Lompat ke isi

Kontrak pintar

Wikipedia Minangkabau - Lubuak aka tapian ilimu

Kontrak pintar (smart contract) marupokan istilah nan digunoan dalam mangambaran suatu protokol komputer nan mamfasilitasi kontrak atau pajanjian antaro satu pihak jo pihak lainnyo tanpa malalui pihak katigo. Protokol pintar sademikian rupo harus dapek malakuan verifikasi tahadok pelaksanaan kewajiban panarimo kontrak dari suatu pajanjian. Kontrak pintar juo dapek dikatoan sabagai bantuak paliang sadarhano dari otomasi tadesentralisasi.[1][2] Tujuan utamo dari kontrak pintar adolah untuak mangurangi kabutuahan akan parantaro tapacayo, manakan biaya arbitrase, maminimalan risiko panipuan, sarato mahindari kasalahan, baik nan disangajo maupun indak disangajo.[3] Kontrak pintar umumnyo dikaikan jo mato uang kripto. Salah ciek contoh paliang takenal adolah kontrak pintar nan dipakenalan dek Ethereum, nan kini manjadi komponen pantiang dalam ekosistem kauangan terdesentralisasi jo aplikasi token non-fundgible (NFT).[4][5] Babarapo karakteristik pantiang dari kontrak pintar adolah sebagai barikuik:[6]

  • Desentralisasi: Kontrak pintar baoperasi diateh rantai blok, nan artinyo data jo logika kontrak disimpan jo dijalanan sacaro tadistribusi di banyak node (komputer) nan mambantuak jaringan rantai blok. Indak ado pihak tungga nan manggontrol kontrak pintar, sahinggo maningkekan transparansi jo kapacayoan.
  • Deterministik: Bakarajo badasaran paraturan jo logika nan alah ditantuan jo jaleh. Satiok kali kondisi tatantu tapanuhi, hasilnyo akan salalu samo, jo indak bagantuan pado interpretasi manusia.
  • Indak dapek diubah: Satelah kontrak pintar dibuek jo ditabikan di rantai blok, logika jo aturannyo indak dapek diubah dek siapopun, tamasuak dek pambuek kontrak itu surang.
  • Kaamanan: Kontrak pintar dijalankan di ateh platform rantai blok nan mampunyoi tingkek keamanan nan tinggi karano didukuang dek kriptografi jo konsensus jaringan.
  • Biaya transaksi: Satiok operasi atau eksekusi kontrak pintar mambutuahan biaya transaksi dalam bantuak gas, nan harus dibayia dalam mata uang digital sarupo Ethereum atau aset kripto lainnyo nan sasuai jo rantai blok nan digunoan.

Etimologi

[suntiang | suntiang sumber]

Pado taun 1966, Nick Szabo mulai manggunoan istilah ''smart contract'' untuak marujuak pado kontrak nan ditagakan dek properti fisik (sarupo parangkaik kareh atau parangkaik lunak) alih-alih malalui hukum. Szabo manggambaran masin panjua otomatih (vending machine) sabagai contoh konsep iko.[7][8] Pado taun 1990, istilah iko juo digunoan untuak manggambaran objek dalam lapisan layanan manajemen pado sistem di Stanford Digital Library Project.

Status hukum kontrak pintar

[suntiang | suntiang sumber]

Kontrak pintar umumnyo dianggap sabagai pajanjian nan sah sacaro hukum.[9] babarapo usulan alah diajuan untuak mangatur kontrak pintar.[10]

Kontrak pintar bukanlah pajanjian hukum, malainkan transaksi nan dieksekusi sacaro otomatih dek program kompuer atau protokol transaksi. Teknologi iko acok digunoan untuak mangotomatihan kawajiban pambayaran, misalnyo jo mantransfer mato uang kripto atau token lainnyo. Babarapo ahli bapandapek bahwa sifaik imperatif atau deklaratif dari bahaso pemrograman dapek mampangaruhi validitas hukum kontrak pintar.[11]

Sajak paluncuran rantai blok Ethereum pado taun 2015, istilah "kontrak pintar" mulai digunoan untuak manggambaran sagalo bantuak komputasi nan balangsuang di dalam rantai blok. Institut Standar dan Teknologi AS (NIST) mandefinisian kontrak cerdas sabagai kumpulan kode jo data (acok disabuik sabagai fungsi atau status) nan diterapkan manggunoan transaksi nan ditandatangani sacaro kriptografi dalam jaringan rantai blok.[12] Dalam pangartian iko, kontrak cerdas adolah program komputer nan mamanfaatkan rantai blok sabagai media eksekusinyo. Kontrak cerdas juo dapek dianggap sabagai prosedur yang tasimpan dengan aman, karano proses eksekusi jo dampak nan alah dikodean (sarupo transfer token anta pihak) indak dapek dimanipulasi tanpa mangubah rantai blok itu surang. Dek bak itu, eksekusi diawasi dek platform rantai blok, indak dek program server eksternal nan tahubuang ka platform tasabuik.[13]

Pado taun 2018, laporan Senat AS manyatoan: "Maskipun kontrak pintar tadanga sarupo konsep nan baru, ide dasarnyo baraka pado kontrak tradisional. Biasonyo, sistem paradilan manangani sengketa kontrak dan managakan katantuannyo, tapi metode arbitrase lain juo umum digunoan, tarutamo dalam transaksi internasional. Dalam kontrak cerdas, program komputerlah nan managakan katantuan kontrak nan alah dikodean.[14] Babarapo negara bagian di AS, seperti Arizona, Iowa, Nevada, Tennessee, jo Wyoming, alah mangesahkan undang-undang takaik panggunaan kontrak cerdas ko.

