Jumbo (pilem 2025)
| Sutradara | Ryan Adriandhy |
|---|---|
| Produser |
|
| Panulih |
|
| Pamain |
|
| Musik dek | Ofel Obaja |
| Sinematografi | Arnand Pratikto |
| Panyuntiang | Teguh Rahardjo |
Parusahaan produksiy |
|
| Distributor | Visinema Pictures |
Tangga rilis | |
Durasi | 102 minik |
| Nagara | Indonesia |
| Bahaso | Indonesia |
Jumbo adolah pilem pantasi patualangan animasi Indonesia tahun 2025 nan disutradarai dek Ryan Adriandhy dalam debut panyutradaraanyo, dari skenario nan ditulihnyo basamo Widya Arifianti. Pilem ko manampilkan suaro Pangeran Poetiray sabagai Don, surang anak laki-laki nan mancubo mamentasan drama di sabuah panunjuakan bakat sasudah inyo diremehan dek kawan-kawannyo.[1]
Sinopsis
[suntiang | suntiang sumber]Jumbo mancaritoan tantang surang anak yatim piatu baumua 10 tahun banamo Don. Inyo acok diremehan dek karano badannyo gapuak. Don mampunyoi sabuah buku paninggalan urang tuonyo nan baisi jo carito ajaib bagambar. Buku tu indak hanyo manjadi kanangan, tapi juo manjadi sumber inspirasi jo palarian bagi Don dari dunia nan taraso indak basahabat.[2]
Don mancubo mambuktian kamampuannyo jo maikuiki ajang pancarian bakat, di mano inyo barencana untuak mamentasan drama pangguang nan caritonyo dari buku paninggalan urang tuonyo tu, tapi buku tu di cilok dek surang kawanb nan mambuek Don putus asa. Untuangnyo, Don salalu mandapek dukuangan dari Inyiaknyo sarato kawan-kawan nan lain. Sahinggo akhianyo Don dapek mamentasan dramanyo.[3]
Tokoh
[suntiang | suntiang sumber]- Don
- Pangisi suaro: Prince Poetiray (Den Bagus Satrio Sasono sabagai Don baumua 4 tahun.)
- Anak laki-laki nan suko mambaco buku dongeang paninggalan urang tuonyo. Don acok diremehan dek karano badannyo nan gapuak. Inyo ingin mamentasan sabuah drama badasarkan buku dongeang tu.
- Nurman
- Pangisi suaro: Yusuf Özkan
- Kawan dakek Don nan salalu elok jo siap sadio. Inyo manjadi pangumbalo 3 ikua kambiang punyo tuonyo nan masiang-masiang banamo Mbek, Mbeek, dan Mbeeek.
- Maesaroh "Mae"
- Pangisi suaro: Graciella Abigail
- Kawan Don nan lain, nan acok manangahi Don jo Nurman katiko batangka.
- Maria "Meri"
- Pangisi suaro: Quinn Salman
- Kawan Don dari dunia arawah.
- Atta
- Pangisi suaro: Muhammad Adhiyat
- Anak nan acok maremehan Don.
- Amak Don
- Pangisi suaro: Bunga Citra Lestari
- Ayah Don
- Pangisi suaro: Ariel "Noah"
- Inyiak Don
- Pangisi suaro: Ratna Riantiarno[4]
Produksi
[suntiang | suntiang sumber]Pilem Jumbo mulai diproduksi pado April 2020 nan didukuang dek 200 urang kreator di bawah rumah produksi Visinema Pictures.[5][6] Pado November 2021, Visinema Pictures maluncuan tampilan patamo dari pilem ko jo pilemnyo dipakiroan akan dirilis pado tahun 2023.[7][8] Sabuah cuplikan ekslusif diputa di Festival Pilem Asia Jogja-NETPAC ka-19 pado 4 Desember 2024.[9] Baru pado 31 Maret 2025, pilem Jumbo dirilis batapekan jo libur hari rayo Idul Fitri.
Panarimoan
[suntiang | suntiang sumber]Dalam 7 hari panayangannyo di bioskop, pilem Jumbo bahasia mandapekan 1 juta panonton, nan manjadiannyo pilem talaris nomor 3 pado tahun 2025 sarato pilem animasi paliang banyak ditonton sapanjang maso.[10] Hinggo patangan April, pilem tu alah ditonton labiah dari 3 juta panonton. Salain di Indonesia, pilem ko juo akan di puta di babagai nagara takah Malaysia, Singapua, Brunei, Rusia, Ukraina, nagara-nagara Baltik, sarato nagara-nagara di Asia Tangah mulai Juni 2025.[11]
Rujuakan
[suntiang | suntiang sumber]- ↑ Hapsari, Hendrati (19 December 2024). "Film Animasi JUMBO Hadirkan Nilai Keluarga dan Keberanian". Bahtera Jateng. Diakses tanggal 22 December 2024.
- ↑ "Synopsis of the Film Jumbo, Indonesian animated film". Diarsipkan dari versi asli tanggal 14 April 2025. Diakses tanggal 13 April 2025.
- ↑ "Synopsis Film Jumbo". Diakses tanggal 11 April 2025.
- ↑ Zaakiyah, Raina (8 December 2024). "Sinopsis Film Animasi Jumbo, Debut Ariel NOAH Jadi Pengisi Suara". IDN Times. Diakses tanggal 22 December 2024.
- ↑ Riandi, Ady Prawira (7 October 2023). Maharani, Dian, ed. "Proses Produksi Hampir Berjalan 4 Tahun, Film Animasi Jumbo Akan Rilis Trailer Baru". Diakses tanggal 22 December 2024.
- ↑ "Fakta di Balik Pembuatan Animasi Jumbo". 12 Februari 2025. Diakses tanggal 16 Maret 2025.
- ↑ Novirdayani, Liza (9 November 2021). "First Look Film Jumbo, Animasi Panjang Debut Ryan Adriandhy". Kincir. Diakses tanggal 22 December 2024.
- ↑ "Film Animasi Jumbo Ditargetkan Tayang 2023". CNN Indonesia. 21 April 2022. Diakses tanggal 22 December 2024.
- ↑ Endra, Yohanes; Chozanah, Rosiana (5 December 2024). "Pertama Kali Dihadirkan ke Publik, Visinema Gelar Sneak Peek Ekslusif Film JUMBO di JAFF 2024". Suara. Diakses tanggal 22 December 2024.
- ↑ "Rekor Film Jumbo, Tembus 1 Juta Penonton dalam 7 Hari". CNN Indonesia. Diakses tanggal 8 April 2025.[pranala nonaktif permanen]
- ↑ "Media Asing puji film jumbo". Diakses tanggal 12 April 2025.