Kedelai

Wikipedia Minangkabau - Lubuak aka tapian ilimu

Kedelai, atau kacang kedelai, adolah sala ciek tanaman jenis polong-polongan nan manjadi bahan dasar banyak makanan dari Asia Timur sarupo kecap, tahu, dan tempe. Badasarkan paninggalan arkeologi, tanaman iko alah dibudidayakan samanjak 3500 taun nan lalu di Asia Timur.

Kedelai marupoan sumber utamo protein nabati jo minyak nabati dunia. Panghasia kedelai utamo dunia adolah Amerika Serikat maskipun kedelai praktis baru dibudidayaan dek masyarakaik di lua Asia sasudah taun 1910.

Kaanekaragaman[suntiang | suntiang sumber]

Kedelai nan dibudidayaaan adolah Glycine max nan marupoan katurunan domestikasi dari spesies moyang, Glycine soja. Jo versi iko, G. max dapek juo disabuik sabagai G. soja subsp. max. Kedelai marupoan tanaman budidayo daerah Asia subtropik misalnyo Cino dan Japang. Sabaran G. soja tu labiah lueh, hinggo ka kawasan Asia tropik.

Kedelai adolah tumbuahan nan salalu peka tahadok pancahayoan. Dalam pancahayoan agak randah batangnyo kan mangalami patumbuahan mamanjang sahinggo bawujuik sarupo tanaman marambaik.

Babarapa kultivar kedelai putih budidayo di Indonesia, di antaronyo adolah 'Ringgit', 'Orba', 'Lokon', 'Davros', dan 'Wilis'. 'Edamame' adolah kultivar kedelai baincek gadang bawarna ijau nan alum lamo dikena di Indonesia dan barasa dari Japang.

Budidayo[suntiang | suntiang sumber]

Kedelai dibudidayoan di lahan sawah maupun lahan kariang (ladang). Pananaman biasanyo dilakukan pado akhie musim panghujan, sasudah panen padi. Pangarjoan tanah biasanyo minimal. Incek dimasuakan langsuang pado lubang-lubang nan ka dibuek. Biasonyo bajarak 20–30 cm. Pamupuakan dasar jo pupuak nan manganduang nitrogen jo fosfat diparaluan, namun sasudah tanaman tumbuah panambahan nitrogen indak maagiaan kauntungan apo pun. Lahan nan alum pernah ditanami kedelai dianjuan diagia "starter" bakteri pangikek nitrogen Bradyrhizobium japonicum untuak mambantu patumbuhan tanaman. Pambumbunan tanah dilakuan katiko tanaman masih mudo (fase vegetatif awal), sakaligus sabagai pambarasihan dari gulma dan tahap pamupukan fosfat kaduo. Manjalang babungo pamupukan kalium dianjuaan walaupun banyak petani nan mangabaikan untuak manghemat biaya.

Rujuakan[suntiang | suntiang sumber]

Pautan lua[suntiang | suntiang sumber]

  • Media tantang Kedelai di Wikimedia Commons