Kletek udang

Kletek udang dari Provinsi Jambi

Kletek udang marupoan kudapan khas Kampung Laut, Kabupaten Tanjung Jabung Timur, Provinsi Jambi. Dibuek dari olahan udang nio nan banyak ditamuan di Kampung Laut. Salain itu, kletek udang juo banyak ditamuan di daerah Kuala Tungkal, Kabupaten Tanjung Jabung Barat, Provinsi Jambi. Bagi masyarakat daerah Tanjung Jabung, kletek udang alah manjadi makanan nan biaso dimakan basamo teh. Kletek udang alah manjadi simbol kabanggaan, identitas, dan warisan nan taruih hiduap, sarato diturunkan dari generasi ka generasi.

Udang manjadi bahan dasa dalam mambuek kletek udang dek sangaik malimpah di parairan Kuala Tungkal. Udang dibarasiahan lalu digiliang haluih. Kamudian udang tasabuik dicampuakan jo tapuang, bumbu bawang putiah, dan rampah pilihan. Sasudah itu, adonan ko digoreng sampai garing dan renyah.