Kalio Jariang

Wikipedia Minangkabau - Lubuak aka tapian ilimu

Kalio Jariang marupokan makanan khas dari daerah Minangkabau, Sumatera Barat. Kalio jariang biasonyo manjadi kuliner kesukaan masyarakaik sakitar. Indak hanyo di daerah Minangkabau. Kalio jariang kini lah bisa ditamui di babagai macam daerah yang ado di Indonesia ko. Rasonyo nan lamak dan pas dilidiah mambuek makanan ciek ko manjadi makanan favorit bagi banyak urang. Kalio jariang bisa disabuik randang satangah jadi. Bahan dari kalio jariang samo mode mamasak randang, yang mambedakannyo cuma bahan utamo nyo sajo. Kalau randang bahan utamonyo adalah dagiang sapi, sadangkan kalio jariang bahan utamonyo adalah jariang atau dalam bahaso Indonesianyo "Jengkol". Jariang yang digunokan untuak mambuek kalio jariang bisa mamakai jariang mudo maupun jariang tuo. Namun biasonyo bagi kebanyakan urang, kalio jariang mamakai bahan dari jariang tuo, karano jariang tuo labiah lamak rasonyo dibandiang jariang mudo. Kalio jariang mampunyoi kuah santan nan kental dan raso yang saketek padeh dengan bumbu khas Minangkabau. Kalio jariang banyak juo dijumpai di Rumah Makan Padang. Kalio jariang sangaik pas kalau disantap jo nasi angek.


Rujukan[suntiang | suntiang sumber]

Eka Putri, Rahmadila (14 November 2019). "5 Fakta 'Kalio Jariang', Si Sedap dari Kuliner Minang".