Kopi bukik apik

Kopi Bukik Apik
Media: Kopi

Bukik Apik adolah sabuah daerah di kota Bukiktinggi nan tanamo dek usaho panggiliangan kopinyo, sahinggo ado lagu Minang nan bajudul "Randang Kopi". Usaho panggiliangan kopi jenis robusta ko sangaiklah manolong perekonomian masyarakaik nan tingga di daerah Bukik Apik. Kopi Bukik Apik sangaiklah tanamo dek aromanyo nan lamak, dan alah terkenal sampai ka mancanegara. Tapi lah bara tahun kabalakang Kopi Bukik Apik lah sulik untuak ditamukan dan lah mulai hilang sahinggo dilakukanlah usaho-usaho untuak manaikan baliak namo Kopi Bukik Apik dan maningkekan minaik masyarakaik tahadok kopi ko.

Pado tahun 2018 nan ka lapeh, 33 barista dari babagai coffee shop sa-Sumbar ikuik Bukik Apik coffee brewing guno mangambangkan kuliner dan minuman asa Bukiktinggi. Acara ko disambuik baiak oleh walikota Bukiktinggi, Ramlan Nurmatias, guno mangenalan baliak Kopi Bukik Apik hinggo ka mancanegara, baliau lah lamo bakainginan untuak maangkek baliak potensi Kopi Bukik Apik karano namonyo lah melegenda dan kini ko lah mulai payah untuak ditamukan. Usaho lain nan lah ditampuah oleh Ramlan adolah maminta kapado masyarakaik untuak mampabanyak marandang kopi Bukik Apik, baliau juo mawajibkan kapado hotel-hotel di Bukiktinggi untuak manyajikan Kopi Bukik Apik, supayo tamu-tamu nan tibo ka hotel tu dapek marasokan kopi Bukik Apik. Kopi Apik juo dijadikan salah ciek buah tangan khas Bukiktinggi.

Kini kopi Bukik Apik lah dikameh dengan labiah rapi dan rancak supayo manjadi daya tarik untuak urang nan mambali, panjua juo manambahan gambar jam gadang, untuak malakekan Bukiktinggi di kopi Bukik Apik. Hal yang paliang tanamo dari kopi Bukik Apik adolah proses marandang karano manghasilkan aroma harum kopi yang khas. Kegiatan marandang kopi dikarajoan duo kali saminggu pado jadwal yang lah ditantuan, pado hari Senin jo Kamis. Kini di kalurahan tu lah mananam baliak sabanyak 3000 labiah bibit kopi untuak manopang kabutuahan warga, dan untuak maiduikan baliak baso kopi tu memang ado di Bukik Apik.