Cindawan tiuang

Wikipedia Minangkabau - Lubuak aka tapian ilimu
(Dialiahkan dari Jamua tiram)
Loncat ke navigasi Loncat ke pencarian

Cindawan tiuang (Pleurotus ostreatus) (Indonesia: jamur tiuang) adolah cindawan pangan dari kalompok Basidiomycota dan tamasuak kelas Homobasidiomycetes jo ciri-ciri umum badan buah bawarna putiah hinggo krem dan tuduangnyo babantuak satangah lingkaran saroman cangkang tiuang jo bagian tangah agak cakuang. Cindawan tiuang masih badunsanak jo Pleurotus eryngii dan acok dikenal jo sabuikan King Oyster Mushroom.[1]

Karakteristik[suntiang | suntiang sumber]

Badan buah cindawan tiuang mampunyoi tangkai nan tumbuah manyampiang (bahaso Latin: pleurotus) dan bantuaknyo saroman tiuang (ostreatus) sahinggo cindawan tiuang mampunyoi namo binomial Pleurotus ostreatus.[1] Bagian tuduang dari cindawan tasabuik baubah warna dari hitam, abu-abu, coklat, hinggo putiah, jo pamukaan nan hampia licin, diameter 5–20 cm nan batepi tuduang muluih saketek balikuak. Salain tu, cindawan tiuang juo mampunyoi spora babantuak batang baukuran 8-11×3-4μm serta miselia bawarna putiah nan bisa tumbuah jo capek.

Di alam lapeh, cindawan tiuang bisa dijumpai hampia sapanjang tahun di rimbo pagunungan daerah nan sajuak.[2] Tubuh buah taliek saliang batumpuak di pamukaan batang pohon nan alah malapuak atau pokok batang pohon nan alah ditabang karano cindawan tiuang adolah salah satu jenis jamuua kayu. Untuak tu, katiko nio mambudidayokan cindawan iko, substrat nan dibuek musti mamparatian habitat alaminyo. Media nan umum dipakai untuak mambiakkan cindawan tiuang adolah sarbuk gargaji kayu nan marupokan limbah dari panggargajian kayu.

Siklus iduik[suntiang | suntiang sumber]

Pado umumnyo cindawan tiuang, Pleurotus ostreatus, mangalami duo tipe pakambangbiakan dalam siklus hiduiknyo, yakni sacaro aseksual maupun seksual. Saperti halnyo reproduksi aseksual cindawan, reproduksi aseksual basidiomycota sacaro umum nan tajadi malalui jalua spora nan tabantuak sacaro endogen pado kantuang spora atau sporangiumnyo, spora aseksualnyo nan disabuik konidiospora tabantuak dalam konidium.[3] Sadangkan sacaro seksual, reproduksinyo tajadi malalui panyatuan duo jenis hifa nan batindak sabagai gamet jantan dan betino mambantuak zigot nan kamudian tumbuah manjadi primodia dewasa. Spora seksual pado cindawan tiuang putiah, disabuik juo basidiospora nan talatak pado kantuang basidium.

Rujuakan[suntiang | suntiang sumber]

  1. a b (Inggirih) Volk TJ. 1998. This month's fungus is Pleurotus ostreatus, the Oyster mushroom. [terhubung berkala] http://botit.botany.wisc.edu/toms_fungi/oct98.html [30 Mei 2009].
  2. (Inggirih) Kuo M. 2005. Pleurotus ostreatus: The oyster mushroom. [terhubung berkala] http://www.mushroomexpert.com/pleurotus_ostreatus.html [3 Mar 2009].
  3. (Inggirih) Phillips, Roger. 2006. Mushrooms. Pub. McMilan. Hal. 266.