Komunikasi bisnis

Wikipedia Minangkabau - Lubuak aka tapian ilimu
(Dialiahkan dari Komunikasi Bisnis)

Komunikasi bisnis adolah partukaran gagasan, pandapek, informasi, dan partmintaan nan punyo tujuan tatantu. Ide iko disampaian sacaro personal atau impersonal malalui simbol atau tando sarato sinyal untuak mancapai tujuan dari organisasi bisnis tatantu. Ilmu lainnyo bisa tamasuak dalam palajaran tentang ilmu komunikasi bisnis sarupo ilmu manajemen, ilmu sosiologi, dan ilmu komunikasi.[1]

Komunikasi adolah suatu proses papindahan informasi dan pangartian dari urang nan mangirim ka urang nan manarimonyo. Kini, komunikasi adolah hal nan paliang paralu di bidang bisnis. Pasan nan dikiriman malalui komunikasi bisnis bisa efektif dicaliak dari praktiknyo, fakta nan disampaian, kajalehan panyampaian, dan sabarapo manarik media nan digunoan.[2]

Bisnis adolah saluruah kagiatan komersial dan industrial nan mahasilan barang samo jaso untuak maningkekan dan mampatahankan kualitas kahidupan manusia. Pengertian bisnis ko dijalehan samo Stade pado tahun 1984. Labiah lanjuik, bisnis bisa juo diartian sabagai palaksanaan tangguang jawek sosial malalui panyadioan kabutuahan barang dan jaso untuak mangingkekan dan manjago kualitas hiduik. Dalam komunikasi bisnis iko, ado anam buah variabel nan dijalehkan samo Lasswell dan Rosenblatt (1982), diantaronyo:

  1. Sumber (siapo urang nan manyampaian informasi)
  2. Pasan (apo nan disampaian sis umber)
  3. Panarimo (ka siapo informasi disampaian
  4. Konteks (dalam hal dan konteks apo informasi itu disampaian)
  5. Saluran (malaui media atau cenel apo disampaian)
  6. Efek (apo efek dan reaksi sasudah pasan disampaian)

Alasan[suntiang | suntiang sumber]

Alasan komunikasi bisnis dibutuahan diantaronyo dinamika atau parubahan nan tajadi di suatu organisai atau parusahaan kni samakin gadang dan bakambang. Kaduo, alah tarasonyo pasaingan antaro organisasi atau parusahaan nan samakin ketat. Katigo, tuntutan, kainginan, dan harapan publik atau masyarakat kapado pamanuahan kabutuhan informasi samakin tinggi. Kaampek, masyarakat kini alah samakin kritis dalam mangomentasi bisnis ataupun urang lain. Pakambangan teknologi komunikasi nan sangek luar biaso. Kalio, samakin gadangnyo pengaruh opini atau pandapek publik. Kini, masarakat manjadi faktor nan bapangaruah kapado citra sabuah organisasi atau parusahaan. Salanjuiknyo, gadangnyo pangaruah masyarakat indak lapeh dari kambangnyo media sosial nan manjadi tampek masyarakat bebas bakomentar. Alasan komunikasi bisnis dibutuahan adolah suatu organisasi atau parussahaan indak mungkin bisa tagak surang tanpa dukuangan dari publik.[3]

Unsur pokok[suntiang | suntiang sumber]

Tujuan

Tujuan komunikasi bisnis biasonyo ditetapan sasuai tujuan dari organisasi atau parusahaan nan malakukan komunikasi bisnis. Misalnyo suatu parusahaan sadang malakuan komunikasi bisnis basamo kolega bisnisnyo supayo inyo bisa manjua barangnyo.

Patukaran

Patukaran adolah unsur komunikasi bisnis nan malibekan sakurangnyo duo urang supayo komunikasi itu bisa tajadi. Artinyo, ado nan ditukarkan diantaro satu samo nan lainnyo yaitu informasi.

Gagasan, opini, informasi, dan instruksi

Adolah isi dari pasan nan disampaian dalam komunikasi bisnis. Bantuaknyo bisa babagai macam sasuai samo tujuan dan media nan dipakai.

Saluran personal atau impersonal

Saluran adolah media atau caro nan digunoan oleh sumber nan nio manyampaian informasi. Saluran iko bisa barupo tatap muko atau basobok langsuang, dan bisa juo manggunoan media elektronik nan bisa dijangkau samo banyak urang dalam wakatu nan samo.

Simbol atau sinyal

Simbol atau sinyal adolah tando-tando nan marupokan alat dan metode nan dapek dimangarati untuak manyampaian pasan atau manukarkan gagasan.

