Janjang Saribu

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Janjang Saribu

Janjang Saribu, atau Janjang Koto Gadang, adolah salah satu obyek wisata nan tadapek di Ngarai Sianok, Kabupaten Agam, Sumatera Barat.[1][2] Janjang ko malinteh mulai dari Koto Gadang di lambah Ngarai Sianok kudian naiak ka Bukiktinggi.[3] Janjang ko tabantang labiah-kurang sajauah 780 m,[1] lebanyo 2 m, sarato batembok beton nan bantuaknyo ampia sarupo jo Tembok Gadang Cino.[2][3] Di tangah-tangah janjang tadapek sabuah jambatan gantuang nan acok disabuik Jambatan Sirah.[2] Dari ujuang ka ujuang, pajalanan malinteh janjang ko kiro-kiro mamakan wakatu 15-30 minik.[1][3]

Pado jaman panjajahan Balando janjang ko lah ado tapi banamo Janjang Batuang, karano tabuek dari tanah jo ditopang dek batuang.[3] Maso tu panduduak satampek mamakainyo sabagai jalan pinteh dari Koto Gadang manuju Bukiktinggi atau andak maambiak pasia di sungai.[3] Pamarentah Kabupaten Agam maadoan program renovasi untuak manjadiannyo destinasi wisata baru, jo basamo Menkominfo Tifatul Sembiring marasmiannyo pado 27 Januari 2013.[2][3]

Caliak pulo[suntiang | suntiang sumber]

Rujuakan[suntiang | suntiang sumber]

  1. a b c Isti (27 Maret 2015). "Tempat-tempat Unik nan Wajib di Kunjungi Saat Menginjakkan Kaki di Sumatra Barat". © 2016 Travelingyuk.com. All rights reserved. Viva.co.id. Diakses tanggal 25 Agustus 2016. 
  2. a b c d Ril (30 April 2016). "Pesona Alam "Lembah Pendiam" Ngarai Sianok". © Copyright 2016 Koran Jakarta. Koran Jakarta. Diakses tanggal 25 Agustus 2016. 
  3. a b c d e f Choirul, Ilham (15 Juni 2013). "Di China Ada Tembok Besar, Di Bukittinggi Ada Janjang Saribu". All Rights Reserved © Sidominews 2015. Sidomi News. Diakses tanggal 25 Agustus 2016.