Kebun Teh Alahan Panjang

Kebun Teh Alahan Panjang, marupokan kabun teh punyo PT. Perkebunan Nusantara nan talatak di Tanah Hitam, kacamatan Lembah Gumanti, kabupaten Solok, Sumatera Barat. Kabun iko mampunyoi laweh sakitar 20 hektar dan barado diateh bukik landai nan barado satinggi 1.200 - 1.600 meter diateh pemukoan lauik. Pamandangan nan nampak tacaliak dari kabun teh kabanyakan hamparan bukik-bukik khususnyo Gunuang Talang jo awan-awan dan tanaman-tanaman teh. Takadang, bisa nampak tambang biji basi nan marupoan kabanyakan karajo masyarakaik di Tanah Hitam. Jalanan nan tasadio di kabun teh cukuik untuak bajalan ciek urang dan rami manyadiokan panggaleh jajanan ketek. Kabun ko dapek disobokan sajauah 72 km (sakita 2 jam) dari Kota Padang, tapi dari Kota Solok dapek disobokan sajauah 60 km (1 jam 40 minik).

Sijarah

Dahulunyo, pas zaman panjajahan, kabun teh acok diparabuikan samo urang balando dan jerman. Sampai akhianyo, kabun teh di alahan panjang didapekan jo urang jerman. Urang jerman tu dulu mambuek tampek tingga di ateh bukik pakabunan iko. Tapi, sairiang wakatu, kabun teh kini lah dikelola pemerintah di bawah PT. Perkebunan Nusantara.

Lokasi

Lokasi kabun teh ko barado di sabalah kaki pagunuangan Bukik Barisan, di wilayah lingkuangan Desa Nagari Alahan Panjang, Kecamatan Lembah Gumanti, Kabupaten Solok, Sumatera Barat. Kawasan ko terkenal sajajar jo objek wisata lain bantuak Danau Diateh dan Danau Dibawah, yang mambuek wilayah nan ciek ko jadi tujuan wisata alam di ranah minang.

Kagiatan dan daya tarik

Kagiatan wisata nan dapek dilakukan biasonyo bafoto-foto, main mandok-mandok, manikmati pamandangan dan udaranyo, jo mambali oleh-oleh nan acok digaleh disinan, sarupo stroberi. Biasonyo paliang banyak urang tibo pas libur tahun baru. Wakatu nan paliang rancak untuak pai bakunjuang ka siko biasonyo pagi sampai siang hari.Daya Tariek Kebun Teh Alahan Panjang punya beberapa daya tarik wisata alam nan sering dimanfaatkan pengunjung, antara lain, Hamparan pakabunan teh hijau nan luae yang menciptakan pamandangan alam nan asri jo sajuak. Udaro pagunuangan nan sajuak atau bahkan cukuik dingin, terutama pado pagi dan sore hari, cocok untuak refresing atau healing. Spot fotografi alam yang instagramable, dari barisan tanaman teh sampai jo latar Gunuang Talang jo pamandangan lambah nan hijau. Rileksasi dan basantai di tangah kabun teh tanpa biaya masuak, sabab kawasan iko bebas tiket dan di tapi jalan gadang.

Akses dan Transportasi

Akses ka Kabun Teh Alahan Panjang bisa dicapai malalui jalur darat dari Kota Solok atau Kota Padang. Pajalanan dari Padang kurang labiah sakitar 2 jam malalui jalur darat jo kandaraan pribadi atau sewa. Jalan nan ditampuah relatif tabuka, maskipun pada bagian tartantu malintasi daerah bakelok di pagunuangan.