Kalamai putiah

Kalamai atau galamai adolah sala ciek makanan khas ketek dari daerah Sumatera Barat jo bahan tapuang bareh katan, saka, jo santan.

Namun, urang-urang ado juo biasonyo manggunoan gulo nan biaso.

Sabuik an namo untuak makanan khas dari Minangkabau ko ado juo babeda-beda sasuai tampek tingga. Di Kabupaten Agam makanan ko disabuik kalamai, sedangkan di Kabupaten Solok jo Kabupaten Pesisir Selatan makanan ko disabuik galamai. Tapi secara kasadonyo tadanga samo juo, cuma huruf pertamonyo nan beda.

Tu kalau di daerah lain makanan sarupo iko disabuik sabagai dodol atau jenang.

Salamo ko nan takenal bana, nan namonyo kalamai atau galamai ko kabanyakan bawarna hitam nan proses pambuekannyo nan lamo mode nan dikecek an Putro dalam Liputan 6 ko. Gelamai adolah kudok an sarupo dodol nan dibuek salamo labiah dari tujuah jam di ateh tungku jo baro api sadang.

Namun, ruponyo kalamai ko nan bawarna putiah yaitu kalamai randang bareh atau kalamai putiah urang manyabuiknyo. Proses pambuekannyo ndak jauah beda jo mambuek kalamai hitam nan biaso, bedanyo kalamai putiah ko bahan utamanyo tapuang bareh harus dirandang talabiah dulu. Ado pun bahan pandukuang lainnyo antaro lain gulo biaso, santan, jo garam.

Kalamai ko ado juo dihidangan katiko acara-acara adaik, mode baralek. Sabagian kampuang di Sumatera Barat ado juo nan mambuek kalamai ko katiko ari rayo.

Lain-lain lamak lo rasonyo kalamai putiah ko. Kalau kalamai hitam nan biaso awak tau katiko dikunyah lengket-lengket atau kenyal-kenyal, kalamai ko ndak sarupo itu. Katiko digigik rasonyo gurih dan manih juo.