Pancapaian tujuan organisasi

Satiok organisasi mmpunyoi tujuan yang ingin dicapai. Tujuan ikolah yang manjadi acuan dari bantuak komunikasi bisnis yang dilakuan. Tujuan iko sarupo manaiakan panjualan, mambuek produk manjadi terkenal, sarato manaiakan popularitas merek atau organisasi yang bisa dikarajoan malalui momunikasi bisnis

Beda Komunikasi Bisnis samo Komunikasi Lain[suntiang | suntiang sumber]

Ado babarapo hal nan mambedaan komunikasi bisnis samo jenis komunikasi lainnyo. Partamo, komunikasi bisnis baorientasi pado tujuan nan nio dicapai Komunikasi bisnis balangsuang dalam wakatu tertentu. Kaduo, komunikator nan batangguang jawek kapado kabarhasilan komunikasi. Kaampek, pasan bisnis akan manggambaran komunikator dan parusahaan atau organisasi dalam magiah manfaat dan kauntuangan.

Dalam manjalanan bisnis, komunikasi bisnis pada dasarnyo palaku bisnis mambutuahan kagiatan komunikasi untuak mandapekan sajumlah hal, diantaronyo partamo informasi nan baguno untuak pangambilan keputusan dan pangawasan jalannyo bisnis dalan suatu organisasi atau parusahaan. Kaduo, pangaruah untuak maagiah motivasi, persuasi, dan kontrol. Katigo, parancanaan nan rancak mambutuahan informasi nan cukuik dan ancak sacaro kualitas dan kuantitas. Salanjuiknyo, dalam pangorganisasian, babarapo pihak paralu untuak manyampaian rancangan karangko karajo supayo bisa dipahami samo urang lain dan tugas itu bisa dijalankan sacaro rancak. Kamudian, kualitas dan kuantitas informasi bagantuang pado iklim komunikasi.

Tujuan[suntiang | suntiang sumber]

Ado babarapo buah tujuan komunikasi bisnis nan dilakuan samo perusahaan dan organisasi. Partamo adolah untuak maningkekan namo baiak parusahaan dan organisasi. Kaduo, maningkekan hubuangan baiak basamo masyarakat. Salanjuinyo, perusahaan malakuan komunikasi bisnis adolah maagiah kamungkinan nan labiah gadang bagi konsumen untuak apo nan disaranan atau nan dinio samo perusaan dan organisasi.

Untuak mancapai tujuan komunikasi, dibutuahan caro dan metode nan efektif diantaronyo pamacahan masalah nan labiah capek, maambiak keputusan nan labiah mantap, produktivitas labiah maningkek, dan arus karajo nan labiah mantap. Salanjuiknyo, komunikasi bisnis bisa manjadi efektif dengan caro hubungan bisnis labiah kuek, bahan promosi nan labiah jaleh, citra profesional labiah maningkek, dan respon dari urang nan punyo kakuasaan sarupo pamacik saham bisa labiah rancak.

Ruang lingkup dan bantuak[suntiang | suntiang sumber]

Ruang lingkup komunikasi bisnis dalam suatu parusahaan manuruik Rosenblatt, 1982 adolah pelanggan atau urang nan manarimo produk dan jaso nan dijua dan panyalur atau urang nan baperan untuak manyalurkan dalam bisnis. Salanjuiknyo komunikasi bisnis digunoan untuak regulator atau urang nan mambuek peraturan, dan sabagai pamasok atau urang nan manyadioan sumber bahan dan jaso untuak dijua.

Salanjuiknyo, bantuak atau aktivitas komunikasi bisnis. Ado babarapo bantuak komunitas bisnis diantaronyo katiko rekrutmen dan pelatihan kariawan, pambinaan kariawan, palaporan kapado manajemen, palaporan pado pamacik saham, panjualan dan promosi barang atau jaso, dan pamaliharoan hubungan samo relasi jo pelanggan.

Rujuakan[suntiang | suntiang sumber]

  1. Silintowe, Yunita Budi Rahayu; Pramudita, Margareta Cahya Christy (2017-02-06). "Komunikasi Bisnis Lintas Budaya Sekretaris Pada Atasan (Studi Pada Alila Hotel Solo)". Jurnal Komunikasi (dalam bahasa Inggris). 8 (2): 147–158. doi:10.24912/jk.v8i2.67. ISSN 2528-2727. 
  2. Andriani, Nita (2020-10-01). "Strategi Komunikasi Bisnis Mini Market Islam sebagai Pendidikan Kemandirian Santri:". Jurnal Al-Hikmah (dalam bahasa Inggris). 18 (2): 157–168. doi:10.35719/alhikmah.v18i2.32. ISSN 2685-4376. Diarsipkan dari versi asli tanggal 2021-09-13. Diakses tanggal 2021-09-13. 
  3. Nahan, Noorjaya; Kristinae, Vivy (2019-04-26). "Analisis Media Online sebagai Komunikasi Bisnis pada UKM Pekerja Wanita di Gunung Mas, Kalimantan Tengah". Jurnal Aplikasi Manajemen, Ekonomi dan Bisnis (dalam bahasa Inggris). 3 (2): 52–62. ISSN 2550-0783.