan iko digunokan dalam babagai masakan tradisional di Indonesia, utamonyo di wilayah Jawa.[2] Dalam panggunoan sahari-hari, istilah krecek dapek marujuak pado karupuak kulik sabagai bahan makanan maupun pado hidangan nan mamakai bahan tasabuik.[1][3]
Pangartian dan panggunoan
[suntiang | suntiang sumber]Krecek dikana sabagai salah satu bahan palangkok dalam masakan bakuah maupun masakan basantan.[4] Di babarapo daerah, khusunyo di Jawa Tengah dan Daerah Istimewa Yogyakarta, istilah krecek acok marujuak pado hidangan sambal goreng krecek, yaitu masakan babumbu lado jo kuah santan nan relatif labiah banyak dibandiangkan sambal goreng pado umumnyo. [2]Hidangan iko biasonyo disajikan basamo nasi putiah sarato lauak pauk lainnyo.[5]
Dalam babagai variasi resep, krecek dimasak basamo bahan tambahan sarupo tempe, tahu, atau kacang tolo. Perpaduan bahan tasabuik mahasilan raso gurih, padeh, dan saketek manih nan khas dalam kuliner Jawa.[6]
Bahan dan proses pambuatan
[suntiang | suntiang sumber]Krecek dibuek dari kulik sapi nan diolah malalui babarapo tahapan. Kulik sapi talabiah dahulu dibarasiahan dari kotoran dan siso lamak, kamudian dipotong ketek-ketek. Sasudah itu, bahan tasabuik dirabuih atau diproses untuak mahilangan bau dan maningkakan kabarasiahan, lalu Dijamua sampai kariang.[5]
Kulik nan alah kariang kamudian digoreng dalam minyak paneh sampai mangambang dan barubah teksturnyo manjadi renyah sarupo kerupuk. Dalam bantuak iko, krecek dapek disimpan dalam wakatu lamo sabalun digunokan sabagai bahan masakan. Wakatu dimasak baliak, karupuak kulik tasabuik ka manyerap bumbu jo kuah sahinggo mahasilan tekstur nan labiah lunak.[7]
Peran dalam kuliner Jawa
[suntiang | suntiang sumber]Dalam tradisi kuliner Jawa, krecek acok digunokan sabagai bagian dari hidangan pandampiang nasi. Sambal goreng krecek lamo disajikan dalam babagai kasampatan, baiak dalam hidangan sahari-hari maupun dalam sajian nan labiah langkok pado acara tatantu. Salain dimasak sabagai lauak, karupuak kulik krecek juo dapek dimakan langsuang sabagai makanan ringan atau palangkok makanan.[8]
Pamanfaatan krecek mancerminan salah satu bantuak pangolahan bahan pangan dari hasia sampiang taranak nan diolah baliak manjadi produk makanan banilai tambah. Praktik iko alah lamo dikana dalam babagai tradisi kuliner di Indonesia.[9]
Variasi hidangan
[suntiang | suntiang sumber]Salain sambal goreng krecek nan umum dikana di wilayah Jawa Tengah dan Yogyakarta, krecek juo dapek diolah dalam babagai bantuak masakan lain.[9] Babarapo di antaronyo adolah krecek nan dimasak jo bumbu padeh tanpa santan, krecek nan dicampua jo sayuran tatantu, sarato krecek nan digunokan sabagai palangkok dalam hidangan khas daerah.[4]
Pabedaan panggunoan bumbu, tingkek kapadehan, sarato bahan tambahan mambuek variasi masakan krecek babeda-beda di satiap daerah dan rumah tanggo.[4][3]
Caliak pulo
[suntiang | suntiang sumber]Galeri
[suntiang | suntiang sumber]
Pautan lua
[suntiang | suntiang sumber] |
Buku Wiki mamiliki buku batajuik |
Rujuakan
[suntiang | suntiang sumber]- 1 2 "Arti kata krecek - Kamus Besar Bahasa Indonesia (KBBI) Online". kbbi.web.id. Diakses tanggal 2026-02-23.
- 1 2 Media, Kompas Cyber (2025-03-31). "Krecek Rebung, Kuliner Lumajang yang Jadi Warisan Budaya Tak Benda". KOMPAS.com (dalam bahasa Indonesia). Diakses tanggal 2026-02-23.
- 1 2 "Resep sambal goreng krecek pedas gurih dan berkuah santan". Cookpad (dalam bahasa Indonesia). Diakses tanggal 2026-02-23.
- 1 2 3 Media, Kompas Cyber (2022-10-27). "Resep Sambal Goreng Krecek Kuah Santan, Tambah Petai Lebih Harum". KOMPAS.com (dalam bahasa Indonesia). Diakses tanggal 2026-02-23.
- 1 2 "Tim Ikan Sambal Ijo dan Krecek Urat Sapi Hangatkan Iftar Ramadan di Jaksel". SINDOnews Lifestyle (dalam bahasa Indonesia). Diakses tanggal 2026-02-23.
- ↑ Wati, Leni Setya. "Sambal Goreng Krecek Kacang Tolo Khas Jawa Tengah, Menu Masakan Medok Gurih yang Cocok untuk Makan-makan di Akhir Tahun - Jawa Pos". Sambal Goreng Krecek Kacang Tolo Khas Jawa Tengah, Menu Masakan Medok Gurih yang Cocok untuk Makan-makan di Akhir Tahun - Jawa Pos (dalam bahasa Indonesia). Diakses tanggal 2026-02-23.
- ↑ Media, Kompas Cyber (2025-03-31). "Krecek Rebung, Kuliner Lumajang yang Jadi Warisan Budaya Tak Benda". KOMPAS.com (dalam bahasa Indonesia). Diakses tanggal 2026-02-23.
- ↑ "MSN". www.msn.com. Diakses tanggal 2026-02-23.
- 1 2 WS, Odilia. "Resep Sambal Goreng Krecek Khas Yogya yang Pedas Mlekoh". detikfood (dalam bahasa Indonesia). Diakses tanggal 2026-02-23.