Sumpah Pemuda
 |
Ado naskah sumber nan bakaitan jo |
Sumpah Pemuda adolah satu tonggak utamo dalam sijarah pagerakan kamerdekaan Indonesia. Ikrar iko dianggap sabagai kristalisasi samangat untuak manegaskan cito-cito badirinyo nagara Indonesia.
Nan dimaksud jo "Sumpah Pemuda" adolah kaputusan Kongres Pemuda Kaduo[1] nan disalanggaran duo hari, 27—28 Oktober 1928 di Batavia (Jakarta). Kaputusan iko manegaskan cito-cito akan ado "tanah aia Indonesia", "bangso Indonesia", jo "bahaso Indonesia". Kaputusan iko diharokan juo manjadi asas bagi stiap "pakumpulan kabangsaan Indonesia" jo bia "disiarkan dalam sagalo surek kaba jo dibacoan di muko rapek pakumpulan-pakumpulan".
Istilah "Sumpah Pemuda" surang indak muncua dalam putusan kongres tasabuik, malainkan diagiahan satalahnyo.[2] Barikuik iko adolah bunyi tigo kaputusan kongres tasebuik sabagaimano tacantum pado prasasti di dindiang Museum Sumpah Pemuda[3]. Penulisan manggunoan ejaan van Ophuysen.
Pertama:
Kami poetra dan poetri Indonesia, mengakoe bertoempah darah jang satoe, tanah Indonesia.
Kedoea:
Kami poetra dan poetri Indonesia mengakoe berbangsa jang satoe, bangsa Indonesia.
Ketiga:
Kami poetra dan poetri Indonesia mendjoendjoeng bahasa persatoean, bahasa Indonesia.
Rumusan Kongres
[suntiang | suntiang sumber]Rumusan Kongres Sumpah Pemuda ditulih Moehammad Yamin pado sacarik karateh nan disodoran kapado Soegondo katika Mr. Sunario tangah bapidato pado sesi tarakhir kongres (sabagai utusan kapanduan) sambia babisiak kapado Soegondo: Ik heb een eleganter formulering voor de resolutie (Ambo punyo suatu formulasi nan labiah elegan untuak kaputusan Kongres iko), nan kamudian Soegondo mambubuahi paraf satuju pado sacarik karateh tasabuik, kamudian ditaruihan kapado bab lain untuak paraf satuju juo.[4] Sumpah tasabuik awalnyo dibacoan dek Soegondo jo kamudian dijlehan panjang-leba dek Yamin.[5]
Peringatan
[suntiang | suntiang sumber]Sajak 1959, tanggal 28 Oktober ditatapkan sabagai Hari Sumpah Pemuda, iyolah hari nasional nan indak hari libur nan ditatapkan dek pamarintah Indonesia malalui Keppres No. 316 Taun 1959 tanggal 16 Desember 1959 untuak mamparingati paristiwa Sumpah Pemuda.
Catatan Kaki
[suntiang | suntiang sumber]- ↑ Naskah Sumpah Pemuda Dimanipulasi ? Artikel di blog strategi-militer.blogspot.com, salinan dari artikel di jurnas.co (tidak diketahui tanggal). 27 Oktober 2012. Diakses 28 Oktober 2013.
- ↑ "Sumpah Pemuda, Benarkah Ada?". Diarsipkan dari versi asli tanggal 2012-11-30. Diakses tanggal 2018-10-27.
- ↑ Museum Sumpah Pemuda Archived 2009-06-25 di Wayback Machine.Templat:Deadlink
- ↑ Sugondo Djojopusito: Ke Arah Kongres Pemuda II, Media Muda Tahun I No. 6 & 7, halaman 9-11.
- ↑ Secarik Kertas untuk Indonesia Archived 2018-03-16 di Wayback Machine., Majalah Tempo, 27 Oktober 2008
Pranala luar
[suntiang | suntiang sumber]- (Indonesia) Situs resmi Museum Sumpah Pemuda Archived 2012-10-05 di Wayback Machine.