Organisasi nirlaba

Wikipedia Minangkabau - Lubuak aka tapian ilimu
Wikimedia Foundation marupoan salah ciek organisasi nirlaba nan barado di Amerika

Organisasi nirlaba atau disabuik juo jo organisasi non profit adolah suatu organisasi nan punyo sasaran pokok untuak mandukuang suatu isu atau parihal di dalam manariak paratian publik untuak suatu tujuan nan indak babantuak komersial, tanpa ado paratian tahadok hal-hal nan basifaik mancari labo (moneter). Organisasi nirlaba maliputi, sakolah negeri, derma publik, rumah sakik jo klinik publik, organisasi politis, bantuan masyarakaik dalam hal parundang-undangan, organisasi jaso sukarelawan, sarikaik buruah, asosiasi profesional, institut riset, museum, tamasuak juo beberapa para patugas pamarintah. Aratinyo organisasi nirlaba iko bukanlah organisasi nan baoreintasi ka kauntuangan finasial nan didapek.[1]

Pabedaan organisasi nirlaba jo organisasi laba[suntiang | suntiang sumber]

Banyak hal nan mambedaan antaro organisasi nirlaba jo organisasi lainnyo (laba). Dalam hal kapamiliakan, indak jaleh siapo sasungguahnyo ’pamiliak’ organisasi nirlaba, apokah anggota, klien, atau donatur. Pado organisasi laba, pamiliak jaleh mamparoleh untuang dari hasia usaho organisasinyo. Dalam hal donatur, organisasi nirlaba mambutuahannyo sabagai sumber pandanaan. Babeda jo organisasi labo nan alah mampunyoi sumber pandanaan nan jaleh, yakninyo dari kauntuangan usahonyo. Dalam hal panyebaran tangguang jawab, pado organisasi laba alah jaleh siapo nan manjadi Dewan Komisaris, nan kamudian mamiliah saurang Direktur Palaksana. Sadangkan pado organisasi nirlaba, hal iko ko indak murah dilakuan. Anggota Dewan Komisaris indak sabagai ’pamiliak’ organisasi.[2]

Pajak bagi organisasi nirlaba[suntiang | suntiang sumber]

Sabagai entitas atau lembago, mako organisasi nirlaba marupoan subjek pajak. Aratinyo, saluruah kawajiban subjek pajak harus dilakuan tanpa takacuali. Akan tatapi, indak kasado panghasilan nan diparoleh dek yayasan marupoan objek pajak.[3] Pamerintah Indonesia mamparahatian bahwasanyo badan sosial indak bagarak untuak mancari labo, sahinggo pandapatannyo diklasifikasikan ateh pandapatan nan objek pajak dan bukan objek pajak. Namun di banyak negara, organisasi nirlaba buliah malamar status sabagai bebas pajak, sahinggo dengan damikian mereka akan tabebas dari pajak panghasilan sarato jo jinih pajak lainnyo.[4]

Organisasi nirlaba di babarapo negara[suntiang | suntiang sumber]

Indonesia[suntiang | suntiang sumber]

Di Indonesia, organisasi nirlaba alah bakambang cukuik pesat, tarutamo di bidang kaagamoan sarati di bidang advokasi. Salain itu, organisasi sarupo iko di bidang pandidikan kiniko alah mulai juo bakambang, sarupo nan dilakuan, contohnyo organisasi nan banamo Internews Indonesia; mereka malakuan bimbingan untuak para jurnalis.[5]

Amerika Serikat[suntiang | suntiang sumber]

Pakambangan organisasi nirlaba di Amerika Serikat alah sangaik jauah labiah maju dibandiang jo di Indonesia, tarutamo dalam bidang kaagamoan. Amendemen Partamo Amerika Serikat manjamin kabebasan baragamo untuak masyarakaiknyo. Bagaimanopun, organisasi nirlaba relijius sarupo gareja, tunduak kapado labiah saketek sistem palaporan pamerintah pusek dibandiang jo banyak organisasi lainnyo.[6] Dalam hal perpajakan, organisasi nirlaba relijius di Amerika Serikat juga dikecualikan dari beberapa pemeriksaan ataupun peraturan, yang membedakannya dengan organisasi non relijius.[7]

Kanada[suntiang | suntiang sumber]

Di Kanada, organisasi nirlaba nan maambiak format derma biasonyo harus dicatatkan di dalam Agen Pandapatan Kanada (Canada Revenue Agency).[8]

Karajaan Inggris[suntiang | suntiang sumber]

Di Inggris jo Wales, organisasi nirlaba nan maambiak format derma biasonyo harus dicatatkan di dalam Komisi Pangawasan Derma. Di Skotlandia, Kantor Pangatur Derma Skotlandia malayani juo fungsi nan samo. Babeda jo organisasi nirlaba di Amerika Serikat, sarupo sarikaik buruah, biasonyo tunduak kapado paraturan nan tapisah, dan indak baaitu dihormati sabagaimano halnyo derma dalam hal pangartian teknis.[9]

Caliak pulo[suntiang | suntiang sumber]

Rujuakan[suntiang | suntiang sumber]

  1. Dinanti, Aldila; Nugraha, Ginanjar Adi (2018-05-23). "Pelaporan keuangan organisasi nirlaba". Jurnal Ekonomi, Bisnis, dan Akuntansi. 20 (1). doi:10.32424/jeba.v20i1.1081. ISSN 1411-1950. 
  2. Anonim, Manajemen Organisasi Nirlaba, Perhimpunan Pengembangan Pesantren dan Masyarakat, tr.by: Roem Topatimasang & Rust Dilts, CV. Guna Aksara, Jakarta:1988.
  3. ""Laba" Yayasan Pendidikan, Bebas Pajakkah? | Direktorat Jenderal Pajak". www.pajak.go.id. Diakses tanggal 2021-04-30. 
  4. "Media Center P3M". Diarsipkan dari versi asli tanggal 2013-08-18. Diakses tanggal 2021-04-30. 
  5. "Indonesia | Internews". internews.org. Diakses tanggal 2021-04-30. 
  6. [1]
  7. Henriques, Diana B. (8 October 2006). "Religion Trumps Regulation As Legal Exemptions Grow". NY Times. hlm. A1. 
  8. Agency, Canada Revenue (2020-10-01). "Canada Revenue Agency". aem. Diakses tanggal 2021-04-30. 
  9. Yani, Meri. "STIE Al-Anwar | Blog Dosen" (PDF). dosen.stie-alanwar.ac.id. Diakses tanggal 2021-04-30.