Organisasi antarobanso
Organisasi antarobanso adolah sabuah organisasi nan punyo anggota, jangkauan, atau lingkup karajo di banyak nagara di dunia. Ado duo jinih organisasi iko:[2]
- Organisasi antarpamarintahan (intergovernmental organization): nan anggotanyo adolah nagara-nagara nan badaulaik, saroman Pasarikatan Banso-Banso (PBB), Organisasi Kaamanan jo Karajosamo di Eropa (OSCE), Dewan Eropa, Organisasi Buruah Antarobanso (ILO), jo Organisasi Polisi Antarobanso (Interpol). PBB manggunoan istilah "organisasi antarpamarintahan" untuak labiah jaleh.[3]
- Organisasi nonpamarintah antarobanso (international nongovernmental organizations): adolah organisasi nonpamarintah nan bakarajo di banyak nagara. Jinih ko tamasuak pakumpulan indak balabo saroman Organisasi Pagarakan Pramuka Dunia, Komite Palang Sirah Antarobanso, jo Médecins Sans Frontières.
Organisasi antarpamarintahan nan partamo dan paliang tuo adolah Pasatuan Telekomunikasi Antarobanso (ITU) nan ditubuahan pado taun 1865. ITU manjadi model dari organisasi nan ditubuahan kudian saroman Liga Banso-Banso jo PBB. Babarapo organisasi kawilayahan alah ado juo pado wakatu itu, saroman Komisi Pusat Urusan Palayaran di Sungai Rhine nan ditubuahan pado tahun 1815 dek Kongres Wina.
Organisasi antarobanso baparan untuak mambuek agenda antarobanso, mamediasi pasalisiahan politik, manjadi wadah untuak inisiatif politik, jo manjadi katalisator untuak mamajuan tujuan-tujuan nan tatantu.
Rujuakan
- ↑ (Parancih) François Modoux, "La Suisse engagera 300 millions pour rénover le Palais des Nations", Le Temps, Friday 28 June 2013, page 9.
- ↑ The Penguin Dictionary of International Relations divides modern international organizations into two "basic types, the 'public' variety known as intergovernmental organizations (IGOs) and the 'private' variety, the international non-governmental organization (INGOs)." (Evans, Graham, and Richard Newnham. Penguin Dictionary of International Relations. Penguin, 1998, p. 270.)
- ↑ "Intergovernmental organizations having received a standing invitation to participate as observers in the sessions and the work of the General Assembly and maintaining permanent offices at Headquarters." United Nations Department of Public Information, United Nations Secretariat.