Kareta rel listrik

Kereta Rel Listrik seri JR 205 milik Commuter Line

Kereta Rel Listrik Ratangga milik MRT Jakarta

Kareta rel listrik (basingkek KRL, bahaso Inggirih disabuik Electric multiple unit (EMU).) adolah jinih kareta api bapanggarak surang batanago listrik. Basobok KRL indak parolu lokomotif, mako masin motor listrik akan bapasang pado ciek dari atau babarapo karetanyo pado ciek rangkaian. KRL tadiri ateh ciek, duo atau labiah kareta nan barangkai sacaro semiparmanen. Mayoritas operasinyo iyolah untuak panumpang, khususnyo untuak nan suko bajalan, tapi ado juo nan bajadian sabagai kareta pos.

KRL cukuik populer untuak armada komuter dan parkotaan basobok lajunyo capek jo bebas polusi. Bahkan KRL labiah senyap juo daripado kareta rel diesel atau kareta api panumpang nan babao dek lokomotif. KRL dapek baroperasi pado malam hari tanpa mangganggu lalok urang pinggiran rel. Tambahannyo, desain tarowongan untuak KRL cukuik sadarhano basobok indak parolu lai lubang angin untuak kalua asok, dektu ado babarapo nan haruih badesain ulang untuak mangakomodasi paralatan kalistrikannyo.

• Media tantang Kareta rel listrik di Wikimedia Commons