Kamuflase militer

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Kamuflase militer adolah teknik-teknik kamuflase nan dipakai dek serdadu militer pado maso parang atau operasi di lapangan. Banyak ragam kamuflase militer nan bakambang di angkatan-angkatan basanjato di dunia, dengan corak jo kaunikannyo nan masiang-masiang.

Sajarah[suntiang | suntiang sumber]

Kamuflase alah mulai dipakai sajak maso lampau. Pado maso Romawi Kuno, jinih kamuflase nan paliang umum adolah kamuflase kapa parang, cando nan dipakai dek Julius Caesar untuak maintai pantai-pantai Inggris.[1]

Di patampuran nan baadok-adokan langsuang, pakaian adolah aspek utamo dalam kamuflase militer. Pado Parang Tujuah Tahun (1756-1763) misalnyo, pasukan Rogers' Rangers nan dipasanjatoi jo sanapan mamakai saragam bawarna abu-abu atau ijau[2]; tradisi ko ditaruihan dek Rifle Regiments pado Parang Napoleon. Di Portugal, pasukan infanteri ringan Caçadores mamakai pakaian warna coklat nan mirip jo tanah dan lingkungan di sinan.[3]

India manjadi tampek nan pantiang dalam perkembangan taktik kamuflase pakaian militer. Pado tahun 1848, Corps of Guides mulai mamakai saragam bawarna drab nan diimpor lansuang dari Inggris. Namun, sairiang jo makin gadangnyo angkatan parang Inggris di India, tantara di sinan mulai mamakai saragam warna khaki (asalinyo dari bahaso Urdu nan baarti "bawarna tanah").[4] Warna khaki mulai dipakai dek Angkatan Darat Inggris jo India mulai 1885, dan manjadi warna standar saluruah angkatan mulai Parang Boer Kaduo pado tahun 1902.[5][6]

Jinih-jinih kamuflase[suntiang | suntiang sumber]

Pakaian saragam[suntiang | suntiang sumber]

Salah satu contoh kamuflase militer nan paliang tanamo adolah pado pakaian saragam tantara di medan parang. Saragam tempur biasonyo punyo corak nan tatantu untuak mangalabui lawan namun tetap dapek dikana dek kawan. Pado Parang Dunia Partamo, misalnyo, saragam Frogskin nan dipakai dek tantara Amerika Sarikat tapaso diganti dek karano talalu samo coraknyo jo pola kamuflase nan dipakai pado saragam Waffen-SS Jerman.[7]

Alat parang[suntiang | suntiang sumber]

Tank, kandaraan lapih bajo, jo kandaraan tantara di medan parang acok pulo dikamuflase untuak maindari sarangan udara dan marasioan garak pasukan.

Rujuakan[suntiang | suntiang sumber]

  1. Casson, 1995.
  2. Chartrand, 2013.
  3. von Pivka, 2002.
  4. "Khaki Uniform 1848–49: First Introduction by Lumsden and Hodson". Journal of the Society for Army Historical Research 82 (Winter): 341–347. 12 Agustus 2004. 
  5. Barthorp, 1988. Volume 4, pages 24–33.
  6. Chappell, 2003.
  7. Borsarello 1999.

Daftar pustaka[suntiang | suntiang sumber]

  • Borsarello, J.F. (1999). Camouflage uniforms of European and NATO armies: 1945 to the present. Atglen, PA: Schiffer Pub. ISBN 0-7643-1018-6.