Pado April 2021, UK Jurisdiction Taskforce (UKJT) di Inggirih manabikan Digital Dispute Resolution Rules (Aturan Panyalasaian Sengketa Digital) nan batujuan untuak mampacapek panyalasaian sangketa hukum takaik rantai blok jo kripto di Inggirih.[15]

Rujuakan

[suntiang | suntiang sumber]
  1. ↑ "Smart Contracts: The Blockchain Technology That Will Replace Lawyers" Archived 2023-09-01 di Wayback Machine.. Blockgeeks (dalam bahaso Inggirih). 2016-10-09. Diakses tanggal 2019-06-24.
  2. ↑ "Smart Contracts" Archived 2023-06-07 di Wayback Machine.. BlockchainHub (dalam bahaso Ingirih). Diakses tanggal 2019-06-24.
  3. ↑ Szabo, Nick (1997). "View of Formalizing and Securing Relationships on Public Networks | First Monday". First Monday (dalam bahaso inggirih). Diarsipkan dari website aslinya pada 10 April 2022.
  4. ↑ Zhou, Haozhe; Milani Fard, Amin; Makanju, Adetokunbo (2022-05-27). "The State of Ethereum Smart Contracts Security: Vulnerabilities, Countermeasures, and Tool Support". Journal of Cybersecurity and Privacy. (dalam bahaso inggirih)
  5. ↑ "All You Need to Know About NFT Smart Contracts". Binance.com. Binance. Diarsipkan dari website aslinya pada 26 September 2022
  6. ↑ Zainuddin, Muhmmad A, dkk (November 2023). Pengenalan dan Implementasi Teknologi Blockchain Pada Web 3.0. Yogyakarta: Penerbit Deepublish. hlm. 36–37. ISBN 978-623-02-7535-7.
  7. ↑ Morris, David Z. (21 January 2014). "Bitcoin is not just digital currency. It's Napster for finance". Fortune. Diarsipkan dari website aslinya pada 20 Oktober 2014. (Dalam bahaso Inggirih)
  8. ↑ Schulpen, Ruben R.W.H.G. (1 August 2018). "Smart contracts in the Netherlands - University of Tilburg". uvt.nl. Twente University. dari website aslinyo pado 19 Februari 2021.
  9. ↑ Mik, Eliza, Smart Contracts: A Requiem (December 7, 2019). Journal of Contract Law (2019) Volume 36 bagian 1 di hal. 72
  10. ↑ Cannarsa, Michel (1 December 2018). "Interpretation of Contracts and Smart Contracts: Smart Interpretation or Interpretation of Smart Contracts?". European Review of Private Law. 26 (6): 773–785. doi:10.54648/ERPL2018054. S2CID 188017977. Diarsipkan dari website asli pada 10 Agustus 2020
  11. ↑ Governatori, Guido; Idelberger, Florian; Milosevic, Zoran; Riveret, Regis; Sartor, Giovanni; Xu, Xiwei (2018). "On legal contracts, imperative and declarative smart contracts, and blockchain systems". Artificial Intelligence and Law.
  12. ↑ D J Yaga et al., Blockchain Technology Overview, National Institute of Standards and Technology Internal/Interagency Report 8202, 2018, p 54, cited in Mik, Eliza, Smart Contracts: A Requiem (December 7, 2019). Journal of Contract Law (2019) Volume 36 bagian 1 pada hal. 71
  13. ↑ Vo, Hoang Tam; Kundu, Ashish; Mohania, Mukesh (2018). "Research Directions in Blockchain Data Management and Analytics" (PDF). Advances in Database Technology - Extending Database Technology (EDBT). 21. OpenProceedings: 446. Diarsipkan dari sumber aslinyo pado 2 November 2019. kutipannya "Some distributed ledger technologies support an additional capability called a smart contract, which is similar to the concept of stored procedure in classical relational databases to some extent. Smart contracts allow the shared business processes within a business network to be standardised, automated and enforced via computer programs to increase the integrity of the ledger."
  14. ↑ Chapter 9: Building a Secure Future, One blockchain at a time Diarsipkan jo Wayback Machine pado 14 Mei 2020, US Senate Joint Economic Committee, Maret 2018
  15. ↑ Morgan, Herbert Smith Freehills LLP-Charlie; Parker, Chris; Livingston, Dorothy; Naish, Vanessa; Tevendale, Craig (23 April 2021). "Arbitration of digital disputes in smart contracts and the release of the digital dispute resolution rules from the UK jurisdiction taskforce | Lexology". www.lexology.com. Diarsipkan dari sumber aslinya pada 25 April 2021. Diakses kembali pada 25 April 2021.
Diambiak dari "https://min.wikipedia.org/w/index.php?title=Kontrak_pintar&oldid=3161841"