Batang Yarmuk

Wikipedia Minangkabau - Lubuak aka tapian ilimu
(Dialiahkan dari Sungai Yarmuk)
Batang Yarmuk maalia ka Batang Yordan

Batang Yarmuk (bahaso Arab: نهر اليرموك‎, Nahr Al-Yarmuk, atau شريعة المناذرة, Syariah al-Manadhirah; Ibrani: נהר הירמוך‎, Nahar HaYarmukh; Latin: Hieromices),[1][2] kadang ditulih Yarmouk, adolah anak sungai tagadang dari Batang Yordan.[3] Batang aia ko maalia malalui Yordania, Suriah, jo Israel dan malalui sabagian gadang dataran tinggi Hauran. Sumber aia utamonyo adolah wadi 'Allan jo Ruqqad di utara, sarato Ehreir jo Zeizun di timur. Walaupun batang aia ko sampik jo dangka di sapanjang alirannyo, di ujuangnyo ampia saleba Yordan, iyolah tigo puluah kaki lebanyo jo limo kaki dalamnyo. Jambatan Matius nan tanamo daulu panah malinteh manyubarangi Yarmuk pado patamuannyo jo Yordan.[4]

Sijarah[suntiang | suntiang sumber]

Prasijarah[suntiang | suntiang sumber]

Kabudayaan Yarmukian adolah suatu kabudayaan Tembika Neolitikum nan tadapek pado babarapo tampek di Palestina jo Yordania. Jisih situsnyo dapek diliek di Sha'ar HaGolan, di muaro sungai. Maso Parunggu Awa I ditamuan di Golan anyo di sakitaran area batang aia.[5]

Kuno[suntiang | suntiang sumber]

Jambatan kareta api nan malinteh Batang Yarmuk lah ancua pado 1946

Yarmuk mambantuak bateh alam antaro dataran di utara - Hauran, Bashan jo Golan - jo pagunuangan Gilead di sabalah selatan. Dek itu acok manjadi bateh pulo antaro wilayah politik. Bateh karajaan-karajaan Aram jo Karajaan Israel (Samaria), pado bibel Ibrani, mungkin sarupo iko juo takadang disalasaiannyo. Di bawah kakaisaran Asiria jo Persi provinsi Ashteroth Karnaim talatak di utaranyo, dan Gal'azu (Gilead) di salatannyo. Di maso Hellenistik, wilayah Hippos talatak disubarang Gadara jo Abila (Abel) di sabalah selatan, samintaro Dion di sabalah timur anak sungai. Abila (Tel Abil) disabuik dalam Surek-surek Amarna dari abaik ka-14 SM. Iko juo nampaknyo nan tajadi jo Geshur, nan dipakiroan talatak di utara batang aia ko.[6] Kota-kota basijarah lainnyo di sapanjang sungai adolah Dara'a, Heet, Jalin; sarato situs-situs arkeologi Tell Shihab jo Khirbet ed-Duweir (caliak Lo-debar).[6]

Patampuran Yarmuk, di ma pasukan Muslim mangalahan pasukan Kakaisaran Bizantium dan dapek manguasoi Suriah, tajadi di utara batang aia pado 636.

Moderen[suntiang | suntiang sumber]

Kini ko bagian bawah batang aia, nan dakek jo Lambah Yordan, mambantuak sabagian bateh antaro Israel jo Yordania. Labiah ka ulu lai mambantuak sabagian bateh antaro Suriah jo Yordania (pabatehan nan tarutamo adolah warisan dari Pajanjian Pabatehan Parancih-Brtania taun 1923). Wilayah Al-Hamma, atau Hamat Gader di lambah ko dikuasoi dek Israel tapi diklaim juo jo Suriah.

Sabuah jalua kareta api Hejaz (nan baubuangan jo jalua kareta api Lambah Jezreel di Samakh) malinteh lambah batang aia ko antaro 1905 inggo 1946.[7] Jalua ko ancua satalah dibom dek pasukan Yahudi Haganah dalam paristiwa Night of the Bridges pado 16 Juni 1946. Pambangkik listrik di Naharayim, di pasimpangan jo Batang Yordan, malayani Mandat Palestina antaro 1932 inggo 1948. Banduangan Al-Wehda dibangun di Yordania jo Suriah pado taun 2000-an.

Rujuakan jo pautan lua[suntiang | suntiang sumber]

  1. Schürer, Emil (2014-01-30). The History of the Jewish People in the Age of Jesus Christ. A&C Black. page 133, note 243. ISBN 9781472558299. https://books.google.com/books?id=D29jAgAAQBAJ&pg=PA133&f=false. 
  2. The Greek is sometimes given as Ancient Greek: Ἱερομύαξ, Hieromyax, or Ancient Greek: Ιερμουχάς, Iermouchas.
  3. It is one of three main tributaries which enter the Jordan between the Sea of Galilee and the Dead Sea; to the south are the Zarqa and the Mujib (Arnon) rivers.
  4. 1906 Jewish Encyclopedia
  5. Ma'oz, Zvi Uri (1997). The Oxford Encyclopedia of Archaeology in the Near East. ISBN 0195112156. 
  6. a b Ma'oz, p. 420
  7. Yarmuk River railway bridges, 1933 aerial photographs.
  •  This article incorporates text from a publication now in the public domain: Singer, Isidore; et al., eds. (1901–1906). "YARMUK (modern Shari'at al-Manaḍirah)". Jewish Encyclopedia. New York: Funk & Wagnalls Company.